像我這樣的一粒左膠

政治 / 最新文章綜覽

 

自928到今大埔屯門之事,共黨橫行已成日常,可有人尚奢望建制內抗爭成功獲得恩賜、死抱犬儒自詡不容一動的道德光環?

先自刮三巴。928,我制止人扔水樽;101,我龜縮一隅大覺眠;103,我叫人冷静勿衝龍和道。愛與和平確是好聽,好聽得叫人忘了人性與現實。遭受暴力自應反抗、陷於膠著理當另覓蹊徑,此皆人性。陶傑說得好,甘地孟德拉馬丁路德金面對的遠不及中共無恥,此乃鐵般現實。不理人性現實,陶醉於剎那光輝,所謂夏愨村的一個肉包一把紙傘也可成文數篇,歌頌三日。此昔日之我、此所謂左膠之姿。

 

但係!

 

幾個月的親身耳聞目睹,足以使像我這樣的一粒左膠,變成認同本土勇武、變成所謂的「鬧泛民多過鬧共產黨」。

變的過程很簡單。身邊雖九成九是黃絲,但都只是醒來的青蛙而未自知快將熟透,可不會真箇參與甚麼-就自行遊走各佔領區,孤僻之性不喜依附組職、毒撚之格不愛圍爐求暖,就獨想獨聽獨看。沒他人之擾、他人之親,稍加觀察其實不難發現泛民與其主流媒體蘋果日報,展現的不正是我們最痛恨的高牆之姿?打壓、扭曲、隱瞞其他派別的行動,批其「得個講字」;當中愚者更轉頭強調自己睡了多天多天被捕了多次多次,只我具專業社運資格指點江山。上星期大埔反私煙,蘋果就成七個鐘之後先報新聞;今屯門紅旗胡椒,叻左喇,事發後近兩個鐘先出篇正式稿!反觀民陣遊行,十幾廿條即時新聞up上facebook,詳細介紹唔同市民嘅標語同一身藝術裝置;圍爐取暖,得左。

還未說佔領期間以親疏斷案,護短欺彼,居高自傲之態,此均有socrec那些無删減的片段為證,且多有申訴,不贅;惟港人易懶,就懶拉那長長片段的時間鈕一睹親愛之人如何撒賴。

 

凡此種種,已非個別弊端,而是磚與瓦相互扣搭成的整道高牆。破一磚則全盤崩塌,便只好不斷加高,成其泛民高牆,渴求君臨天砰一端。另一端?自是與其「敵人」共產黨分在天砰兩端共構微妙平衡,讓香港人過了十多年的「正常生活」。兩端的碟子上,分立兩道高牆,要打破這平衡,如何更易?

「你鬧泛民學聯,共產黨就最開心。」對的,共產黨可能會開心。但,喂!共產黨開唔開心關我地q事咩!我地要嘅只係民主自由,要成功就只有先打破永續平衡。推倒共產黨?岑同學今次我就撐你喇,我地而家的確冇武器了結共產黨,咁咪惟有望望天砰隔籬個泛民囉。推倒左膠泛民,共產黨自會喺天砰另一邊重重一墮,結果會點冇人知,但最少創造左個新局面。本土派、共產黨都會喺條新跑道度跑,即使跑者強弱懸殊,但總有龜兔之局可期嘛!而非如泛民土共般,喺天砰度相互加減,似變未變。

 

左膠喜說「雞蛋與高牆,我永遠選擇站在雞蛋一方」。呀,我慢慢企近本土勇武一邊嘅原因,都不過係貫徹緊呢個句話吧-大約我的確係粒左膠。

 

作者:易眠

易眠
時時要顧住身份形象人際關係,小小市民有思不敢言,網好妄好,平時唔敢講嘅,就喺度講︰https://www.facebook.com/jikminblog

閱讀後覺得好,請多多讚好及分享~:)

其他熱門文章

  • 【90歲】LEGO Ideas 迪士尼黑白米奇蒸氣船 4月駛到嚟 by 阿九
    LEGO Ideas 2018 第二輪票選結果出左都只係一個月,當中嘅由 Tim Courtney 創作嘅   […]…
  • 洋相 by 健吾
    小時候,家貧,家人都沒有教什麼。但人越窮,就越怕人看不起。所以,就算家中沒有一個錢,他們都很害怕我們「穿起來很不好看」。母親常掛在口邊的一句說話,就是「你穿起來像個乞衣」一樣。…
  • 某些香港人的奇怪狀態 by 健吾
    在很多「泛民支持者」之中,其實有一種人,是很特別的。跟他們辯論。會學到很多事情。2014年的時候,我曾經說過,我希望更多人關心政治。到2019年,這五年後,我開始覺得有些關於香港人理解政治的問題,慢慢浮現出來了。…
  • 本業做唔好呀?搵打手文過飾非咪得囉! by 肥西
    肥西本來都掛住湊女唔撚出聲架啦。係見啲舊同事話收到風,話唔知點解個撚個唱片公司都話要搵打手,話唔知做乜撚野,間間公司都以為個網好撚緊要,總之而家要打網戰。…
  • 其實女仔得一個要求! by 小銀花
    我啲姊妹嘅男朋友最後咪又係甩皮甩骨,有啲重好爛賭添……如果女仔真係可以咁無情淨係睇條件,就唔會有咁多女人成世都離唔開某個男人,最後重做埋二奶生埋仔添啦。喺女性嘅世界,感情根本係大過天,話知你失學失業失明失聰,如果真係鍾意你,而你又真係好好咁…
  • 其實我不需要甚麼名份,但你究竟有沒有喜歡過我? by 鵝鑾鼻燈塔
    「雖然我們做了那檔事,但不能算做愛。那只不過是我們身體互相摩擦,罷了。甚至不是心靈上的迎頭相撞。」…
歡迎讚好我們的facebook page,免費資訊源源送上。

文章資訊

ID: 98669
Date: 2015-02-09 04:25:00
Generated at: 2019-03-20 18:11:09
Permalink: https://www.vjmedia.com.hk/articles/2015/02/09/98669/像我這樣的一粒左膠