對住我老母真係頭都大埋……

藍皓 攝

對住我老母真係頭都大埋，岩岩同佢既對話完全綜合晒近來既「請廣傳」系列…

老母：做咩叫你唔好去旺角你係都要去？好危險囉！

我：唔危險，而家得返班阿伯係度玩膠。

老母：尋日咁多政客同校長叫你地走，佢地開得聲姐係有危險啦，你仲唔走？

我：傻既都知佢地夾口供靠嚇啦，你有邊一日無聽到佢地吹話清場？又有邊日見到真係清？我今日連lunch都食埋喇，說好的清場呢？

老母：唔係危險既話就唔會咁多人都話要撤退啦。

我：你係邊度聽返黎呢？又係cctvb同whatsapp？同你講好危險果班朋友有無親身黎過睇咖？你都未黎過喎，人講你又信？不如你自己放工黎睇下啦。

老母：大陸唔會袖手旁觀，你地遲早變翻版六四，俾解放軍鎮壓。

我：有少少政治智慧都會明白派解放軍既機會好低，無好處。

老母：你睇下班政客既仔女，如果係安全既話佢地自己又唔出黎？

我：人地既仔女點做同我完全無關係囉。

老母：清場係遲早既事，一陣混亂起上黎發生人踩人點算？

我：呀媽，我食緊飯呀，收線喇，byebye。

救命。

作者：婷欣

你好，我係風月亭亭長：）

閱讀後覺得好，請多多讚好及分享～：）