【真人真事】男女校毒男的一句話,
震驚了整個沙田!不看後悔!

(公有圖片)

(公有圖片)

(並不一定與文中角色有關,只因小編順手用此照片)

 

無論係讀男女校定係齋校,一個人毒起上來,都係一樣咁恐怖。以下我會分享一個男女校毒男的真人真事。當年不幸地同呢個毒男扯上關係,真係非常之咁恐怖,諗返起都猶有餘悸。

 

話說當年中五會考,有次放學之後去沙田公共圖書館借書,睇睇下書,忽然有個四眼毒男行埋黎。佢一行埋來,就問我:「請問你係咪XX人﹖(我間學校)」我望望佢,呢個毒男中等身高,身型肥胖,四眼,滿面暗瘡同油脂,離遠一睇就知係個毒男(利申:絕無歧視肥人之意﹗)。咁我就答佢,係呀,咩事﹖

佢就好客氣既,話自己係隔離間男女校的中五學生(同我間學校差不多LV,都係地區名校),叫做阿JOE。然後講話好多次朝早搭巴士時都見到我,認得我係隔離學校學生,見就快公開試,問我有冇興趣私下交換MOCK卷來做﹖由於佢間學校都幾勁,咁我當然冇所謂啦,於是就同佢交換左ICQ號碼(係呀﹗仲係ICQ年代呀好L懷舊呀﹗),佢問我點稱呼,我就答佢「倫爺」。無錯,呢個唔係網名或筆名,而係我中學時期已經有的花名。點知﹗不幸就開始降臨啦﹗

 

話說最初大家交換左ICQ號碼之後,雙方都好似冇左回事,冇聯絡過對方。咁我自然唔將件事放響心啦,諗住MOCK卷既野,多份唔多,少份唔少。當時我又點會估到成件事同MOCK卷根本完全無關呢﹖

直到一星期後。相熟的朋友R忽然問我,係咪識得隔離學校一個叫做阿JOE的奇怪男人﹖我先嚇一跳,問佢點解你會知﹖朋友R就答我:「早幾日放學後行去新城市,忽然有個著住隔離學校校服的陌生四眼毒男行埋來問我:『請問你係咪XX人﹖(學校名)』咁我就當然答佢「係啦」。然後個毒男第二句就失驚無神問道:『咁請問你識唔識倫爺﹖』」

 

聽到呢度,我忍唔住插口問:「下﹖佢無啦啦問你識唔識我﹖」朋友R:「係呀﹗咁我當然係好出奇啦﹗忽然有個陌生人走來問你識唔識得你個朋友,咁你好自然就會同佢傾兩句。當時我行緊過去新城市,佢話順路不如一齊。咁我不虞有詐,就同佢一路行一路傾計,一路行去新城市廣場。」

我:「咁之後呢﹖」朋友R:「咁我咁岩又急尿,就話要入廁所解決。佢又話尿急,不如一齊啦﹗然後跟埋我一齊入左男廁。我揀左個尿兜開始屙之後,佢又行埋來響我旁邊個尿兜度屙。屌佢屙屙下冇撚啦啦成個頭伸埋來裝我啫啫呀仆街﹗」我:「下﹖﹖﹖咁L猖狂﹖﹖﹖」

朋友R:「咁都未算奇﹗我見佢咁樣非禮我,之後梗係撇甩佢自己走先啦。最奇係第二日我將呢件事同朋友D講(朋友D係隔離班男同學,同我地一樣係好朋友),我同佢講:『早兩日我遇到一件怪事﹗』點知朋友D都話:『咁岩既﹖我早幾日都遇到一件怪事呀﹗正想同你講﹗』」

咁究竟朋友D遇到咩怪事呢﹖我好好奇,就問朋友R:「朋友D唔會又係遇到有毒男問佢『你識唔識倫爺』掛﹖﹖﹖」朋友R:「係呀﹗就正正係問佢『你識唔識倫爺』呀﹗」我心諗一聲屌,做咩咁多怪人怪事係都要同我扯上關係﹖﹖﹖

原來朋友D早幾日去公眾游泳池游水,游游下忽然有個四眼肥毒男走埋來,第一句劈頭就問:「請問你識唔識倫爺﹖」朋友D同我都幾熟,一聽自然愕然,就答識呀你係乜水﹖毒男JOE又再循例自我介紹一番,話自己係隔離學校的中五學生,又話識得我諸如此類,來取得朋友D的信任。

咁朋友D好自然同佢傾兩句啦。於是佢游返池邊,毒男JOE亦都跟住游過去。講左幾句之後,朋友D覺得個毒男好怪,唔想再應酬佢,就同佢講要繼續游水唔傾住了。正當佢游返出去時,點知響呢個時候,毒男JOE竟然伸出祿山之爪摸左朋友D大髀一下﹗朋友D立即大驚失色﹗被個毒男咁樣摸一下大髀,會唔會有BB架﹖﹖﹖於是佢即刻水都唔游,立即逃離現場同怪叔叔的魔掌。

 

講到呢度,朋友R就問我究竟識埋D咩人。點解會識D咁既奇人異士﹖我心諗好X無辜,明明都唔關我事,但搞到好似係我拖累到D朋友咁。於是同佢講返件事,大家都覺得好X無稽。個毒男周圍非禮人都算,唔知點解係都要撻我個朵出來,仲要係次次都咁岩非禮到我D朋友﹗個機會率低到呢﹗真係六合彩又唔見我中﹗

朋友R就話:「未必係咁岩。可能阿JOE已經問過好多個人,佢一見到著住我間學校校服的同學,就可能會走上去問『識唔識得倫爺』,一答識就打蛇隨棍上。至於答唔識個D,自然唔會同你講返,你咪唔知囉。」

我:「屌﹗咁我咪好撚無辜咁被人拎左個名來做非禮的借口﹖」朋友R:「咁起碼你都冇損失先丫﹗」咩呀﹗名譽損失唔係損失呀﹖最得人驚既係,唔知呢個毒男JOE仲有冇用我個名周圍偷呃拐騙,到底非禮左幾多個人。點解﹖究竟點解﹖偏偏要選中我﹖

 

返到屋企,第一件事當然係刪除左阿JOE的ICQ號碼。之後直到而家,都冇佢消息,希望佢已經回頭是岸,早日收手。所以話,毒呢樣野,係冇分男女校定齋校的。而我亦唔明點解,成日都會同各類奇人異士扯上關係。

 

作者:Lunyeah

Lunyeah
一個喜歡歷史和抽水的80後網絡憤青。 專做廁所考據、愛寫遊戲文章、亂評影視作品。

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 97421
Date: 2015-01-26 22:39:53
Generated at: 2022-08-11 19:47:13
Permalink: https://www.vjmedia.com.hk/articles/2015/01/26/97421/【真人真事】男女校毒男的一句話,震驚了整個沙