小妹好少坐的士經驗，除左因為車費問題，遇唔遇到一個好既司機大佬都係其中一個考慮因素。雖然車程短，但好多時一個人坐總覺得好無安全感，唔知有無專登兜路，唔知會唔會發生電視劇入面會被搶劫既情形，有咩事丟左你落車就無仇報，佢就繼續接客，所以基本上膽小怕事既我只會同朋友或者同事夾份坐。當然我有遇過好司機，有次朝早趕返工，一上車已經好心急，睇落醒神既司機叔叔話我知兜邊條路最快，點知一過到去大塞車，又無得u turn返轉頭，塞左半個鍾條龍先郁番。後未佢堅持只收我廿蚊，係咁話唔好意思。遲左咁多係有啲無奈，不過我深信佢無理由專登唔要錢晒時間黎整蠱我，仲要同個妹妹仔係咁「沙lum」，態度非常可敬。可惜身邊既朋友既經驗就話比我知，客觀現實係受過唔少的士大哥氣，拒載黑面找少錢搞到一肚氣，不過別無選擇下唯有每次祈求遇到一個客氣啲既的士司機。
uber既出現，就係迎合市場上呢個無可避免既大趨勢，call車方便，而且特別對於女仔黎講係感覺有保障，佢地提供投訴同埋評分渠道，如果有司機被投訴就會被「cut 單」，所以服務質素大致上有保證。uber更加制定左全港的士資料庫，乘客只要輸入車牌號碼可以得到司機資料，如果有大問題更可以直接連去運輸處作出跟進。呢個app既運用唔單止俾到顧客快而優既服務，同時又照顧到顧客心理，香港人絕對buy呢一點！
業界而家出現既轟動係理解既，不過點解uber能夠迅速打擊到傳統既的士業，就肯定唔係用錢去搭建出黎。由開發app、宣傳、試行、鼓勵市民同埋的士司機去參與，都係一步步將正面既營造番黎。如果只以為本來壟斷左既生計來源係被科技搶走左，一怒之下走去搵政府出面，係媒體面前將對手抹黑，再玩慢駛，除左有效發洩怨氣，實在諗唔到仲有咩用處……要反擊，就先了解對方既優點去齊心突破，自暴自棄只會暴露更多缺點…
【遊戲新聞】Bug 助你速通拿S+ 《生化危機 4 重製版》狙擊槍土遁大法輕鬆越過鎖上的門
當女朋友仲鹹濕過自己
Pokémon朱/紫！發掘古代，超越未來！訓練員進入開放世界！
女神新標準出爐！毒燃唔可以唔識嘅5位隱藏版女神MULCE
我在孤獨中找到了快樂
真正愛對方，唔好晚晚傾電話
2015年7月8日
