依兩日facebook 除咗比亞歷山大細佬流血事件同偽blue blood大談點分真偽blue blood事件，仲有一件就係討論「鬼佬出書教食港女」。
筆者發現有個好奇怪嘅現象：亞歷山大咀角流血，阿媽唔睇佢咩事就首先影相呃like，網絡一面倒討伐；偽blue blood作家大晒來頭，正好係佢講果種blue blood，又引來有心人引經據典，暗諷佢連咩係藍血人都攪唔清楚。但奇怪在鬼佬出書，對香港女性出言侮辱之能事，聲言她們是「全世界最放蕩的妓女」。但那些左膠、女權主義者沒有為女性「發聲」不止，在網絡上竟然沒甚迴響，反倒是有不少聲音抽空了事件，大談性愛自主，將重點放在港女也有權享受性愛之上：「港女同鬼佬上完床，係唔享受，係唔舒服，就唔會再食啦」⋯⋯
最奇怪係事件以後，有數篇文章不約而同地指事件發生，香港人應該負責任。
比如怪港男「當一個民族嘅男人失去魅力，女人就會求於外，自身文化就無法承傳，民族就會墮落。良禽擇木而棲，女人追求優秀嘅男人無可厚非。香港男人喺全球競爭下輸畀洋腸唔能夠怪哂港女。」，又或者怪港女「成為洋腸玩物，應怪自己。」
港男係要自強一定無錯，但比人踩到上心口仲唔出聲？仲要訴諸於己？比你練到大大隻又點？咪一樣係外強內乾嘅鵪鶉！明明係人錯我屌，駛講資格論？咁同左膠有咩分別？咁仲講乜撚本土精神？
驅蝗就落力，比洋腸笑就無力，仲踩多兩腳話香港人唔爭氣。咁撚樣好難唔比人話係崇洋媚外架喎香港人。
唔駛講咁多嘅，你試吓將同樣嘅case代入係大陸高富帥大屌港女經驗，你睇吓會唔會即刻屌到反艇？（中囯同英國美國係本土意識抬頭下，都係外國，唔駛同我講咁多。）
而問題是否就落在港女身上？我嘅睇法如下。即係咁，試想想假設你有個女性朋友出夜街，唔小心畀人侵犯咗，你身為佢朋友，會唔會因為佢自己出夜街而屌到佢反艇？相信切身處地你都唔會因為佢唔小心而屌佢。但如果佢畀人侵犯，佢另一個fd 唔幫佢報警不特止，仲要將個責任賴落被侵犯者個唔在場嘅男友度：「係咪因為妳男朋友唔夠大隻先攪到你畀人攪呀﹖妳男朋友無撚用架﹗」
個人認為港女鍾意食洋腸唔緊要，直接嫌港男無用先搵鬼佬都唔緊要，但如果正視現象，港女為何畀人話係「全世界最放蕩的妓女」，點將女人矮化成「公廁」，港女都不介意了，只要對方床上令佢享受舒服，事後𡁻完唱、點樣公開話自己係「雞」係公廁等等甚麼道德問題都可以拋諸腦後了。
世態如此，有起事來，港男港女互相攻訐，妳一句宅男酸毒臭、佢一港女食洋腸，鬼佬們繼續𡁻完唱，大談香港女人如雞如廁。
自此，香港人嘅國際形象，就係：「東亞病夫」，半點不由人。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2015年6月26日
