澳門的「沙圈」,只能在博物館裡重溫

(涉及成人題材,慎入)

10926386_1032244690125856_2582467605833482297_n

(涉及成人題材,慎入)

 

2015年1月15日,係澳門史上最黑暗嘅一日。

個朝我同平時一樣,朝早起身去seven 買個早餐,順手羅起份報紙就走。點知返到公司一打開!哇!Dllm 寫住:

「酒店變妓寨 肉金涉四億」。

我心諗:「好出奇呀?搵食者…邊間酒店老闆又唔記得交數呀?」

然後再看內文:「警方破獲回歸以來最龐大,運作超過一年的賣淫集團…拘捕95名涉及賣淫女子…女子需交會費十五萬,方能在酒店(沙圈)接客…」

WTF!?

沙圈?

你老味你班友仔食飽飯無屎屙走去郁沙圈?沙圈係何生及其家人嘅!如果唔係何生及其家人當年同葡國佬friend 底搞個賭牌返黎,你老味今日澳門仲賣緊蝦醬和煙花渣,仆街。今日你走去郁佢?知唔能知咩叫飲水思源呀吊你老味?

「沙圈」兩個字,同叮噹一樣係好多港澳人嘅童年回憶,「雞」你就聽得多,但一隻活生生嘅雞企係你面前就真係除左街市就只有沙圈!

細個老師教你想知D 咩就去博物館睇,老師我想睇性服務工作者去邊呀?去沙圈囉!

 

沙圈係舊葡京入面嘅一條巷仔,前後五十步一定行得曬。平時報紙話果D 「賣淫女子」就係依條巷度來回行走,每當任何麻甩佬經過,只要有任何眼神接觸佢地就會好溫柔咁問你一句:「去嘛?」

「去嘛?」,係一個好無厘頭嘅問題,去邊呀?去果度做咩呀?駛唔駛比錢呀?佢通通都冇講,妙就妙在就算你係唔識沙圈嘅人第一次去都唔會咁問佢,因為佢嘅行為動態衣著表情已經答左你!

依D 就係佛家所形容得道高僧嘅「他心通」!同時亦都表達左沙士比亞當年問世人一條最基本嘅人生問題:To be or not to be? That is the question…. 如果沙士比亞生於依個時代,又去過沙圈,佢寫哈姆雷特一定會寫左:去嘛?That is the question…..

 

可能你會覺得,算吧啦六師弟,咪又係一個雞竇比人巢左,大陸日日有啦沙圈又唔係第一個。

拿,咁你就唔明白沙圈係澳門人心中嘅精神意義。如果沙圈係一個品牌。佢個logo design 一定係:

『沙圈(since 1970s)』

冇錯,沙圈真係由七十年代就開始經營,而唔能係報紙話乜能野「回歸以來最龐大,運作超過一年嘅賣淫集團」。

你老味沙圈當年開果陣你班司警毛都未生齊啦!一班人係同一個公開嘅地方做同一樣生意做足四十五年,你老味今日先突然話佢犯法拉佢?

我覺得佢地同岳飛一樣囉,罪名叫:「莫須有」。中國幾千年出一個岳飛都尚且激起民憤,而家你澳門一拉就拉九十五個!?簡直係千古奇冤,六月飛霜呀!

 

聽人講,沙圈冇服務。你地唔明白,沙圈同果D 一路向西坐梳化叫排女黎企係度比你揀有好大分別。

你大爺咁坐係度,你係嫖客佢係妓,好似街市買餸一買一賣,幾悶。

但係係沙圈,因為果度係公眾地方,大家嘅地位係一樣嘅。睇啱嘅,一揮衣袖帶走一點絕色。唔啱嘅,底頭當作過路人,好似梅姐1咁話:你在選擇人,人亦在選擇你… 就好似初戀咁,唔係你話鐘意人就得,都要個女仔覺得你OK 先肯問你一句:去嘛?

咁段姻緣先會開始。其實無論你係或者唔係嫖客,人生在世經過沙圈如果有人問你一句”去嘛?”都係一件值得高興嘅事。之後無論貧苦疾病,至少係果個moment 有一個妙齡索女係真心想同你共赴巫山。只可惜神女有心,襄王卻…無錢。(大佬佢開果D 價真係夠我去做葉問,或去波樓篤到變傅嘉俊。)

 

個日之後,沙圈依個奇境同九龍城寨一樣,只能在博物館裡重溫。

 

  1. 編按:唔係陳百強咩?:O []

作者:NORMAL

NORMAL
八十後芭蕾舞初學者|Facebook專頁:在晴朗的一天爆粗

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 97477
Date: 2015-01-27 12:52:16
Generated at: 2021-09-20 15:17:02
Permalink: https://www.vjmedia.com.hk/articles/2015/01/27/97477/澳門的「沙圈」,只能在博物館裡重溫