我真心希望李逸朗搞L掂

李逸朗

 

玩得大陸嘅「我是歌手」比賽,就要識鳩叫,那已是近乎不明文規條。

大家有眼所見,內地觀眾嘅品味,一致傾向於激情萬丈嘅浮誇式鳩叫,唔理歌詞講緊乜,唔理襯唔襯,總之有鳩叫就有掌聲,好似鳩叫至係唯一嘅歌唱技巧咁。

無他嘅,唔鳩叫兩聲,d觀眾識條蔥邊個位要高呼要喊要交戲咩。

鳩叫完全可以反映出內地人嘅根深性格:愛炫耀、愛浮誇、愛話俾人知,自己有品味。

你看看果d土豪金,你看看果個富二嘅生日派對廣告版,你看看廣東道上血拚嘅冰冰樣。

唔做到出面真係未夠威威。

問題係,佢地d戲…實在太屎喇。對於我地一眾睇開毛姐,星爺長大嘅,真係只能兜口兜面講句:你有條春淚水係到浪下浪下咩?

然而如今,一個一個北上撈野,歌手好,演員好,導演好…

大家都睇住強國醬嘅一「招」得志,眼巴巴見證住陳潔儀落敗嘅心如刀割,睇住基仔開始摸到法門,瞇眼側頭唱出多少唏噓的你在人海…

唔知由幾時起,我地原來要變得迎合大陸人嘅品味?

講真呢棍,我真心希望李逸朗搞L掂,當頭俾歌壇一記棒喝。

見返李逸朗,起碼我醒起四葉草,我醒起蔣雅文,我醒起果陣未有689嘅香港。上水未淪陷,雙非未霸佔公屋,蝗蟲未傾倒廣東道,903頒獎禮仍然百花齊放。

當個個諗緊點樣打入大陸撈野,李逸朗自資出碟玩返80年代香港金曲,呢種「估你唔到」,呢種過癮好玩,呢種破釜沉舟…

我地香港本來嘅精神,乜唔係應該咁食腦嘅咩?

你話唱歌唔可以純綷玩靚聲感覺?

你話作文唔可以寫我係香港人?

你話出廣東道唔可以講廣東話?

你話拍鬼片唔可以見到鬼?

你話跑步唔可以D7689 ?

你話陳奕迅之後已經要聽周柏豪?

咁,我會選擇李逸朗。

 

 

作者:中環塔倫天奴

中環塔倫天奴
欲擺脫大氣候的磨蝕,反被中環安撫着心靈。在中環替人寫寫字,講講故的80後。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 97439
Date: 2015-01-27 13:24:55
Generated at: 2021-06-16 15:02:43
Permalink: https://www.vjmedia.com.hk/articles/2015/01/27/97439/我真心希望李逸朗搞l掂