比普教中更震撼嘅「鄉下話」

阿姐 汪明荃

 

(以下內容好得人驚,我第一次聽嘅時候,係好似汪呀姐咁,「嚇死人咩,個心離一離呀」)

 

6月底,我終於可以同我好忙好忙,仲未捨棄教書工作嘅大學同學食飯。席間,我問大學同學A,係唔係仲教緊個間,校長堅持係band 2 尾,大家心知肚明係band 3嘅中學。同學A答仲教緊,學校同佢再續兩年約。我真係百思不得其解,間學校已經咁差,仲好似食環清潔工咁,同我做左4年嘅大學同學A續約。老老豆豆,學校已經咁差,係咪更加應該留住D 老師呢?

 

比普教中更震撼嘅「鄉下話」

同學A教嘅呢間學校,程度差,品行都好差,學校收左好多新移民學生,呢D新移民學生因為喺大陸讀讀下,轉來香港讀小學跟唔上,就派左入來呢間好差嘅中學。我問同學A,學校有冇推行普教中,佢畀左個比普教中更得人驚嘅答案我:「唔使推行架,我學校,大陸學生數目一早就超越香港學生,上中文堂,為左遷就多數嘅大陸學生,已經用簡體字。聽到呢到,我真係「個心離一離」。

同學A冇停止講「鬼故」,繼續嚇我:「小息個時,D 大陸學生會圍埋一齊講鄉下話,唔係普通話喎,佢地D同鄉會集合埋一齊用鄉下話溝通。」我真係呆左,呢D情境,真係好似發哥做個套監獄風雲,來自唔同地方嘅犯,會各自埋堆,用佢地嘅鄉下話對話。省港旗兵會講鄉下話,香港人講廣東話,越南人講北漏洞拉。

 

仲拗緊推唔推行普教中?真係太天真太傻,實施緊啦…

我地仲好天真咁拗緊堅拒推行普教中,守住廣東話教學底線。事實係,香港學生係少數呀,大陸學生就來變主流啦,佢地就係學校嘅大多數,你堅持緊嘅廣東話,大陸學生冇打算學呀。

真正令我個心離一離嘅係,仲講反對普教中?唔使等政府推行普教中同簡體字,實施緊架啦。

 

震撼全港市民嘅50 年不變騙局:

50 年不變,好似8萬5咁,早就唔存在。大家要用大陸嘅邏輯去理解「50 年不變」,正如你要用大陸嘅邏輯去理解「真普選」,50 年不變,從來都唔係2047 先開始改變,而係由1997,慢慢一齊走向仆街嘅旅程,2047接受同大陸一模一樣嘅局面。阿爺話:「如果1997至2047年間,乜都唔變,2047先變,你地個心先離一離呀。」就好似呀媽切D紅蘿蔔入魚肉度,唔覺唔覺,你就成舊紅蘿蔔啪入口。

 

「問題係呀爺撈左D屎入舊魚肉度喎」

普教中嘅屎,一早就餵緊入你口啦。4月中,教局指普教中係遠程目標;吳多掂表示,12/13學年有70%小學喺個別班級或全校推行普教中;同期有37%中學亦推行普教中。人人畀屎餵嘅局面真係旨日可待,係唔係好excited 呢?男拔初中生被迫睇普通話教育劇場,再次炒熱普教中話題,大家唔洗作出無謂反抗,因為屎已食。

 

大家都心知肚明「普教中」對語言學習冇幫助,但都會推行的…

學普通話根本唔使上中文堂用普通話學,真係要學,返屋企睇TBB武則天,或者睇埋百幾集西遊記,有效過上中文堂學。推行普教中嘅政治意途,明顯到好似用黃色highlight pen highlight 住咁。

6月中,香港大學教育學院教授謝錫金進行一項測試,對分別就讀普通話班同廣東話班嘅雙胞胎進行研究,結果顯示,以廣東話學習嘅細佬中文能力較好,大家紛紛話一定要推翻普教中。呢個研究,係如果個家庭本身係講廣東話,問題係,香港學生就黎變少數民族,蝗語家庭數目好似大陸股市咁,只可以升。大陸學生先係大多數,香港學生應該包容D,接受蝗語教學。

 

沒有最灰,只有更灰。唔只學生,老師都係大陸人…

講返大學同學飯局,除左聚舊,餐飯係慶祝另一位大學同學考到政府工,唔洗再教書。呢位以前任職中學老師嘅朋友,經常都話喺band2, 3 學校教,學生成績唔會進步好多,但見到學生處事上有成長,其實好有滿足感。咁點解要走呀?教育工作者畀大量行政工作,合約制教師位,同埋不停改革嘅教育政策打沉,有心教嘅都唔教,你說悲不悲哀?咁邊個教?香港教育學院,語文教育嘅海外生,全部都係大陸生,大家放心,佢地會全面填補香港教師嘅空缺。

我笑呢位搵到政府工嘅大學同學,既然佢仲留戀「以生命影響生命」嘅工作性質,政府工根本唔啱佢,不如再去考懲教處嘅獄卒,既係政府工,「以生命影響生命」嘅工作性質亦唔需要改變。佢話:「我唔想坐監呀」

 

PS. 普教中嘅推行,預見將來又一批學生成為香港教育嘅犧牲品。我都係experienced犧牲品,附上2014年一篇舊文,畀大家細味下我喺香港教育下中過嘅伏啦。

 

《「我玩你,因為我愛你」,教育局仲唔係愛到我欲罷不能》

 

 

作者:姐死姐還在

姐死姐還在
我叫奴隸獸,任職大公司極小職員,日日比阿姐政治迫害,深明「姐姐不盡」的真諦,以「你睇我唔到⋯⋯」為每日工作目標。 「姐死姐還在」fb page

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 111185
Date: 2015-07-13 21:17:12
Generated at: 2021-06-16 16:14:02
Permalink: https://www.vjmedia.com.hk/articles/2015/07/13/111185/比普教中更震撼嘅「鄉下話」