國務院應譴責國際足協干預中華人民共和國內政?

政治 / 最新文章綜覽

FIFA 香港

 

喺香港主場球迷喺對卡塔爾嘅比賽開賽前,狂噓義勇軍進行曲後,就知道一定有手尾跟。當然,就如我所料,一眾愛(中共)國份子,會大罵啲球迷喺廢青,唔愛國之類。不過,呢兩日傳出話FIFA又要大發神威去調查時,我就覺得好奇怪,因為FIFA應該只會調查球迷喺比賽中對「對方球隊」嘅不君子行為(例如歧視,吐口水,又或者掟樽呀,暴動之類)。自已狂噓己方歌等於自打一拳,何罪之有?FIFA調查,我只可以有以下兩種完全相反嘅理解:

 

(1)喺FIFA眼中,義勇軍進行曲係香港隊國歌(嗱,先戴頭盔,我唔認同㗎),咁香港球迷就只係對自己政府不滿,唔會喺歧視行為,咁其實無嘢可以做。更重要係,就好似尊貴嘅田二少議員所講,我哋班香港球迷反對一國兩制。如果係咁去解讀,我覺得田議員同其他親中共議員,甚至骨子裡愛國大中華嘅泛民,就應該要去國際體育仲裁委員會,甚至去聯合國投訴FIFA。點解?據中共一貫做法,呢啲叫「海外勢力對中國內部事務說三道四」,要教香港球迷去愛中共嘅呢啲重要使命,一定要留返愛國愛港嘅各位賣港諸公去做!

喂,你班友重唔去聯合國投訴,重唔叫中共國務院去D7 FIFA,就真係好衰仔。再唔快快去做,我就學左膠下戰書啦!

 

(2)如果FIFA真係查,咁個理據即係義勇軍進行曲係外隊國歌,亦即係唔係香港隊嘅國歌喎。咁咪即係變相承認香港同中共係兩個個體?唔明呀?八九六四屠城走犯吾爾開希出選台中立委政綱 ~ 修改憲法承認中華人民共和國,即係承認中華民國再無共匪治區主權呀喂。嘩!咁即係話FIFA係曲線認同香港係被打壓、侵略、殖民嘅地方,唔承認中共對香港嘅主權,對於一眾城邦派,歸英派,港獨派嘅兄弟嚟講,呢啲國際體壇一哥嘅背書,真喺多謝都嚟唔切啦。

宜家班中共港共不遺餘力去吹話雞打鼓叫FIFA去查,真係唔講得笑。人哋吾爾開希依家都仲係得個講字,但FIFA一開快勞查,就等如吾爾開希當選跟住响立法院動議。你中共港共咁鍾意FIFA查,真係主動「分裂中國」啦。

既然FIFA曲線撐港人,我哋亦應該禮上往來,喺十一月主場對中共時,好有禮貌咁聽樂隊為中共代表隊奏義勇軍進行曲,甚至禮貌地拍手添,廢事被中共代表隊有口實投訴。

 

不過….

 

當樂隊為香港代表隊奏義勇軍進行曲,我就提議全場show港英旗,唱God Save the Queen去抗衡。點解?第一,咁做法就係一大巴車去中共同港共塊面,落盡佢面;隨時啲元老級嘅中共同港共會受唔著呢啲刺激去見老毛投訴…….。第二,係人到知呢首係前宗主國國歌,所有海外傳媒,無論識唔識廣東話,都知我哋反抬,你話幾好,幾直接呢。

當然,我知唔係人人接受到唱God save the Queen,左膠一定話要唱「今天我」,城邦派又實話要唱「城邦要戰勝歸來」,不過你要諗諗,喺strategic 角度,後兩首歌對一般外國民眾,係唔識亦唔明背景,你用God save the Queen去表明反中共,係最直接收到。各派合作一次吧!

 

毛定石亦明白好多人會講原則,咁不如就咁,唱呢個特別版 God save the Queen嘅廣東話歌詞:

「個個揸著個兜,踎晌天星碼頭,等吓就有…..」

唉,話時話毛定石第一次聽呢個版本時係90年代,重有天星碼頭…. PK港共,我 XXXXXX。

 

作者:毛定石

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
歡迎讚好我們的facebook page,免費資訊源源送上。

文章資訊

ID: 115722
Date: 2015-09-11 20:06:24
Generated at: 2021-06-14 11:40:50
Permalink: https://www.vjmedia.com.hk/articles/2015/09/11/115722/國務院應譴責國際足協干預中華人民共和國內政?