得,「你生咗就知」吖嘛~!

 

好撚痴線。

係,個個大人都最叻搵籍口,家長又唔想,學校又唔想,總之推去「非人格化」嘅教育局、政策,就最萬事大吉。總之係教育局錯係政府錯,唔係我錯。仆街啦,學校錯,教師錯,家長都有錯,個個都有份迫死啲小朋友s。

好多人好中意話「到你有小朋友就知」,我好認真,好反覆,近乎日撚日咁反省,結論係,我最可能係會啞忍學校迫鳩啲小朋友而唔敢反鳩佢哋枱。屌你,我點樣「粗口-free」地同學校「傾」呢個問題?耍官腔大家都識嫁啦,耍完一輪, TSA 又係要應付,學校係操你個小朋友定唔操吖?操!

 

我其實幾肯定我唔會迫小朋友學同補咁多樣嘢。首先,講真,小學,甚至中學,學校標準代表乜?你寫「巴士載客一百人左右」同「約一百多人」有咩分別?但好多小學真係可以夾硬話你其中一個係錯的。喺咁嘅標準之下一百分同九十分,分別大咩?有意義咩?喺社會生存,斟酌呢啲嘢有意思咩?唔通到三十歲選區議員都仲話「我小學拎開一百分,中學呢就有8A,糖呢就兩茶匙,仲有啲收皮添!」咁咩。

更重要係,屌,你日常生活同你個子女溝通多啲,都可以學「好」中英數啦。語文係溝通用,死背一堆字根本無意義。

 

至於興趣班,我覺得係要有嘅,而培養興趣亦要時間去浸,當中一定會有懷疑,氣餒嘅時候,就算一樣嘢再中意,中間都會經過一啲歷程係令人懷疑自己嘅。一旦遇上困難就放棄,亦係不可取。但認真,小一學俄文西班牙文? Seriously? What is the haha point here? 我完全想像唔到一個小朋友小一可以對呢兩樣嘢有興趣。除非屋企本身好中意呢兩種文化,耳濡目染下見好多。

老老實實,補中英數,尤其是中同英,喺小學階段我係覺得好無謂。數可能要輔助下,但無論如何唔會係「一三五補習」嘅地步。

我小學有個老師,教我哋讀「wednesday」係「when-突s-day」。我唔係話小學教師水平低,我係想講,每間學校甚至每個老師都有自己標準,你跟得幾多?

 

得,「你生咗就知」吖嘛,屌你。

 

作者:林非

離經,不欲縛於經書舊說,欲自成一家自成一經。八十後,以追求人生自由之道為己任。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 109611
Date: 2015-06-23 18:23:13
Generated at: 2020-04-05 05:39:03
Permalink: https://www.vjmedia.com.hk/articles/2015/06/23/109611/得,「你生咗就知」吖嘛~!