溝淡換血,深耕細作

政治 / 最新文章綜覽
(photo via cc Flickr user Terminals & Gates)

(photo via cc Flickr user Terminals & Gates)

 

早前施政報告提及放寬專才來港,實行人口換血,一尐估都估唔到需要輸入「專才」既職業都係是次換血列中,終於連身邊平日離地既中產朋友都忍不住開聲鬧政府。其實各行各業離地朋友,又何需而家先勞氣?人口換血、溝淡香港人,一早就做緊啦,比泛民講左N年既深耕細作更快!唔好以為黎親香港既都係搶奶搶資源搶讀書,唔關你事? 事實係已經有好多高學歷、高收入、家底厚既大陸人黎溝淡香港!唔信比D數字你睇:

2003年開放大專院校自行招收大陸生,當年獲批來港大陸生人數只得1,595人;但至2013年獲批來港大陸生人數已升至19,067,11年間升幅超過10倍!累積接近10萬獲批大陸生來港!

而2008年香港繼續中門大開,進一步放寬在港大陸畢業生可留港就業,單係2008年至2012年間就有共21,049人獲批留港就業。呢批擁有專上以上學歷既年輕知識階層大陸人,透過香港政府總總開放政策來港求學、工作和生活,佢地自稱為「港漂」,自 2003 年以來,獲批入境的「港漂」數目累計超過 16 萬人!

呢16萬人當中,除左高學歷畢業黎搶工作外、仲有接近100個創業團隊,係團隊!即係話,好多人一黎香港畢業後就做老闆,真係你老闆呀!為左更方便獲得香港資源,呢批港漂更加自組左一個叫港漂圈的平台,為大陸生提供香港所有資訊,升學就業買棲租屋創業等等。呢個平台除左係一個community,仲係一間公司!公司位於紅磡,聲稱係做文化傳播、廣告公司咁啦,員工全為內地人。再講一次,內地人開左一間公司,員工全為內地人!最近仲係深圳求職網站請緊人.黎.香.港.做.野!請咁多人做乜?你懂的~~~~~ 呢間「公司」,為左支持內地生係香港創業做老闆,佢地仲成立左一個創新工場,專門幫內地創業人士係香港搵投資者、集資、提供office呀、搵生意呀、培訓呀等等,總知就幫大陸人黎香港做你老闆啦!

 

唔係大陸人黎香港投資做你老闆,你地尐港豬屎都無得食呀!

搵工創業以外,呢班內地人黎緊仲計劃係香港創立青年公寓,佢地將會搵人投資加集資,係香港買/租一整棟樓來改造,提供一個地方比黎創業既大陸人生活!完全就係一個由內地人開比內地人住既青年旅舍!香港人?過主啦~~~~

唉,同大家分享以上既資訊,只係好想大家知道,溝淡香港行動真係深耕細作左好耐,呢尐大陸人,唔只將來投票會有好多影響、仲有經濟、營商、就業都會影響好多,並唔單單係你今日奶粉貴左、商場多人逼左、地上包容多左咁簡單咁表面。你或者認為民主唔可以急,要一步一步慢慢黎,要有計劃乜乜乜...但,到底係你既計劃快,定係換血比較快?

慢慢黎,而家已經係龜速,仲可以點慢?

 

作者:微言

微言
80後普通香港市民,鐘意寫字講粗口,最大願望係有日可以成為離地中產,不問政治又不問世事。 FACEBOOK: https://www.facebook.com/imlowly

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 98735
Date: 2015-02-10 02:51:27
Generated at: 2021-06-16 16:44:20
Permalink: https://www.vjmedia.com.hk/articles/2015/02/10/98735/溝淡換血,深耕細作