「有秀色可餐，有太多可貪
錢包乾塘，但曾經的味道總會擴散。
有一種幸福……叫Tasting。」
潮流無端興治癒，識飲Admin一個唔小心都不幸被感動。當然唔係咁膚淺被文字KO，而係仲膚淺啲，被美酒將我融化。
一段時間無去tasting，尋日去左2015年join嘅第一個tasting。世界咁大，邊啲葡萄酒先係最啱你呢？追求理想葡萄酒，Tasting話：我，可以幫到你。
市面上好多鋪頭都會不時搞試酒會，可能三幾百蚊，已經可以試十款八款酒。生有限，酒無限，tasting正正可以比你係短時期內，試到多種唔同嘅酒，幫你慳錢、慳時間、慳埋健康配額。唔使次次試新野都要成支買，成支隊。
為左令tasting更fruitful，好多時候係有一啲主題嘅。今次我去嘅tasting，主題係意大利Chianti名莊Castello di Ama。都唔夠，仲要再fruitful啲，好多時候仲會加埋vertical tasting / horizontal tasting嘅元素。
所謂vertical tasting，係指同一酒款，同時試唔同年份。而horizontal tasting就掉轉喇，同一年份，試相似地區甚至同一酒莊嘅唔同酒款。有讀過science就實明喇，咁做嘅目的就係做個control test，盡量保持其他因素不變，純粹比較年份 / 土壤嘅分別。今次tasting都一樣，分別有Castello di Ama旗下兩支Chianti Classico「Bellavista」同「La Cassucia」嘅06同07年，算係同時係mini vertical亦係mini horizontal。
有時tasting呢，會準備埋包呀芝士呀個啲比你。我本人黎講呢，一般都唔會怒食嘅。一來，樣衰啦；二來，喂咁我黎試酒咖嘛，又唔係開餐。特別係芝士，用黎送酒90%都會令支酒好飲左，但反而可能變左試唔真支酒本身。多數我去到尾段試過晒啲酒喇先開始食芝士。
另外特別係啲大規模啲嘅tasting，多數都會比個桶你。用黎做咩？比你吐返啲酒囉。因為真係試酒，其實唔使吞已經夠試到味，吐返啲酒出黎一來可以等你keep住把口乾淨啲，再去試其他酒；二來，大佬呀，杯杯都吞，如果你個tasting要試幾百支酒，你估會點呢～
走筆至此，回想昨晚，心中又有治癒的感覺：
「明知道，
比錢才能買到酒，
可是比得起錢，卻比不起肝臟。
數到三，就要吐。」
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2015年1月30日
