未來為你的旅途 – 鐵路願景

原載於:MTR Service Update Page

 

「未來為你的旅途 費盡心思去服務」 🎬 🎶

 

呢首歌,大家成日喺車站會聽到,咁未來嘅旅程,又會係點樣呢 ?

 

話題要返到 2011 年,兩鐵合併的工作歷史四年,終告完成。隨各行車綫嘅常規程序等逐漸劃一,係時候計劃日後的發展;在港鐵網絡中,市區綫車站喺 ~1999 年起曾全面翻新,原屬於九廣鐵路一部分的東鐵綫,快將電氣化 30 年之久,車站內的設施(例如通車沿用至今的閘機)好快會變得不合時宜。

 

同時,就英國本土標準來說,一般地鐵車廂嘅設計壽命係 40 年,即係話隨地鐵通車,而引入本港的「現代化列車」喺 2011 年當時,已有 32 歲。

 

再者,六條行車綫,包括觀塘綫、荃灣綫、港島綫、東鐵綫、機場快綫 同 東涌綫,佢地現有嘅訊號系統於 96 – 98 年安裝;另有三條行車綫,即西鐵綫、馬鞍山綫 同 迪士尼綫則分別喺 02 – 05 年通車,屈指一算即將「爆煲」的基建設施將有:

 

  • 市區綫訊號系統的設計壽命,於 2014 年屆滿
  • 機場快綫、東涌綫訊號系統的設計壽命,於 2014 年屆滿
  • 東鐵綫訊號系統的設計壽命,於 2016 年屆滿
  • 八達通有需要於未來 5 年推出「第二代」產品
  • 票務系統需陸續更新
  • 機場鐵路車站於 2018 年需要再次更新設施
  • 市區綫車站於 2019 年需要再次更新設施
  • 市區綫隨地鐵通車引入的車廂,需於 2019 退役
  • 東鐵綫的車廂部分於 2012 年已屆使用年限
  • 機場鐵路通車時間購入的車廂,需於 2018 年開始翻新
  • 西鐵綫、馬鞍山綫車廂需於 2023 年前翻新

 

原來,港鐵不同部分「老化」的計時炸彈都在 2020 年前後全部「爆破」…

 

為此,車務工程部就提出「鐵路願景」(Railway Vision)計劃,將三大鐵路範疇、設備,即車站、列車、票務系統更新之餘,仲期望可將服務提升至另一個層次,迎合下一個 20 年的需要。例如大家有無稔過售票機可以找番紙幣 ? 網上買完飛又可以直接搭車去機場呢 ? 又或者列車嘅牆壁可以同電視融合呢 ?

 

PhotoGrid_1418930150386

顧問公司「天馬行空」的概念

 

稱為「願景」的原因,乃第一步會聘請顧問公司,以天馬行空的方式,提出不同構想、概念,引導計劃的方向,同刺激工程師嘅創意。接落嚟就係決定顧問提議(Initiatives)的可行程度,再安排於 2013 年開始設計,最遲於 2024 年,即係依家嘅 10 年後全面落實。

 

呢個序章喺依家已經寫下,乘客好快會見到每一程車,都融入咗「鐵路願景」的元素。例如港島綫西延部分,即堅尼地城、香港大學站、西營盤站的閘機頂部有大型燈號,顯示機器接受咗邊位乘客入閘,避免兩個方向的乘客「相撞」;

 

票務機就提供「一站式」服務,綜合了售票、增值的功能,若機器認為乘客的交易有不正常的地方,例如在增值期間,由於新機不會再卡收取乘客的八達通,若乘客過早取回智能卡,機器會發出《退款憑證》,以解決票務問題。

 

願景車站的設施

願景車站的設施

 

其實,現有車站的新款客務中心、月台上的乘客資訊顯示屏,都係「鐵路願景」的成品之一。

 

新顯示屏能顯示不同的事故訊息外,長遠亦能配合車上的感應器,預先告知候車乘客各車廂的擠逼狀況,好讓乘客可以自行選擇較少人的位置上車。近月金鐘站新安裝的大型指示牌,就為日後香港人口老化而設,其半透明的設計,可以於出口、樓梯、升降機停用時,將圖示熄滅,顯示牌不會再顯示任何內容,避免誤導乘客。 

 

至於旺角、九龍塘站,則會逐漸變身成「鐵路願景」的先導車站,牆身會改用玻璃面板,取代日漸老化的紙皮石磚。地板則選用合成地磚,防滑光潔。樓梯、電梯就有懸空設計的 LED 燈飾,方便大家離遠都能夠找尋出口位置。此外,旺角站內的設施會重新安置,以便增加三條電梯,改善乘客的流向;九龍塘站就會將部分升降機遷移,擴大月台的空間,紓緩擠逼情況。

 

現有已融入「願景」元素的設備

現有已融入「願景」元素的設備

 

此兩站改建中的月台監察亭,同有育嬰設施的洗手間,就係變成先導車站的第一步,喺收集不同意見後,願景車站的改良版設計,就會應用到「沙田至中環綫」第一期、第二期的新車站。

 

如上述,每次鐵路旅程的重點 – 車廂,同樣需要更新。一般來說,鐵路車輛的設計壽命有 30 – 40 年不等,大家最常搭嘅,莫過於係市區綫嘅「現代化列車」,隨 2014 年係港鐵服務踏入 35 週年的日子,代表佢地快要退休。

 

同時,1998 – 2003 年就興建機場鐵路、將軍澳綫、西鐵綫引入的 4 款列車,總數 676 個車廂,均於 2020 年前後「滿 20 歲」,需透過翻新工程(Refurbishment)來取締老化嘅設備。於是,「鐵路願景」正好為新列車訂下標準。

 

在「天馬行空」的階段中,顧問提出香港的車廂雖然睇落去好乾淨、但感覺冷冰冰,而且非常壓逼,法國的設計公司提議裝潢上融合金屬同木材,配以暖色調燈光,令人覺得舒服啲,「舒適」都成為設計的重點。

 

「願景」車廂的設計圖片

「願景」車廂的設計圖片

 

技術方面,綜合乘客的意見後,新列車仍會維持不錯的加速能力,以滿足鐵路運輸的需求。但針對現時開車、「dup brake」初動力同作用力過大,就會有顯著改善。於是,第時搭車唔會 chok chok 吓,都唔會經常「急剎」,以乘客為本。 

 

此外,針對香港的人口密度較歐洲國家 -大部分的列車生產地為高,車廂的空氣流通量會大幅增加,甚至高於亞洲其他的捷運車廂,避免乘客容易不適。新車廂同時設有空氣清新機,減少流行病傳播機會。此外,列車內外均有靜音措施,避免乘客感到滋擾,以及在深夜駛經民居時需要減速,浪費能源。

 

各款港鐵新列車

各款港鐵新列車

 

第一款應用「願景」概念的車廂,是 2016 年投入服務的「南港島綫列車」,將來用於市區綫、西鐵綫 / 馬鞍山綫(沙中綫第一期)、東鐵綫(沙中綫第二期)的車廂外觀,同樣由呢間法國公司參與設計,確保佢地嘅外觀如出一轍。

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️metroride.hk/ServiceScope

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
  • 我才不要做那種抱着男人雙腿苦苦哀求的女人 by BEAR 兒
    「只要我說了,我就是輸家。我才不要做那種抱着男人雙腿苦苦哀求的女人。如果不想受傷,你就得先去傷害別人。這道理我年青的時候就學會了。」她穿着一條白色的連身紗裙,披肩的黑髮和鮮艷的紅唇使她散發着成熟女人的魅力。這番話出自她的口中,非但不突兀,反…
  • 所謂「唔想拍拖」,完整意思通常都是「我唔想同你拍拖」 by 月輪
    在情場上無數次暗戀的失敗經驗告訴我,聽到「唔想拍拖」這句話,其實比聽到「我唔鍾意你」更令人上火。直接了當地說彼此不適合,沒有感覺,至少是一槍斃命的痛快,但若說「唔想拍拖」,卻令對方有種要苦候的感覺。因為對方可能會怕若不等待,突然你想拍拖時,…
  • 「玩玩就好!」 by 麻甩水瓶
    這是你在第一次吻了我後說的第一句,當然,沒有人會認真玩火。那一刻你看我的眼神,好像全世界只有我一個人能被你這樣看著,好記得那雙有魅力的眼睛。好記得那淡淡的薄荷煙草味,好記得你早上的問候,而晚上待我洗澡後才睡的關心,好記得你提醒我飲酒前要吃點…
歡迎讚好我們的facebook page,免費資訊源源送上。

文章資訊

ID: 93888
Date: 2014-12-26 04:20:59
Generated at: 2020-09-25 14:34:33
Permalink: https://www.vjmedia.com.hk/articles/2014/12/26/93888/未來為你的旅途-鐵路願景