娘娘嚴選 港男拍拖10誡

情愛點滴 / 最新文章綜覽

《女朋友.男朋友》

 

1. 人外有人,胸外有胸

「用食物做個比喻 樣就好似零食 平時耐唔耐就放粒落口 但係你食飯時會唔會介意有冇朱古力送飯? 波就係餸 係成餐飯最重要既野 好餸唔好餸可以影響你成餐飯既胃口 西係飯 係主角 偏偏飯既好壞並不重要 腿只係佐料 好似蕎頭 腐乳 有係bonus 你話有西就得?你不如食飯唔食餸 有腿就得?你不如餐餐用腐乳送飯 有樣就得?我都廢九事睬你」

相信大家有上高登都好熟悉呢段野,我唔介紹啦。最近黛安芬日本分公司既肉衣白皮書就話喎,A cup已經成為稀有物種,D、E cup係大勢所趨。於是大家就望住個Infographic射哂精,成個Mon傑噠噠咁。我想話熊貓咁笨柒既生物都因為稀有而珍貴啦,識食女緊係食番香港製造,微波/平胸方為特產啊(好似係)。話得說回來,大唔大波唔係重點,而係當你同你條女講不如你條線唧高啲,落多幾個Pad黎遮住部永遠最新型號ipad時,有冇諗過佢都係度心諗「屌你老母,你扯埋條J都唔夠雷神一半啦!(冇記錯既話,雷神有30CM。)」

 

2. 我都要青頭嫁啵

有啲男人一方面話香港女仔唔夠Open,一方面又要處女情意結。我雖然都贊同「粉紅色乳頭,可遇不可求」,但係有啲野冇就冇,你真心冇得求。另外就係,究竟非處女不屌既仔係咩心理?難道屌不到的西既係香既?咁樣你可以搵搵鋼鐵處女幫你,再唔係搵番隻飛機杯都冇話唔得。而且其實條女完全冇經驗,上床係大多數係唔會配合到你既。係,條條仔都鍾意床下斯文,床上Open,我係明既。但係如果你只係鍾意塊膜,真心,補,番,俾,你,囉!要幾多有幾多。不過如果你只想要處既話,對,唔,撚,住,我,都,只,要,青,頭。

 

3. 出街俾錢切忌婆媽

唔好鬧我港女先,我唔係同緊你講要餐餐半島Buffet,都唔係話你要永遠請佢食野,你鍾意AA都得。我講緊既只係找錢既時候,如果你係介意個幾十蚊既,你可以俾錢前用番些少時間自己心算,但千祈唔好係cashier度慢慢數。我知知慳識儉係美德,咁關愛座本身都係美德嫁,但係一做左出黎就係on9啊嘛!如果你要係度數錢數五分鐘,唔該你同我死番去小學度報下珠心算、公文式,操番千幾條數先好出黎溝女。

 

4. 做人唔好咁Richard

有啲人好on9既,睇到條女正即刻like+follow。呢樣野係你單身時一定冇事,你仲可以get notification,但我話你知99%既女人都好介懷,尤其時你通常睇得既都係條波罅上到喉咳既。你試諗下你係打緊LOL個陣會唔會話GTA好正,好好J,掃射個陣爽到飛起。如果你咁講,你隊友一定會歧視你。咁你試諗下,你依家係攬住部iPad讚Samsung喎,你條女個刻個樣有幾西,我諗你都估到嫁啦(衰啲講句,分分鐘黑過黑鮑)。除非你條女十分之開明,否則都係兩手準備,整多隻AC專睇女女,到時咩coser、靚模,你鍾意睇咩就睇咩啦。如果你條女唔會上你屋企既話,你晚晚攬住雞扒妹攬枕都冇所謂。有啲野,天知地知你知就得,比左佢知就係另一回事。

 

5. 有一次就有下次

嗱,女人呢種生物武器就好撚危險既。我話你知,你老豆話「女人未到八十,唔好俾飽飯佢食」,其實都有一半係啱既。我估你都有聽過李彩樺既港女之歌《你唔愛我啦》:「是但啦 算數啦 又話錫我 話咁快又變晒待我幾差」。女人最叻講啲咩啊?咪臭系「你以前唔係咁嫁」。女人係一樣好撚小器,全世界都搵唔到既記仇生物,你對佢差佢記一世,你對佢好就記兩世。如果你條女係個啲超級變態三日一次紀念既,你有三個選擇:一﹒大大力地屌佢﹔二﹒大大力地屌佢然後飛左佢﹔三﹒隔三日就好似P&D轉珠咁出轉條pandora豬耳繩過佢,永無斷尾。我話你知,條女自己揀,仆街唔好喊。假若你咁家門不幸,真係揀左個癲既番黎,日日要幫你清空一次銀包既話,你已經玩完左半世。下半世係飛甩佢定train到佢做賢妻就睇你。

 

6. 條女唔同你上床,皆因你,唔,得

大多數人做野都係憑經驗,女人唔例外,尤其是香港既女人。香港既女人恐怖既地方係「超過30%受訪育齡女性無性慾,40%沒有性高潮!!!」唔好捽眼,你真撚係冇睇錯,真撚係係咁嫁。呢個時候,你首先唔好怨自己生錯地區,你應該細心望望你條J同你隻手。唔好以為我係叫你搵把間尺度J長,我係講緊,你要觀摩下你條J,認識下你條J,知道自己邊個位敏感,點樣入可以令個女仔舒服啲。得閒冇事就睇睇加籐鷹隻金手指同你有咩分別,綑邊同唔剪指甲都足夠令前戲898。唔好問點解啲女唔叫唔高潮,唔好問點解條女唔同你扑野,問下自己點樣先可以令到條女日日都想同你扑野好過啦?

 

7. 記女仔M come日期是常識吧?

女人一M come就會哥斯拉上身。唔係,應該係芝娃娃上身,係唔係都用把高八度既聲黎鳩吠。呢個時候,你就要識做啦,認住佢邊幾日m come,自動送上熱糖水,台灣就興紅豆沙啦,你可以睇下有咩俾佢飲既。但記得,紅棗水係come後飲既,千祈唔好係條女come緊時俾佢飲,佢會血,崩!綠豆沙都唔好,你會直接仆街死。記M come日子除左可以收番隻哥斯拉入精靈球之外,仲方便扑野,唔洗前戲去到一半就聽到「BB,我come緊啊,不如下次先」。屌,扯到行哂個陣,聽到啲咁野,J又唔係瞬間軟到,谷住谷住夜媽媽番到去先請教蒼井老師,發番幾炮,點都唔過癮啦。

 

8. 花多啲時間同條女做床下活動

其實男人永遠唔明女人同女人永遠唔明男人係一樣既。我仲好記得有個男性朋友同我講佢老豆同佢老母講左十幾年越位,佢老母都唔識……我當刻即刻心諗,好彩以前啲仔會睇波,我起碼都認得啲球星名同基本規則。男人好難速成女人草左十幾廿年既八卦Database、美妝知識乜乜乜,但調番轉就唔同。要女人明白男仔心理,最基本上高登一齊睇睇甜故,Youtube睇達哥、大J、熊仔頭、黃子華,基本上已經好好多。你想你女朋友變得善解人意,不妨試試。分分鐘你條女之後會肯同你打下LOL,即使佢永遠都係做supporter,都好過佢連LOL係咩都唔識。

 

9. 溝女要有誠意

你睇到呢度,可能會話,「下,女咩黎嫁,食得嫁?」或者「首先,要有……」。不論你係靚仔定柒頭,唔該唔好inbox條女講咩「Hi」、「be frd, ok?」、「做緊咩?」。呢三句野出齊基本上已經注定你出唔到pool(出齊又出到既話我知)。溝女最基本係用番一個星期stalk佢fb,女人呢家野乜都影乜都share,唔似男人咁又要睇女,又怕俾人當係狗公,所以佢鍾意林峯定林一峰,李光洙定都教授,做少少功課你好快知。一開波就講下佢有興趣既野,條女自然對你有興趣。要記住,女同仔既system係唔同,個個分別係大過你部電腦行32定64bit好撚多。係第一刻,仔溝女係睇副偈,女冧仔係睇個餡。

 

10. 做隻貓做隻狗不做情人

去到最後,聽我講,A同O真係唔係一切。我唔知你有冇拍過拖,但我很肯定,做兵係輕鬆過拍拖,做貓狗又係正過做兵。有玩收集貓咪既就知,日日女主人都餵你食野,得閒仲會抱起你請你食下波餅喎,真係咪話唔撚爽。男女之間最痛苦既,莫過於「期望值既落差」,女人想要一世,男人想要一陣,男人最想新鮮,女人最想保鮮。我,拍拖既時候,博盡無悔,散既時候唱一句「我尋你開心 你尋我開心 我們還有什麼可以恨」。所有野都係咁簡單,雖然你個心入邊永遠有一個Katrina,但係既然搵得情人,唔該唔好提起佢,有啲野放係心入邊就好了。

 

延伸閱讀:

娘娘嚴選 港女拍拖10誡

 

作者:Echo

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 109843
Date: 2015-06-27 13:31:26
Generated at: 2020-10-31 18:21:23
Permalink: https://www.vjmedia.com.hk/articles/2015/06/27/109843/娘娘嚴選 港男拍拖十誡