村民好現實，剎那激情之後，磨爛蓆都唔係辦法。唔好令到民意背向。迫到政府埋檯已經係比想像中好嘅結果（政府繼續不聞不問等你民氣退燒都得），而家應該集中留意學聯談判到啲乜，對政改諮詢帶來咩改變。如果係公開討論，市民發現政府根本冇誠意埋檯傾，可以再將行動升級。如果係閉門討論，學聯要將訴求同討價還價過程清楚交代，民主黨前車可鑑。