自從秦沛係《古惑仔》電影入面嗌過82年Lafite之後，82 Lafite彷彿就成為左香港人心目中嘅圖騰，係紅酒嘅巔峰，至高無上嘅代表。點解飲82 Lafite？巴閉囉，英雄主義。𡃁仔你望咩呀！出黎飲過丫！
82年Lafite固然係一支好酒，但係絕對唔代表世界上無其他好酒，更加唔係驗證好酒嘅唯一標準。可能好多人都聽過，Ch Lafite係屬於「五大酒莊」之一。所謂「五大酒莊」，係指Ch Lafite、Ch Latour、Ch Margaux、Ch Mouton以及Ch Haut Brion五支酒。所以最最最基本咁諗，起碼都要知道Ch Lafite有其他同輩兄弟掛。
更加重要嘅係，所謂「五大酒莊」，其實係「五大」out of 啲咩呢？「五大」之名係根據1855年波爾多嘅Grand Cru Classification演繹而來，指嘅，係分級上面五支屬於「First growth」嘅酒。而呢個分級，其實只係針對法國波爾多地區嘅酒。唔止添，係波爾多地區入面，呢個分級淨係針對左岸酒，右岸係唔包。都仲唔止添，係左岸地區入面，呢個分級淨係針對Médoc酒，其他地方係唔包。只有一支酒例外，就係一級嘅Ch Haut Brion，黎自Médoc以外嘅Graves，因為位置近近地名氣又勁所以當年就好啦好啦包埋佢咁解。
所以所謂「五大」，包括嘅地區其實好細。唔好講到新世界，唔好講到其他國家，淨係法國之內都已經有好多其他極具質素嘅酒。單單睇波爾多，右岸嘅Petrus、Ch Cheval Blanc，乃至Graves嘅Ch La Mission Haut Brion等等都有同「五大」平起平坐嘅實力。
值得一提嘅係1855 Grand Cru Classification係一個好rigid嘅分級制度，即使當中嘅酒，質素有所提升或者下降，都絕少絕少會重新評級。因此有時會出現五級莊比二級莊質素更好嘅情況。好在一級莊嘅水準算係相當穩定，而歷史上只有一次由二級升格為一級嘅例子，就係Ch Mouton。Ch Mouton原本都係二級莊，但係佢做到二級莊做唔到嘅野，所以佢成為左一級莊……
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2015年2月6日
