金管局今個樓市週期第七次出招收緊樓按，對一般人黎講招數內容有二：
一‧七百萬以下的自用物業按揭成數降至六成
二‧第二次置業供款入息比率上限，由五成降至四成
第三項措施針對非自用物業以及工商物業，呢篇文無謂花篇幅去提。
連自用嘅按揭成數都推低到到六成，即係話三百萬嘅盤都要大拿拿拎百二萬出黎做首期，已經無幾多人有能力拎到出黎，而相信有唔少睇緊文嘅人已經係度媽緊政府連樓都唔俾買。之不過如果考慮埋美國行將加息的話，唔知大家又會唔會咁睇呢？
低息多年，大家可能已經忘記左咩叫利息，所以當前年同舊年美國聯儲局一路收水嘅時候，坊間就一路有人大叫唔信，上至財演，下至師奶，唔係拎住當時百份之七嘅失業率，就係拎住舊年年頭美國雪災，言之鑿鑿咁話，美國收水美國必冧。時至今日，水就收完，但係說好的冧市呢﹖無，失業率百份之五點七、美股萬八點、經濟增長百份之二點六。
好啦，到今時今日美國聯儲局官方文件都話聯儲局委員估計2015年底利率一厘，2016年底利率兩厘嘅時候，唔信美國加息嘅人，偏偏繼續指住名義通縮呀，美國又雪災呀，同樣地講話美國加息美國必冧。或者，佢地可能一手都係貨所以潛意識覺得美國唔會加息搞到自己雞毛鴨血。
之不過，有無人明白點解金管局會將供款對入息比率由五成推低到四成呢﹖筆者準備了三個表，顯示每一百萬樓按借款係2.5%（宜家樓揭常見利率）、3.5%（加一厘）、以及4.5%（加兩厘）之下的還款以及對應的供款入息比率。可以睇到，如果今日能夠勉強能夠達到四成供款入息比率嘅人，加息兩厘後，供款入息比率大概就係五成。
聯儲局兩年加息兩厘呢個時間表唔知你信唔信，不過反正金管局就信了，而且做埋出手，就差在佢無講出口「宜家唔好買樓」。
表一：在2.5%利率下，每一百萬元借款的還款表及供款入息比率
表二：在3.5%利率下，每一百萬元借款的還款表及供款入息比率
表三：在4.5%利率下，每一百萬元借款的還款表及供款入息比率
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2015年2月28日
