娘娘嚴選 港女拍拖10誡

情愛點滴 / 最新文章綜覽
(photo via cc Flickr user Kevin Dooley)

(photo via cc Flickr user Kevin Dooley)

 

1. 唔好亂咁呷醋

切忌要求男朋友unfollow ig女神,除非你覺得自己有本事全方位咁優勝過人地。如果唔係既話,你同叫男朋友永遠只可以對住你張相打J一樣。如果你係唔接受男朋友同你搞野既話,就更撚加過份。呢個真係同切左佢條J冇分別,你諗下,如果你係男人,你日日都對住同一個女人打飛機,你條J真係會有一日練成百毒不侵之身,一世不舉嫁嘛。(唔撚好同我講你覺得你唔俾條仔睇其他女既情況下,你覺得佢對你有性幻想,係好撚意淫、乜乜柒柒物化女性。如果你好唔認同既話,可以直接連屌都唔洗,唔好再睇落去。我唔係TVB,唔受一邊睇一邊屌既)

 

2. 唔好咁Bitchy

你office既Betty、Mary仲有Thomas點樣搞三角戀,其實你條仔真係唔想知。你朋友最近同邊個行埋,你老細又點樣玩淫賤女秘書,其實你都大可以唔洗同你條仔講。通常男人一聽到呢啲,佢地只係想洗耳。每一次聽到自己條女用高八度既聲線,去講埋啲三姑六婆野,佢地都會覺得不如一槍打死我。呢個情況就如同你條仔同你講上原亞衣有幾重口味,旬果個波有幾大,又或者某某女優又上岸唔再拍野。你唔會明白佢既唏噓或者讚歎,正如佢都唔會明白點解你緊張啲八婆野一樣。

 

3. 冇咁大個頭,唔好成日想戴咁大頂帽

如果你有陳法拉咁靚,周秀娜咁好身材(其實作為女人,我既心水係雞扒妹),咁當然男人真係奶腳都制。但係問題係,你化妝個樣已經係一般,身材都只係得B cup既話,究竟你仲有咩籌碼可以同人爭?如果你相信內在美可以令到一個男人跪低同你奶腳既話,咁你即管試下既。如果唔係既話,可以選擇進修床技。咁啱遇著條仔係腳膠,佢又應該真係肯既。否則的話,都係唔好奢望人地請你食飯下下都過千,你甩鞋帶佢幫你綁,更加唔好諗住條仔個世界圍住你轉啦。

 

4. 嘗試暸解男仔

可能你會覺得條仔從來都冇要求過我同佢睇波、砌高達。但係你要記住,男仔通常都唔係想要求條女世界盃同佢通頂,砌高達時有女陪佢上油。因為大多數女仔係呢方面都唔會叻過男朋友。但係最起碼,你要知咩叫越位,人地睇波唔好大嗌「哇,卡卡好靚仔。真係犀飛利嫁。」。人地砌高達既時候,起碼眼角瞄一瞄個盒,知呢隻高達先生叫咩名啊。如果你男朋友係鐵膠既話,見到地鐵站咁啱擺週年展/紀念展,就唔好自己走左去7仔買野。識得靜靜地睇下啲展板寫乜,或者聽下男朋友講野。我諗,就算你地散左,條仔都會一世記得你:因為男人唔係要搵一個一世同佢食M記既女仔,佢地有一個陪自己睇達哥既女仔已經會好滾動(前提係,你記得唔好變達哥。仲有,如果你變左達哥,唔好同條仔講你睇左篇咁既文)。

 

5. 坦白

唔係叫你豬西咁蠢,乜都講啦。但係如果同前個幾任有同一樣不愉快既經歷既話,最好就係同男仔開始之前開心見誠咁講。例如你M come既時候,好在意男朋友要照顧你既,咁你就最好講聲——起碼人地識得買碗熱辣辣紅豆沙俾你啊嘛。人地又唔係你肚入邊個條蟲,佢只可以懷疑你M come既時候會突然患上躁狂症,但佢又唔可以講出口。你都唔想條仔每個月都有幾日係度諗「究竟我係咪揀錯女」嫁嘛?

 

6. 唔好覺得性愛有幾可恥

如果你有宗教信仰,我諗你條仔都會體諒你。但係如果冇既話,其實個人覺得滿足男人既性需要係幾重要。如果你真係鍾意一個男仔既話,冇話要唔要結婚先搞野。反正你都唔會知自己結唔結得成,你亦都冇可能話我一定兩個月之後就同你散嫁啦,所以死都唔搞。如果你真係鍾意佢,其實咪滿足下佢性需要囉。你可以話我要留俾我一生最愛既人,但咁既話都意味住佢係呢一刻一定唔係你覺得畢生摯愛既人。如果係咁既話,施主,你都係放低個男仔啦。無謂要佢做十年青頭仔,無辜辜咁等你嫁佢。(如果認為保持處女既純潔真係極之重要既話,可以考慮幫佢打飛機/口交諸如此類)

 

7. 唔好執著係啲乜乜乜乜既節日度

拍拖週年紀念日,我都還可以接受。但就唔好搞埋尐咩拍拖1星期,2星期,1個月,3個月,5個月紀念啦。大佬啊,你咁樣,條仔24個比利上哂身,都諗唔到可以點樣同你慶祝哂成年既拍拖紀念日s啦。同埋情人節,除夕,聖誕,真係唔一定要搞場大龍鳳囉。如果有一日,男朋友真係唔記得左一啲重要節日既話,你咪第二日笑笑口咁同佢講:「喂呀,你唔記得左琴日係乜乜乜啊。不如我地聽日補番啊?」佢就會識做,千祈唔好正日個日同佢西口西面。大佬啊,你唔係預期佢俾你西完之後,會即刻book枱,買禮物啊嘛?做得到,你又嫌佢冇誠意﹔做唔到,你又話佢唔要你。咁樣真係好難做姐。

 

8. 識得同佢既朋友同屋企人打交道

基本上一開始左拍拖,千祈唔好得罪男方朋友。其實男方朋友要討好,真心唔難。如果大家一齊老友鬼鬼食飯既,不妨你做多啲啲,幫手book位;佢地睇波,咁咪幫佢地買定啤酒同薯片囉。一年同佢啲朋友食飯睇波可以有幾多次啊,10次你做3次,佢啲朋友都已經會覺得你唔話得。如果你同佢拍左3年拖既話,新年識得蒲頭,人地老母節識得買枝康乃馨都唔難姐。又唔係叫你上去煮九大簋,做鐘點,係咪先?如果你真係覺得唔想做,咁你真係記得一定一定唔好平日有任何令佢家人/朋友唔鍾意既野,否則的話,萬一你地分手,中間一定冇人幫手,甚至人地仲會講句「下?依家先分啊?早分早著啦!」

 

9. 唔好係有所謂既時候講「冇所謂」

你介意條仔同其他女仔行得埋?你介意出街食茶記?你介意條仔冇情趣?咁你就唔好話「冇所謂」啦。如果你出街食飯係冇所謂,就唔好條仔行埋茶記時,你話嫌逼狹﹔帶你去食天婦羅,你又嫌熱氣﹔更加唔好條仔話食越南菜時,你先話我其實最鍾意食sashimi。咁樣真係會搞到條仔想一啖咬甩你個頭。如果你係有諗法,咁咪講囉,做乜柒姐。講出黎,佢又唔會殺左你。為呢啲小事嘈交,其實真係好無謂。

 

10. 做你男朋友唔係做你工人

男朋友會同你一齊,係因為佢真係鍾意你。如果佢鍾意你,就要幫你做牛做馬既話,咁不如搵楊千嬅既「傻仔」,「傻得做司機都濟 拎袋冇所謂 用黎解悶亦唔曬幾多電費」。你有要求,人地都可以有要求。你叫價,人地都係叫緊價。我睇感情同睇巿場一樣,大家都有供有求,有自己既競爭力同升值潛力。你話我理性又好,乜都好,總之冇野係絕對啦。冇話佢應份做你條仔,都冇話佢一定要幫你按摩,更加唔洗幫你啲朋友免費整電腦乜乜乜。如果你一心打算拍拖係俾你係芸芸兵仔之中,搵一個最能幹既將軍,將你當成娘娘咁樣侍奉既話,其實不如你都係安份守己咁做番一個娘娘,得閒收下兵,派下糧咪算囉。無謂辛苦自己,辛苦人地啦。

 

作者:Echo

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 99255
Date: 2015-02-14 15:04:03
Generated at: 2020-10-28 05:19:00
Permalink: https://www.vjmedia.com.hk/articles/2015/02/14/99255/娘娘嚴選 港女拍拖10誡