麥教授係法西斯

政治 / 最新文章綜覽

Minervadrawingwand

 

麥教授係法西斯,胡亂標籤,佢全名應該叫做「獵巫的麥卡錫」先岩。

話說明珠台重播《哈利波特7:死神的聖物2》,劇情講到哈利等人回到霍格華茲尋找其中一個分靈體。麥教授已趕走了石內卜,四間學院的學生齊聚於餐廳,此時佛地魔的魔音來了,他說眾人如果不想死,就要交出哈利。

聽到呢句之後,史萊哲林的潘西.帕金森立即大叫並「篤灰」:「他就在那裡﹗波特在那裡﹗誰去抓住他﹗」

然後麥教授的反應是:請飛七帶走潘西.帕金森以及所有的史萊哲林學生。飛七問要帶去哪裡﹖麥教授說:「地牢。」

 

我覺得麥教授真係徹頭徹尾的法西斯囉﹗有乜理由胡亂標籤﹖史萊哲林學生又點﹖點可以以偏概全﹖而家都只係得一個潘西.帕金森做金手指啫﹗其他史萊哲林學生可能係無辜架嘛﹗點可以一竹篙打一船人,要佢地全部入晒地牢呢﹖好唔科學好唔客觀囉﹗

 

咁應該點做先政治正確呢﹖嗱﹗首先要分組做個小組討論,大家一齊討論下篤灰的利同弊,然後一部份史萊哲林的學生就會要求其他學院唔好標籤佢地,應該多D包容,而潘西.帕金森就會適時指控葛來芬多學生帶頭歧視佢,並用物化女性的性暴力語言對佢作出性騷擾,要求哈利波特道歉,否則就會保留法律上的追究權利。然後所有人都一齊加入呢場世紀大辯論,持續幾個鐘頭。

正當大家爭辯得面紅耳熱之際,佛地魔大軍就乘虛而入,加上一兩個史萊哲林的學生因「恐懼、誤判」而變節投降,及時將哈利捉住獻上俾黑魔王處決,呢場辯論先至得以平息。結局雖然有點悲慘,但通常悲劇先至感人,先至偉大家嘛﹗而且又盡現人性醜陋,仲要政治正確添﹗

咁樣寫的話好有教育意義架﹗帶出左一個重要訊息:就係無論係咩情況,即使要被滅族都好,都唔能夠有任何一刻去標籤同歧視既﹗永遠都要科學客觀,用做研究咁既態度去待人接物同處理危機既﹗哪怕被人出賣也不回頭﹗幾咁有教育意義呢﹗

 

點解唔係咁寫呢﹖﹖﹖

 

註:原著中麥教授只係叫史萊哲林學生離開餐廳,冇叫飛七帶佢地去地牢,所以我要強烈譴責電影改編到麥教授變左排外麥卡錫,明明原作者羅琳係左膠黎架嘛﹗

 

作者:Lunyeah

Lunyeah
一個喜歡歷史和抽水的80後網絡憤青。 專做廁所考據、愛寫遊戲文章、亂評影視作品。

閱讀後覺得好,請多多讚好及分享~:)

其他熱門文章

  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
  • Goodbye HK, Hello HK. by 毛言地
    班機兩點半飛。預早三個鐘到準備Check-in,再計埋搭巴士去機場,準時十點打開屋企大門,準備迎接久違嘅飛行之旅。雖然平時我同啊媽買餸幫手拎袋橙都話好重,但拎行李就另計,再重都係開心事。等巴士用十五分鐘,車程用差唔多一個鐘。雖然淨係去機場嘅…
  • 吃很多但不會胖的女子 by 藍兼併
    她啜了一口凍檸茶,然後接連吃了三口米粉,郊外的泰式食店在晚飯時段前的最後一個下午茶餐,在她慢慢品嚐下,變得特別美味。她是個會吃很多,但看起來依然弱不禁風,有時瘦削得營養不良的模樣,臉頰都會凹陷,只有鼻樑是高挺的女生。…
  • 中共開始明白國際舞台如何操作 by Terence Yun
    中國和俄羅斯入選聯合國人權理事會,這是代表著中國在此會上可以有左右的能力,而且有趣的是能夠入選已下是值得討論。中俄兩國在人權問題上一直被外界認為有問題,而且情況沒有改善,甚至更為嚴重,如藏、疆、港三個地方的人權便是近年最常被國際輿論所關注。…
  • 人蠢可以點樣醫? by HR 扮工週記
    早兩日,腦細傳聖旨召小編入房,叫小編幫佢諗諗辦法,寫份Proposal,而個題目係:「點樣可以令啲同事無咁蠢?」…
  • 運動場上的小團體——「女朋友協會」 by 愛麗 ‧ D
    曾經遇過一個最讓我佩服的女生是這樣的:首先她拿到了全勤;而且她親和力夠,再且可能因為全勤的關係,跟男朋友ssssss都熟絡,熟悉得能接下球場上內外的所有人的所有話題;還熟悉球場上所有的規則,懂得球證每次響哨的意義;還跟每一位女朋友都熟,就像…
歡迎讚好我們的facebook page,免費資訊源源送上。

文章資訊

ID: 98599
Date: 2015-02-08 03:44:43
Generated at: 2020-10-19 21:39:32
Permalink: https://www.vjmedia.com.hk/articles/2015/02/08/98599/麥教授係法西斯