你估我唔想被人中出咩?!

政治 / 最新文章綜覽

 

呢幾年每次同人討論會唔會生仔,我都係答我點都唔會生,然後啲長輩就會話你而家仲細,過多幾年你可能會變呢。我想講個問題根本唔係我心態會唔會變,而係如果個社會唔變,你叫我生個小朋友落嚟,姐係要我睇住佢受苦。如果只係一心為左有仔送終,同埋想享受睇住個小朋友長大嘅滿足感,我覺得成件事真係好自私,因為我睇唔到下幾代點樣可以好幸福咁生活喺香港。

 

你有同細路補過習就會明白而家佢哋有幾咁慘,日日放學唔係補習就學呢樣學果樣。你可能會話,咁我唔做呢啲怪獸家長咪得囉,我想講,就算你唔逼佢,學校都會逼佢,社會都會逼佢。我呢代讀小學果陣邊有咁多人補習,啲功課咁鬼簡單自己做晒佢都完全無問題,仲有多餘時間打機睇電視。但係而家啲小學為左谷爆班學生,啲功課真係又多又難,如果老豆老母都要返工,無人教,個小朋友真係會搞唔掂,所以先越來越多人請私補乍嘛。除左讀書辛苦,喺香港升學仲越來越無保障,你睇而家幾多蝗蟲落嚟香港爭學位?過多十年可能每間大學都有一半學生係蝗嚟咖喇。

 

呢個年頭喺香港生活已經荒謬到極,過多十年二十年睇怕只會更加荒謬。土地供應問題、樓價狂升、中港融合、官商勾結、黑箱作業……更加令人興奮嘅係,好多老屎忽仲係覺得呢啲問題唔係問題,以為香港前景無限。大佬,我呢代份糧已經遠遠追唔上生活指數,爆房都嫌貴啦,你仲叫我交租?叫我儲首期上車?叫我生?點生呀?一家n口住喺邊呀?邊有錢買奶粉呀?邊有錢交學費呀?其實有無錢都未必係重點,而係你叫我製造一個小生命,然後叫佢喺將來面對一個比而家更令人無奈嘅環境,唉,我真係做唔出喇。

 

 

作者:婷欣

婷欣
你好,我係風月亭亭長:)

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 113953
Date: 2015-08-19 15:52:30
Generated at: 2020-10-30 10:11:33
Permalink: https://www.vjmedia.com.hk/articles/2015/08/19/113953/你估我唔想被人中出咩?!