喜歡儲娘娘的男人

女 AV

 

娘娘將兵,多多益善,千古皆然。

男人呢?只可遠觀唔可褻玩,點解仲有人天天服役?

我明,我梗係明,我都曾經滄海,都當過兵,都當緊兵,仲有好多娘娘添~

 

食女,人之所欲也,不論男女,好多人以為,「男人都係想攬女射精咋嘛」,我諗除左射完個刻入左聖賢模式之外,其實我都係想既。

問題係,食女,係有後果的,不以其道得之,會好麻煩。

搞大條女個肚係唔需要討論既,色途老馬點會犯呢D 咁低級既錯誤?

張愛玲話「想要進入了女人的心,那條路就是通過陰道」,之但係,入左女人既陰道,唔一定夠力(well~ 係「心力」)入埋佢既心。

管理智慧有樣野叫「期望管理」,入左陰道,入唔到個心,呢個叫”over promising, under delivery”,好撚大鑊的。

點大鑊?「你入過我,就要對我好好,唔好就係衰人」,睇到呢十幾粒字,你都驚啦,唔需要闡釋~

 

咁做兵呢?

首先叫得做服兵役,就梗係無得你入。(有得入又唔係拍拖叫炮友,唔係兵,OK?)

先唔好問娘娘會為你做咩,你問你自己可以為娘娘做咩。

FB 逢POST 必LIKE,係入門;睇戲買飛,食飯拉凳,係基本;可以盡獻殷勤管接送,叫親衛隊,係進階。

然後,你問心,有個新鮮又標緻既女仔,肯喺你面前忽隱又忽現,你會否心如鹿撞?你又享唔享受呢種曖昧既交往?

更甚者,同娘娘相處日久,唔單止你做佢樹洞,佢都聽下你講野/睇下你打字,多個傾訴對象,咁唔好咩?

講快感,雖然只有心靈快慰,不及打真軍,但勝在無手尾,無論之後點,並未在一起亦無從離棄,唔洗被人當陳世美。

講神交,更加媲美真拍拖,反正同床都可異夢。

 

做兵仔既,處處留情不留精,就算有一日退役,留低既,都係一份心意,而唔係負擔。

好彩既,仲可以多左個朋友,多左個知己,多左個紅顏知己。再好彩D,相識相知,然後相愛。

去到呢度,當兵,都係交友既一種,博愛歡樂傳萬家,點解仲要拘泥港女是咪掛住收兵拿著數?

咁當然,去羅馬都唔係得一條路,先做炮友再相識,都係可行的。

走邊條路,甚至是咪走路,緣份是緣也講份。

其他人我唔知,我既下半生,梗係留給這世上同我最夾的人。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 94062
Date: 2014-12-30 20:28:37
Generated at: 2020-02-22 00:02:39
Permalink: https://www.vjmedia.com.hk/articles/2014/12/30/94062/喜歡儲娘娘的男人