北姑被人捉違反逗留條件真係好唔抵囉!

(photo via cc Flickr user James Creegan)

(photo via cc Flickr user James Creegan)

 

我真係覺得啲賣淫俾人捉違反逗留條件嘅中國妓女好唔抵囉!

走私賊(a.k.a.水貨客)嘅滋擾問題,諗來諗去都係入境處嘅錯。無論你係邊個國家嘅公民,無論你去邊個國家,就算話你免簽證,都其實係旅客身份嘅免簽證,你去只係可以遊覽觀光,買些少手信,探望一下親朋戚友嘅嗟。有時幫朋友買少少嘢,一件半件,合情合理都根本吹你唔脹。

當然,做人無得咁過份,試諗下我一個半個禮拜去一次日本,先唔好講我有無次次都買十條八條裙、六七盒粉,日本嘅入国管理局見我來得咁頻繁,每次都三幾日就走,望一望電腦都見到記錄,隨時會俾人的去見inspector。如果我解釋唔到我點解要來得咁頻繁,佢有合理理由懷疑我去嘅目的並非旅遊,都可以無需理由直接拒絕入境,或者叫我申請其他簽證過去。

 

嗱,走私賊之中,有香港人,亦有中國人,咁問題自然可以分兩部份去睇。中國人嘅部份,顯然用逗留條件足以處理。假設一簽多行嘅一日行兩轉,單係來回上水羅湖,一次都六十蚊,兩次就百二了。入境處嘅人問你做咩一日出入咁多次,無錯,可以一句話「我中意搭火車,唔得咩?」去回答,不過你試下咁同Mag仔講,睇佢地信唔信你?我覺得啦,講reasonable doubt,已經完全beyond晒,真係要被告解釋先有機會甩喇。況且踏入禁區,邊境口岸周圍都係閉路電視,C&E、Immigration,甚至慈母都有得係Control Room度睇,據某Discipline嘅Senior Inspector說係有錄影的。見你次次拎住一大箱嘢走,姑勿論係奶粉餅乾,抑或益力多,喂,你點解釋嗟。

就當一日或一個禮拜只走一轉,一樣可以用違反逗留條件去處理:唔challenge你買,你話你自用吖嘛~每次都成堆明顯地用唔晒嘅貨物,我好難唔懷疑你違反逗留條件嫁喎。一個禮拜飲一百枝益力多、用三百塊尿片,喂,唔好咁過份好喎,真係真係飲都飲死你、真係要帶個小朋友去睇下醫生先得。

 

明明走私賊同班中國妓女一樣,都係用旅客身份來港,然後做嘢,得啲妓女次次中招上鏡,電視新聞報紙頭版都有得上時,走私嘅人竟然無事,我覺得好唔抵囉~

 

作者:砂糖雪(☆しゅがぁ雪♡)

砂糖雪(☆しゅがぁ雪♡)
汀瀅冰中結,砂糖雪裏埋。單純愛美愛腐愛幻想,自知殘存在凡塵俗世,沉溺虛構神話裏、迷途弱蟲迷宮中,困於弱水三千內顛倒夢想 - 神無月的凝視下,葬下零落的白色花瓣、綻放璀璨的戀色花火 - 明知是夢想,依然惜夢。FB :佐藤 栞

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 101502
Date: 2015-03-11 02:29:39
Generated at: 2021-06-16 16:54:39
Permalink: https://www.vjmedia.com.hk/articles/2015/03/11/101502/北姑被人捉違反逗留條件真係好唔抵囉!