應如何對待男友嘅朋友?

(photo via cc Flickr user CIA DE FOTO)

(photo via cc Flickr user CIA DE FOTO)

 

情侶發展到某個階段,便會帶男/女朋友出席朋友的gathering,除了讓對方了解自己,同時亦可藉此了解另一半,女的會猜想男友在朋友面前會否玩得很瘋,狂飲酒或不停聊女仔;男的會猜想女友在朋友面前會否粗粗魯魯,毫無儀態或亂放電。不過總有些人不愛把另一半帶出來,原因有很多,例如愛低調;怕被人說晒命;覺得未係時間;感情不夠穩定;怕被人搶走等。

 

「我係咪好唔見得人吖而加?點解你次次都唔肯帶我出去。」Brenda不滿地說。

「梗係唔係啦,就係因為你太見得人,廢事你比人睇蝕晒咋。」大男人Mike說。

「癡線,點會,定係你有好多女性朋友唔想比我見到咋?」Brenda不屑地說。

「唉,怕咗你,星期日開party帶埋你去。」Mike無奈地說。

 

Mike和Brenda一起已經兩年多,可是Brenda卻沒有見過男友的朋友,女人總是很多疑,明明乜事都無卻會自編自導自演一台大龍鳳,究竟佢係咪有好多女性朋友?唔通佢地好靚?定係佢覺得我唔夠靚唔夠大方得體?定驚我講錯野呢?於是Brenda當晚悉心打扮,化了妝、戴了con,更穿上新買的藍色連身裙,正所謂唔打得都睇得。

 

「嘩,你使咪扮到成隻雀咁啊?咪叫咗你casual wear囉!」Mike皺眉說。

「咩啊,廢事失禮你咋嘛。」Brenda扁嘴說。

「喂喂喂,Mike少!好耐無見,女朋友咁靚,唔怪得收埋唔帶出嚟見人啦!」Ryan拍膊頭說。

「_,講呢d!」Mike說。

「聽講你好忙o架喎Brenda,次次叫你嚟阿Mike都話你唔得閒嘅?你做盛行架?想食咩啊?唔使客氣喎,飲唔飲可樂?」Ryan機關槍般不停地說。

 

很快Brenda便成了整晚的focus,她分享在英國留學的經歷及歐遊的趣事,令大家聽得津津樂道,晚飯後她又教大家玩大學時O-Camp的集體遊戲,很快便和Mike的朋友們混熟,特別是男性朋友。玩遊戲少不免有些身體接觸,Mike都一一看在眼裡,他最怕就是看到這些疑似抽水的行為,出聲唔係唔出聲又唔係,自己女友又鬼死咁主動,同人玩得鬼死咁盡興,仲可以講啲咩?

 

「我今日玩得好開心啊,希望你地下次都會叫我嚟玩,唔知仲有無機會呢?」非常識做的Brenda說。

「一定啦!就算Mike唔得閒你都可以照嚟o架!」男性朋友們說。

「哈。。。哈。。。」Mike苦笑,心想這個女人也未免太懂說話了吧。

 

散場後Mike當然面黑黑,Brenda還得戚地說:「如果我同你啲朋友仲熟過你同佢地,你會點啊哈哈哈!」Mike一直保持沉默,沒有作任何回應,「講笑咋,點會呢,做咩啊你唔開心啊?」Brenda開始意識到這是暴風雨前夕的寧靜,出奇地Mike當晚沒有任何指責,只是平靜地表達自己當晚的感受,不過在他心中,已暗暗對Brenda扣分,而且他決定不會再被Brenda入侵其他朋友圈。

 

Brenda任職PR,與人溝通social當然沒問題,女人有自信亦很好,但過份得戚有時只會令人感到十分討厭。小盛女不是叫你在男友朋友面前要當啞巴,你當然可以吹水可以玩,但應保持適當的距離,朋友妻,咪走雞,唔係無聽過掛?既然會令男友擔心,又可能會令男友和朋友關係變差,點解唔避忌啲呢?

 

PS. 注意:男女角色相反亦然

 

 

作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 106867
Date: 2015-05-16 19:37:10
Generated at: 2022-09-28 14:17:46
Permalink: https://www.vjmedia.com.hk/articles/2015/05/16/106867/應如何對待男友嘅朋友?