對住和理非抗爭,中共表示:「who fucking cares?」

讀者匿名提供

讀者匿名提供

 

其實中共對住「和平、理性、非暴力」既抗爭,從頭到尾既態度都係「who fucking cares?」。連我老母都問:「你地表態表左咁耐,仲未表夠咩?」係呀,就連一個c9都睇得出大家係表態而唔係抗爭。

如果你真係純粹黎表下態既,okay keep going on,但如果你係黎爭取真普選,Sorry,發夢未有咁早。如果大家選擇維持現有佔領模式,全無收獲是必然的結果。呀,諗諗下都好似有既,「和平」塊招牌囉!

 

人們說不要有大會,結果有了「大會」,人們說不要大台,結果有了「大台」。

常言道:「xx不代表我」,其實最大問題係果班so called領導者唔得民心。唔好淨係鬧抗爭者想拆大台,想唔承認大會就係搞分化,調返轉諗下,其實係你班友成日忽略左好多抗爭者既意見,淨係按住自己心入面相信果套去做決定,簡稱「騎劫」。當你地一次又一次擺出一副威權相,又鬧鬼我地唔尊重大台,完全唔理其他人既諗法,大家先會咁反感。

 

「大會」一直堅持要和理非抗爭,同時有一群行動派想升級,其實根本無需要分對錯,只係大家相信既野唔同。但係我對於和理非指責行動派破壞運動感到大惑不解。你講得破壞,姐係你覺得而家個運動進程好理想啦?咁請問你爭取左乜野呢?而家連港大民調都叫我地返屋企喇,你仲想拖幾耐呢?係呀,就係乜都無!

咁講既話,行動派係咪應該可以調返轉話你破壞呢場運動?行動派唔認同你地齋坐,佢地有無唔俾你地繼續坐?有人想升級,你地又憑咩阻止人去做?而家根本無「主辦單位」,場雨傘革命唔係屬於你地咖,想控制所有群眾,你係咪傻左呀?你估你係我老母呀?想指點我做野?何況連我老母都管唔到我呀!

 

爆玻璃都嫌暴力,咁打爛玻璃影相放instagram果位大文豪都好鬼暴力,我唔明點解一塊爛左既玻璃仲多人關心過一堆人被爆頭。而家我地唔係參加鬥和平大賽,成日話勿忘初衷,你班友明明係想爭取香港成為全球最和平示弱城市。繼續打飛機,攬住個和平光環啦,民主係唔屬於你地咖。

一句講晒,繼續咁樣落去,等玩完!

 

作者:婷欣

婷欣
你好,我係風月亭亭長:)

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 91409
Date: 2014-11-20 15:37:04
Generated at: 2020-10-31 18:30:54
Permalink: https://www.vjmedia.com.hk/articles/2014/11/20/91409/對住和理非抗爭,中共表示:「who-fucking-cares?」