上車了,然後呢?

地產小子攝

地產小子攝

 

金管局宣佈,樓價七百萬或以下自住物業,按揭成數由六至七成,收緊到六成。消息公佈後,網上哀鴻一片。好多辛辛苦苦儲首期將近夢圓既後生仔,臨門一腳上車夢碎,「買樓教」信徒自然呼天搶地。

到咗今日,搵朝唔得晚的「廢青」早就對買樓上車夢斷念。留下來還有能力發上車夢的買樓教徒,至少月入幾皮,但都係掹掹緊而已。如今上車夢碎,再聽到曾俊華一句「負擔唔起就唔應該買樓」,自覺梗耳,紛紛責其涼薄。

當你詰問買樓教信徒,為何係呢一刻買樓係咁急需,咁逼切,佢地會有一百種理由:租樓等於幫人供樓 / 唔買樓條女唔肯同我結婚 / 一家幾口同屋企人住好逼 / 買樓係最好既投資 / 住係人既基本權利,等等。

 

咁容我問一句:「上車了,然後呢?」

 

唔駛問阿桂,上到車之後,你哋就變成有樓的中產階級啦,係唔係?有咗層樓,就自然會變到好多嘢出嚟:變咗個老婆出嚟,變咗架車出嚟,變咗個BB出嚟,最重要既係,可能變得層樓出嚟,然後就……哈哈哈哈哈啦,係唔係?就好似童話故事入面既結局咁,王子同公主係城堡入面永遠過住幸福快樂既生活啦,係唔係?

講到尾,買樓教信徒就係依然諗住依照上一代既遊戲規則,權貴訂落既規則玩,終有一日會有出頭,然後就可以做隻「躲進小樓成一統,管他冬夏與春秋」的港豬。

 

喂,權貴個龍門會隨時搬架喎,你唔係今日先知吓哇。權貴搬龍門,不嬲都係遊戲規則既一部份。你選擇得做買樓教信徒,參與得上車遊戲,就唔好怨權貴搬龍門。條路自己揀,仆街唔好喊。

買樓教信徒,一樣對發水樓呃呎炒樓有怨氣,但同時又樂在這個上車遊戲中。一邊對地產霸權滿腔怨憤,一方面又話金管局臨門一腳收緊按揭阻住上車。這就是港豬,亦就係嗰班一面恥笑CCTVB但又能每集劇情倒背如流的矯情港豬。

食得鹹魚抵得渴,入得廚房就唔好嗌熱,信得買樓教,就要預咗權貴隨時搬龍門。因為搬龍門,或者好聽啲叫靈活變通,係香港過去賴以成功既原因。到你成功上車囉,到時有權搬龍門嗰位咪係你囉。

 

不過上了車,亦難保你一世無憂。港共政權為保住中共在港貪官的資產,同時完成殖民換血大計,不惜犠牲香港人福祉,一方面只做小動作假裝打擊樓巿,一方面將公屋慷慨贈予殖民的蝗蟲大軍。為個人的短期利益而上車,客觀效果就是幫港共托住樓巿,成為維穩的共犯。

人面對著不可知而不斷變化的未來,慣常做法係用規律去規範自己,然後就以為自己成功降伏了變化,買樓教信徒所信奉的,大抵就是一套返工 → 儲錢 →俾首期 → 上車 → 結婚 → 生仔的行為模式,以降伏個人內心對世情變幻無常的不安感。

可是即使上了車,名義上物業屬於你,但你依然要背負廿幾年的沈重債務;你的人工依然追不上茶餐廳餐牌價錢的加幅;返工放工擠逼之餘,依然要被無數行李輾過腳面;BB出世,要同蝗蟲爭床位奶粉學位;周末出街發現滿街藥房金舖,無街可逛,無物可買。這就是你期待的童話式結局?

 

保皇黨曾有句口號,叫「沒有國,那有家」。當年有好多人批評這句話,但筆者認為這句話意思正確,只是口號中的那個國,指的是香港。沒有楚河漢界劃分制度權限,外邦人就可任意在香港予取予攜;沒有屬於香港人的政府保障香港人的利益,你的城堡和莊園,就只能坐等外邦人的掠奪,你的妻女和親人,就只能承受外邦人的蹂躪。

香港建國,嚴格限制外來移民和旅客,使香港人口回復到合理水平;復興本地從農林到文化產業,令本地人能夠賺取合理的收入,大學生學有所用;限制外來資金沾手本地樓巿,杜絕住宅樓宇炒賣。

上車之所以難如登天,原因係大家都攪錯咗做事既先後次序,以為要遵循權貴訂下的遊戲方式。港共權貴有心趕絕香港人,自然要將上車遊戲設定到越來越難玩,令香港人無法成家立室,終令族群瓦解。不先解決「國」的問題,「家」的問題基本上無解。

 

要上車,先建國。香港建國,上車自然無難度,棟樓可能仲唔駛供添。

 

作者:萬逢達@協紀辨方

生於香港最美好年代。雖屆而立之年,仍懷一股熱血,無非仍有想堅守的人同事。BLOG :協紀辨方

閱讀後覺得好,請多多讚好及分享~:)

其他熱門文章

  • 【PR】開放世界獸人 x 功夫動作 RPG《BIOMUTANT》今月推出多平台對應 by VJGamer
      Epicsoft(Hong Kong)Limited 今日宣佈,由 Experiment 101 […]…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
  • 《無限斜棟有限公司》的政治意味 by Terence Yun
    除了三人家庭背景在暗示著一些政治符號外,其實這個三角戀也是一種暗示,盧慧敏周璇兩人之間,兩位男方常強調要求盧決定選擇其中一個,但盧知道兩人都是她的所愛,不能沒有任何一個,不可以失去其中一個,所以盧非常強調不願意選,不想選擇,她只想唯持現狀,…
  • 梅艷芳與姜濤——看一個時代的轉變 by Terence Yun
    香港娛樂產業一如早前提及是需要投資,不能短視,長線投放資源,才能培養一代藝人…
  • 葉劉請你遠離Mirror by Terence Yun
    政客向來都是嗜血的動物,見到一些市場上有價值的,便會撲過去拿著數,Mirror近期火紅,政客們也不忙關顧一下。有人提議姜B打針以鼓勵年青人打針便是例子,而花姐亦很懂技術推卻,可見她是一個高手。建制政客也不會執輸,葉劉淑儀建議Mirror同E…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 100628
Date: 2015-03-01 02:11:41
Generated at: 2021-05-15 17:14:41
Permalink: https://www.vjmedia.com.hk/articles/2015/03/01/100628/上車了,然後呢?