同中共傾政改?不如諗好條底線先啦~

前言:呢篇討論香港政制前路嘅文,我其實兩年前已經想寫,不過一直覺得寫出嚟無人會明。不過,睇見大家係遮打革命嘅精神,令我醒覺可能大家要有子彈先可以同中共/港共開火,所以就執筆寫文。事先聲明,我唔認同泛民,因為我覺得佢哋都係賣港;當然我唔會認同保皇黨。喺港獨、城邦、本土各派中,我認同本土優先嘅方向,而我亦認為要香港獨立,最少要確立自主城邦 (Autonomous City State)地位;亦因為係咁,我唔完全認同任何一派的整套理論;呢篇文亦盡可能係唔會用港獨、城邦、本土各派嘅理論去做骨幹。

 

未入正題前,想先回應上一篇文於10月18日出嘅文嘅部份內容:

(1)首先,我喺文中第一個推測,指出「由於佔中三子及泛民由第一天就表示佔中後只會和理非非,所以警隊(亦可能反映政府想法)只預算用少於一周時間去清場。他們可能以為佔中會於10月1日開始,由於當日是假期,大部份輔警可以出更,他們就可以用最多的人手去處理佔中;如果不想破壞中國國慶的慶祝活動,他們就可以在10月4或5日去清場」。結果,同戴耀廷喺10月27日接受電台訪問時,對公眾剖白話本來預算佔中行動會於10月5日完結喺不謀而合。我唔敢講話佔中同警方有默契,不過我敢講話佔中班人一早就和理非非,只想做樣,無心認真去抗爭。

(2)我提出「我不排除港府會學一些第三世界國家的手法,先截斷互聯網又或者截斷social media的通訊,去避免抗爭者能聯絡」。雖然政府暫時未有咁做,不個過保皇黨各議員對抗爭者用social media通訊,口誅筆伐,話證明由外國勢力支持遮打革命(Well,唔用外國嘅social media,唔同用微博同WeChat等中國產品去聯絡各位抗爭者咩?!),其實亦雖不中亦不遠矣。

(3)政府於日前提出要追加約7,000萬撥款,去找逾時工作津貼條數,亦同我嘅計算一樣。

如果要我再作推演,我會覺得由現時都11月尾都唔會清場。因為如果要清場,就一定要暴力清場,如果係咁,就會刺激台灣選民,係台灣選舉時會更加抗拒親中共嘅國民黨,對中共嘅統戰不利。不過一入12月,情況會變,所以大家要小心。

 

好啦,入正題啦。

 

遮打革命嘅主要起因,係因為中共人大通過一個密不透風嘅香港政改藍圖,叫香港人不得多言,要照單全收。有不少人,包括我嘅不少朋友就一直「大中華膠」上身,話中共人大已經有框架,就喺框架入面盡量搵空間就算啦。我自己就完全唔接受呢一種奴性上身嘅想法,不過好不幸,香港就有人用「奴隸」嚟比喻自己,話唔應該去爭取自己應有嘅人權。如果你同意就自己係奴隸,又或者自認大中華膠,就唔該你唔好再睇落去,因為你「唔死都無用」。

喺我眼中整個香港嘅政制問體,唔係只得特首是否由普選產生,以及立法會取消功能組別咁簡單。整個問題,係因為香港係行緊一個極端嘅行政主導制度,我叫佢做行政霸權,因而令到行政權力係實際上未必受到立法同司法嘅制衡。您可能唔同意我嘅講法,不過您只要睇吓以下幾個情況,您就知道個問題係比表面嚴重:

(1)喺全世界嘅非極權國家入面,有幾多個立法院係近乎未能自己立法呢,又或者未能修訂由行政機關提出嘅議案?又或者咁樣問:香港立法會對上一次能通過由議員自己提出議案,又或者通過議員修訂嘅議案,到底係邊一年?坦白講,喺我記憶中,真係少到如鳳毛麟角。如果香港立法會議員要提出議案,就要先過行政機關,睇吓會唔會影響財政,云云。咁,其實要提出議案嘅門檻(尤其係涉及民生問題就必定會影響財政),實在好高。即使能提出,亦好難通過分組點票。相反,行政機關提出嘅議案,就只需要全體點票就過。當然,呢個變態嘅制度,亦令泛民可以block保皇黨提出嘅議案又或者修訂案;不過有關安排,其實就係削咗立法會去提出議案,以及修訂政府提案嘅權力。

(2)司法機關嘅情況比立法會好,我話好嘅意思係獨立性。不過香港司法機關嘅首席大法官嘅任命權係來自政府,而首席大法官就係負責去任命下級法庭嘅法官。雖然我唔會覺得香港司法機關唔中立,又或者缺乏獨立性,不過唔可以否認,首席大法官嘅任命權,係來自行政機關,而唔係市民。

(3)香港所有政府部門首長,以及司長,局長,各法定委員會嘅委員嘅任命權及推薦權,都係來自行政機關,某程度上,有關人等,只需要向行政機關負責,而無需向立法會及市民負責。最緊單例子,就係最近有一單同警察督察醉酒駕駛嘅案件,律政署(作為行政部門)就選擇用最低嘅罪名去提告,並作出Offer No Evidence(不提證供起訴),令司法機關只能判最底刑罰(低罰款守行為、不留案底);當然大家覺得對其他醉酒駕駛案件嘅被告唔公平,不過,由於律政署係無需直接對公眾交代,所以大家係無法去制衡或者去要求有關部門解釋,而部門亦唔會放市民意見在眼內。又行政機關以行政會議為首,由於行政會議成員均由特首任命,故香港式行政霸權就是特首獨裁。

 

如果係其他正常國家/地區,即使係用行政主導,都好少去到咁盡,即係製造行政霸權。上一代香港人無反抗行政霸權係有幾個理由:第一就係港英政府係後殖民地政府,大家直覺認為既然係殖民地,就選擇有飯食,有工開就算;第二,港英政府即使有權,亦無濫用,做事盡可能公事公辦,令市民唔會反感;第三,上一代香港人有過客(家父話係旅居香港)心態,所以就選擇少說話,多做事。第四,係中共以動武威嚇阻止民主化。

喺討論現時情況時,我想先講一啲談判學嘅守則;第一件事,就喺先諗下大家嘅低線有無重疊。圖一就係以買賣二手車為例子;如果雙方嘅心水價有重疊,就可以傾,如果無,就應該拉倒。不過,現時嘅情況喺如圖二所示,大家底線無重疊,基本上係無得傾,應該要直接拉倒。我大膽啲講,任何人出嚟話袋著先,又或者話係人大框架入面討價還價,都係賣港賊,人人得以誅之!

 

政改傾定唔傾?唔傾!

政改傾定唔傾?唔傾!

 

如果覺得傾都無用,咁我哋要點做先好?呢個係好問題!我覺得現時要做,就係先訂出我哋嘅真正叫價,即係我哋可接受範圍!

近年,香港有不少學者,用新加坡或者其他地區嘅政制發展去討論香港嘅方向,當中有唔少好嘅理論,可能作為我哋最高要求嘅底線。不過當主流學者只提出新加坡經驗,我就想提出香港應該要睇關島經驗。

無錯,我係講美國喺西太平洋嘅屬地關島;其實香港同關島有唔少相似嘅地方,不過大家無去發崛,所以唔知,亦唔明。首先,我先用一個表,去分析香港同關島嘅異同。

 

政改傾定唔傾?唔傾!

 

咁您會問:作為美國屬地嘅關島,現時嘅政制模式係點,而香港又可以點借鏡?為咗方便大家,我用另一個表去分析。

 

政改傾定唔傾?唔傾!

 

如果今日我去開條件,我就會開以下嘅條件比中共去接波:

(1)一人一票普選特首;

(2)立法會取消功能組別,再加分區多議席多票制普選;

(3)一人一票普選廉政專員,核數署長,以及首席大法官

(4)所有由特首推薦嘅問責局長/司長,或其立法會指定主要官員,由立法局作公開面試;

(5)香港市民要有正式公投權;

(6)1997年6月30日前嘅香港合法居民及其後裔保留(exclusive)獨立公投權;

(7)給予普選特首有否決立法會及一般公投結果嘅權,不過如果有關議案經立法會以2/3大多數再覆核,又或者2/3大多數市民再通過,就必需要接受成為法律;

(8)取消基本法52條(2),即「特首因兩次拒絕簽署立法會通過的法案而解散立法會,重選的立法會仍以全體議員三分之二多數通過所爭議的原案,而行政長官仍拒絕簽署」嘅要求,因為如果特首真係咁不得民心,下次選舉就一定Out!

(9)開放立法會議員提出法案權力;

(10)立法會議員不得兼任行政會議成員;以及

(11)各主要官員及議員不得出任中國機構成員或顧問(例如人大、政協或各級機構)。

 

當然,您可以笑我黐線,因為中共唔會贊成;不過我會答: If we don’t have a dream, we will never win!

 

作者:奇雲

奇雲
作者為旅居海外的一名前香港公務員。現時在海外做人之患。

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
歡迎讚好我們的facebook page,免費資訊源源送上。

文章資訊

ID: 90385
Date: 2014-11-09 07:00:10
Generated at: 2022-12-02 11:07:37
Permalink: https://www.vjmedia.com.hk/articles/2014/11/09/90385/同中共傾政改?不如諗好條底線先啦~