我呀媽成日問我：「喂點解你唔係飲啱一隻酒就keep住飲嘅？」係個一刻，我發覺我呀媽已經唔再明白我。
我好想話比佢知，我係一個浪子。其實鍾意飲葡萄酒嘅人應該都會明白，我地係唔會為左某一隻酒停落黎咖嘛係咪！不停發掘新奇有趣嘅事物，先至配合葡萄酒多采多姿嘅本質。
今次介紹嘅酒都可以算係新奇之選，黎自南非Boekenhoutskloof 嘅The Chocolate Block。南非雖然已經有一定嘅釀酒歷史，但究竟建構到一個iconic嘅wine style未呢？Pinotage？Chenin Blanc？可能都算嘅，但感覺上仍然有好大可塑性，亦都係南非令人充滿期待嘅地方。今次呢支The Chocolate Block更加係一支意外得出嘅產物。所用嘅提子Syrah、Cabernet Sauvignon、Cinsault、Grenache Noir、Viognier亦都係好獨特嘅組合，造出左獨一無二嘅風格。
The Chocolate Block嘅主軸係Syrah，風格上較貼近Rhone，特別係Northern Rhone。撲鼻而黎嘅係充滿異國風情嘅香辛料同胡椒味，然後係鮮嫩嘅紅色布冧、紅莓同少量嘅黑加侖子水果味道。可能由於加左1%嘅Viognier，緊接住果味嘅係極具爆發性嘅清新花香，不禁令人大叫一聲「噢，我嘅寶貝！」Cabernet Sauvignon同Cinsault主要提供結實嘅單寧作為骨架，另一方面用柔和嘅Grenache平衡返，並加強酒精濃度。
呢支Chocolate Block就好似一位亞洲古國嘅女性一樣，剛毅同溫柔，兼而有之。有啲刺激，又有啲神秘。佢或者唔係你隔日就飲嘅house wine，但絕對係一次衝擊你平淡日子嘅新奇偶遇。係飲完最後一滴酒之後，我覺得自己係孤獨嘅，然後我頭也不回又去尋找下一個偶遇。
「完～」
(Watson’s, $155)
我去到2021年先唔再睇TVB——正向聯想 (Positive Association)
香港濕熱世界第一！？談散熱和濕度的關係
【職業安全】英國警花分享：防刺背心唔係咁著. . .
【遊戲評測】《血咒之城：暗夜儀式》新生惡魔城 四年等待完全值得
分手咪分手囉，三口六面講清楚好難咩？
薛定諤人生最尷尬的恥笑——薛定諤的貓實驗
2015年2月11日
