一次過數哂「唔值咁貴」嘅牌子…

10865931_351899311685081_3671757736955328287_o

 

自情人節起,Pandora 就不停比人鬧,鬧佢條鏈根本「唔值咁貴」,「個粒又唔係隕石,點解要咁貴?隕石都唔使咁貴啦」。其實 Pandora 幾無辜,又唔只佢一個牌子「唔值咁貴」,唔係賣Pandora個個戇鳩賣到條鏈咁貴,係咁貴都買條鏈個個戇鳩姐。

 

「唔值咁貴」嘅牌子點只Pandora 呀…

不如一次過數哂D 根本「唔值咁貴」嘅牌子出來啦,以下我精選左幾個牌子,賣到咁貴,我真係百思不得其解。

–> 徐濠縈個對幾千蚊嘅 MBT,同我呀媽喺 DR KONG 買個對299夏日之選有咩分別?「徐濠縈個對健康鞋黎架…」,「著鞋要健康,去搵 Dr .Kong」喎。

–> TOMS 同古代人著個對布鞋有咩分別?同埋佢真係好似燒比死人嘅紙紮鞋呀。(你睇下張圖,有咩分別? tell me)

–> 落雨 office 班女人著個對千幾蚊嘅 hunter 黑色長膠靴,同平時街市賣魚勝個對有咩分別?

–> ISSEY MIYAKE 個個七巧板袋,我以為佢係一個摺得埋嘅環保袋,原來我太睇小佢。個袋好熟口熟面,諗左好耐我終於知點解,個袋係似理工大學門口個頂呀。

–> Anterprima 用 n 粒珠串成嘅 My Melody 袋,要2萬幾蚊,咁點解唔去Sanrio 買隻My Melody,幾百隻都買到啦,返屋企用My Melody 玩動物大遷徙都得啦。

仲有400 蚊嘅 XPX 拖鞋啦,幾條橫紋嘅 Y3 啦。fashion 呢D 野大概只有 Wyman 同徐濠縈先明。

 

只要佢夠潮,佢就值咁貴架啦…

我覺得真正嘅潮童,係你可以著到件野貴左,能夠為件平衫增值。咁講好抽像,其實唔難,你睇下謝檸檬,佢係能夠著件白色背心底衫,出席大小公開場合。我深信,就算係裕華國貨嘅菊花牌背心,甚至利工民嘅啡色羊毛底,謝檸檬都可以駕馭到。

 

貴唔等於潮架…

如果貴野就係潮野,Pandora 點都唔夠龍鳳鐲潮啦,又唔見D 女人戴。「龍鳳鐲 leung 呀嘛」,如果徐濠縈戴龍鳳鐲出街,你仲覺得leung 唔 leung?

 

點解呢D「唔值咁貴」嘅名牌咁多人買?

到底係因為好多人鐘意所以先賣到咁貴,定係因為佢咁貴,先咁多人鐘意?似乎香港嘅情況似係後者。條 Pandora 本來就唔係好靚,但因為佢貴,所以條 Pandora 由普通靚變做好鬼靚,講到尾就係虛榮心。

PS. D港女真係難服侍,送貴野又話俗不可耐,送平野又話「都冇放我在眼內」,想收咩姐你地?其實道理真係易過借火,鐘意嘅,唔使送Pandora,送條黃色橡筋都收貨;唔鐘意嘅,你送成間 Pandora 旗覽店,都冇用架。

 

(原載於:姐死姐還在

 

作者:姐死姐還在

姐死姐還在
我叫奴隸獸,任職大公司極小職員,日日比阿姐政治迫害,深明「姐姐不盡」的真諦,以「你睇我唔到⋯⋯」為每日工作目標。 「姐死姐還在」fb page

閱讀後覺得好,請多多讚好及分享~:)

其他熱門文章

  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 【遊戲介紹】開放世界生存動作 《V Rising》多人連線與好友重建吸血鬼王國 by 五木
      「我不做人啦!JoJo!」呢句名台詞令人類開始嚮往做吸血鬼,早排進行搶先體驗嘅新作《V Risi […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 101044
Date: 2015-03-05 04:44:38
Generated at: 2022-05-24 16:03:38
Permalink: https://www.vjmedia.com.hk/articles/2015/03/05/101044/一次過數哂「唔值咁貴」嘅牌子