睇完Sugar baby,我想FREEZE復出…

FREEZE

 

真係畀Sugar baby嚇到我個心離一離…

我見素顏天使同彌敦道九號同埋好多好多人都share一條Sugar baby嘅片,睇完真係嚇死我,以為好似韓國咁,用「幾個英文字母加數目字」做組合名,就認唔出係四個MK妹,個MV就好似某一個夜晚,喺旺中其中一個位拍咁,四條女喺條咁窄嘅走廊,頂手頂腳落club左右fing ,我真係寧願睇麥兜表演un腳。

 

睇完Sugar baby,我想FREEZE復出…

可能有D年紀細嘅朋友仔唔識FREEZE,佢地係2007年出道嘅一隊三人女子跳唱組合,佢地走嘅路線,就係葉玉卿嘅路線。喺呢個「懷緬過去常陶醉」年代,咩人都可以復出,阿舜都可以起死回生,聽到人慾仙慾死,我真係好想FREEZE復出。

 

實不相瞞,我個kkbox 一直都有download佢地D歌,我…幾鐘意佢地…

 

※ FREEZE其實早過周秀娜賣性感

其實佢地幾有創意,當時個市場的確係冇賣性感嘅女子組合。廿幾歲嘅twins,cookies,2R,HotCha路線都係扮pure 扮true,扮青春。而FREEZE係好直接地賣肉。

 

※ 其實佢地幾賣力架

當年中大千人宴照例都會請明星,請親明星,唱片公司都會送un星表演,好似請吳浩康就會送泳兒,請朱咪咪就好似送喬寶寶,當年唔知請左邊個,送左FREEZE來。佢地嘅表演真係好賣力。後來當日做工作人員嘅同學仔話,FREEZE為左更性感,用界刀界爛對絲襪,一個校園show佢地都博盡。

 

※ 而其實佢地唱同跳都幾好

老實講,佢地D 歌幾好聽架喎,當年佢地都有搵到陳奐仁,林曰曦做歌。又點解我咁留意佢地,因為當年佢地首《情場大後備》作曲嘅係我家姐嘅朋友,佢特別推介。

 

但好可惜,想當年,佢地得到嘅負評,應該多過梁烈唯…

FREEZE其實同Wonder Girls同少女時代同年出道,但佢冇韓妹捱到咁耐,當年大家對佢地嘅負評大部份源於佢地3個都有整容,正確D來講係,3個整完容都唔係太成功。子黃話隆胸幫到你搵工,似乎當時嘅社會真係太天真太傻,觀眾唔願意接受坦白承認整容嘅歌手,但今日又覺得少女時代個個都一樣樣,堅稱冇整容冇問題。

 

PS. 我見到有人comment話Sugar baby紅硬,一定唱片大賣。林曰曦當年作畀FREEZE個首《踩鋼線》,其中一句係「維持自家觀點,給大眾踩,難避免」,可能Sugar baby畀人踩下踩下真係會紅。真係覺得香港地而家愈來愈包容,只要表演嘅人有勇氣出來表演,就算「旁人從不贊同,連情理也不容」,就算佢幾唔掂都有掌聲。咁…等睇Sugar baby紅館開show 啦。

再PS. FREEZE嘅石詠莉今年推出唱片,對於佢嘅堅持,佩服佩服。

 

 

作者:姐死姐還在

姐死姐還在
我叫奴隸獸,任職大公司極小職員,日日比阿姐政治迫害,深明「姐姐不盡」的真諦,以「你睇我唔到⋯⋯」為每日工作目標。 「姐死姐還在」fb page

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 116126
Date: 2015-09-17 11:03:52
Generated at: 2021-03-01 02:24:51
Permalink: https://www.vjmedia.com.hk/articles/2015/09/17/116126/睇完sugar-baby,我想freeze復出