識飲男人最好仔

如果咁多位娘娘仲未揀定男友嘅話，我宜家就為妳提供一個最有效而又快捷嘅揀男人方法：揀個識飲酒咖啦！

唔係呃你唔係整蠱唔係搵笨，鐵一般嘅事實，識飲嘅男人最好仔，原因s including but not limited to：

（一）識飲男人夠成熟

飲葡萄酒，係由男仔變成男人最天然嘅方法，專家認為，佢比起被人呃、被人打、失戀所造成嘅意外成長，黎得更加有意義……

（二）識飲男人唔會斤斤計較

飲得酒，絕大多數人都懂得同人分享。無他嘅，酒就飲唔晒嘅，share飲，一班人飲就仲好飲，既然係咁，唔通仲會同你斤斤計較飲多個一滴兩滴咩。久而久之，不拘小節嘅個性就此煉成。

（三）識飲男人心境開朗

我都先唔同你講話原來有science report suggests飲酒可以抗抑鬱，講簡單啲，飲得酒嘅人，要開心係好容易。簡單如開左支舊酒，個cork無爛已經夠滿足一日。而最抵死嘅係，最算爛，佢都預左咖啦，你話幾咁豁達呢。

（四）識飲男人交遊廣闊

學誠哥話齋：「做男人唔識飲酒，識唔到好朋友」。飲得酒，同人social、識新朋友呢啲可以話根本無難度丫。當中仲有唔少係英意德法文全部up到兩嘴，拖佢出黎見鄉親父老，完全唔失禮丫！

（五）識飲男人無錢沉迷不良嗜好

Well，最直接，有錢都拎晒去買酒啦，好過佢去玩囡囡啦，係咪咁話呀？

如果你係十八以上，而又未揀定一個人嘅話，識飲男人，就係你正確嘅選擇。就算有咩唔滿意，我保證你係拍拖期間，係會有酒飲嘅！

作者：識飲ADMIN

務求做到唔單止人人有酒飲，仲係人人都咁識飲。 專頁：識飲一定飲葡萄酒

閱讀後覺得好，請多多讚好及分享～：）