【天津大爆炸】【天津大爆炸】拍攝者手機被衝擊波彈開！＃多角度整合版＃昨晚2330分左右＃天津發生大爆炸＃第1次爆炸震級ML約2點3級相當於3噸TNT黃色炸藥＃第2次爆炸發生在30秒後震級ML約2點9級相當於21噸TNT＃爆炸產生強大衝擊波＃截至目前醫院已收數百名傷者傷者人數仍在不斷增加想知更多新料、猛料？即上 http://www.peanutsdaily.hk
Posted by 花生日報 Peanuts Daily on Wednesday, August 12, 2015
天津大爆炸，咁多條生命被摧毀，有人性嘅人都會覺得傷心，對此我都深感遺憾。網上對捐唔捐錢有好多唔同嘅意見，你問我嘅話，我會答：捐，一定捐！
好多人都話捐咗錢去中華人民共和國係畀水共產黨官員 cap 架，去唔到災民度架！外國勢力都說三道四啦 ！嗱，我唔係話共產黨冇 cap 水呀，我堅信有添！咁你會話我做乜叫你掉錢入黑洞？
嗱，計我話，要中華人民共和國繁榮穩定呢，最緊要嘅係：第一，係做官嘅食得飽著得暖，第二，係發展。
嗱，你一日唔畀飽暖佢地班官員，佢地又邊有心力同你辦事呢？莊家食夾棍係天經地義架嘛，你去葡京玩都要畀錢莊家架啦，佢地收番行政費好應該架喎。
而家中華人民共和國政府日日都同你地講發展發展，對佢地嚟講，最重要嘅發展體現係咩？GDP 嘛！地方政府成日都拆新嘢起更新嘅嘢，咪就係為咗 GDP 囉！大爆炸呢件事雖然不幸，但而家變相一炮過拆咗好多好多嘢，重建工程真係有好大 GDP 潛力架！有發展，有數據，外國勢力仲夠膽說三道四？
做完哂呢啲嘢，仲有錢剩嘅，偉大嘅共產黨自然就會救災架啦，形象工程好重要 der！
為咗中華人民共和國嘅經濟數據，為咗偉大嘅黨，我地梗係要唔食飯都要捐款啦！中華人民共和國萬歲！世界人民大團結萬歲！
【遊戲新聞】Bug 助你速通拿S+ 《生化危機 4 重製版》狙擊槍土遁大法輕鬆越過鎖上的門
當女朋友仲鹹濕過自己
Pokémon朱/紫！發掘古代，超越未來！訓練員進入開放世界！
女神新標準出爐！毒燃唔可以唔識嘅5位隱藏版女神MULCE
我在孤獨中找到了快樂
真正愛對方，唔好晚晚傾電話
2015年8月14日
