我係人蛇!邊撚個知呀?
我只想做個香港人!同個官講吖!

政治 / 最新文章綜覽

無間道

 

打辯論好多人以為只要雄辯滔滔,無論對方答乜都批到人家體無完膚就贏。實際上完全唔係咁,反而好多時「簡約即是美」,你條主線簡單、入屋、無可批駁,就穩操勝券。太多旁枝末節,奇技淫巧,只會令自己畫蛇添足,留太多尾巴畀人去分散視線,就算再花巧都無意義。

 

舉個例,人蛇逾期居留事件,一,非法入境,二,逾期居留,兩個原因,足以遣返。查案期間畀佢短暫讀書,係無問題,而佢返大陸係咪無親無故,本身唔應該係焦點,大陸唔係一樣有社工、社福機構,或者政府收容所嘅咩?好,當你真係無,咁佢麻麻可唔可以廣東省養老計劃?

 

由事件嘅本源衍生出黎嘅討論,基本就係差唔多。拎人個樣黎玩黎笑,只會留下尾巴畀人打「你班仆街真係好無愛心」,然後就「飯式轉移」(飯桶式話題轉移)去「香港變成咁真係好陌生,我見到咁真係好痛心」,法治係乜?逾期居留使唔使拉?全部都訴諸個人悲情!成件事簡化成「你班大人蝦細路」!喂照咁講,差佬唔使掃黃啦,次次都拉一班違反居留條件嘅女士遣返,幾唔人道呀!應該起定啲公屋虛位以待畀佢哋係咪?

 

所以件事本身真係好簡單,笑人個樣,只會畀機會人哋轉移視線,愚策也。

 

 

作者:林非

離經,不欲縛於經書舊說,欲自成一家自成一經。八十後,以追求人生自由之道為己任。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 107569
Date: 2015-05-26 16:32:36
Generated at: 2020-03-30 04:51:04
Permalink: https://www.vjmedia.com.hk/articles/2015/05/26/107569/我係人蛇!邊撚個知呀?我只想做個香港人!同個