喺哲學上，我地有個topic叫personal identity，顧名思義係涉及identity 嘅。所謂personal identity即係乜嘢使尋日嘅我等如今日嘅我？2010年嘅我會等如2020年嘅我？要答呢個問題要由乜嘢構成「我」入手。而入面有四個准則：肉身、心理、靈魂（太飄渺、觀察唔到，所以我唔探討啦）同埋social（呢個留畀文化研究嗰啲人研究啦 :0) ）
喺入正題前容我講下題外話，如果各位對personal identity有興趣嘅話，不妨睇下Ship of Theseus 同埋The Self and The Future。
入正題啦，我呢個實驗叫「綠帽實驗」，係我自己諗出嚟嘅。
喺呢個實驗中，我地會需要一個女朋友、「我」、「我」嘅身體A、朋友B、朋友B嘅身體同埋一部意識轉移機，可以轉移性格同埋記憶嘅。你可能會覺得無可能，無論你覺得係你無可能有女朋友，定還是無可能有意識轉移機，我想話你知，思想實驗嘅特色之一就係不受現實條件限制。
而呢個實驗嘅邏輯如下：
我同我女朋友做愛係唔會畀到綠帽我戴嘅
喺情況N下，我無戴到綠帽
所以情況N下，同我女朋友做愛嘅人係我
情況一：我同我女朋友做愛
情況二：朋友B同我女朋友做愛
情況三：我同朋友B交換咗性格同記憶，然後擁有我性格同記憶嘅朋友B身體同我女朋友做愛。
情況四：我同朋友B交換咗性格同記憶，然後擁有朋友B性格同記憶嘅身體A同我女朋友做愛。
情況五：我同朋友B交換咗性格，然後擁有「我」性格同朋友B記憶嘅朋友B身體同我女朋友做愛。
情況六：我同朋友B交換咗性格，然後擁有朋友B性格同「我」記憶嘅身體A同我女朋友做愛。
情況七：我同朋友B交換咗記憶，然後擁有「我」記憶同朋友性格嘅朋友B身體同我女朋友做愛。
情況八：我同朋友B交換咗記憶，然後擁有朋友B記憶同我性格嘅身體A同我女朋友做愛。
以上就係成個思想實驗啦，跟住好似要講下結論。
但係我認為嚟到呢到，大家都應該有自己嘅答案，所以我想先聽下大家嘅想法，先下結論。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2015年6月29日
