而家搭港鐵,日日都要過五關斬六將

我覺得,只有不坐地鐵的人,才會二分地說「年輕人」Vs 「婦孺」(不一定老弱,有很多自由行阿姐們不知幾強悍有力)要讓座,之後解釋,就說「係網上講另一方意見」會被「批鬥」。有些事情,再說就悶。青永屍個friend做生意咁叻,咁簡單既野,點會諗唔到?

Posted by 健吾 on Tuesday, September 22, 2015

 

港鐵係每日最多香港人使用的公共交通工具。曾幾何時,香港鐵路係質素的保證,安全、方便又準時,所以好多港男,過左三十歲都寧願繼續「依賴」港鐵,無懼被人笑「可憐」。但近年來,港鐵服務質素每況愈下,乘客每日搭車都好似要過五關斬六將,甚至搵命搏咁,但車費就年年加,學生妹想帶舊樂器返學都要被罰,認真可憐。

 

唔係講笑,而家搭港鐵,真係要搵命搏,可以話係每日都在生死之間徘徊。港鐵乘客就如同紅白機入面的馬里奧兄弟,需要避開晒各種陷阱、過五關斬六將先可以抵達終點咁,真係一步一驚心呀。首先,第一關要面對既係「列車の延誤」。朝早起身出門口,你明明計好晒預岩時間,但港鐵每個月都總會好準時咁定時定候出現故障,令你遲晒大到。就好似今日咁,千幾人塞晒響個九龍塘轉車站,大堂仲要冇冷氣,如果冇食早餐的話,響咁焗既環境下真係隨時缺氧暈低。當然,有人一定會話「鬼叫你唔預早D出門口咩」﹖係囉,最好每日預早三個鐘頭出門,咁就無論港鐵點故障法都唔怕啦係咪﹖

好啦,到你響車站逼完十幾廿分鐘,終於可以入閘後,就要接受第二關「電梯の考驗」啦。港鐵的扶手電梯每年大大話話都有幾百宗事故,近年更有上升趨勢,呢個星期就連續發生左兩單「炒電梯」事故,其中一條電梯,仲要係三日前先檢查完,轉過頭就出事了,你就知港鐵D例行檢查幾咁「嚴謹」啦﹗照咁睇,大陸電梯「生吞」路人悲劇,在香港發生都不會是夢。

又假設你「日日運動身體好」,特登唔搭電梯走去行樓梯啦,終於去到月台。下一關,就係「月台の挑戰」了。講左咁多年,港鐵都仲未響月台全面加裝閘門,而響繁忙時段等候列車既乘客偏偏就好似東非大遷徙的牛羚呀、斑馬咁,爭先恐後下墮軌機會真係唔可以話係零。而如果閣下咁不幸被幾個「血濃於水的大陸走私同胞」一個唔覺意咁撞左落月台下面,而又咁唔好彩遇上由大陸駛來香港的「不停站列車」的話,估計你的命運同唐狗「未雪」一樣,車未毀但人必亡。

 

就算上到車都仲未叫做安全。而家港鐵買左大量大陸製列車,早排先話斥資60億向中國南車購買93架大陸列車,將會「全面取代英製列車」。「中國製造」,學成蟲話齋會爆炸,你懂的,咁日日搭大陸車會發生咩事﹖咪等於日日都響度玩緊俄羅斯輪盤咁囉。最離譜既係,大陸列車唔見得係最平,家陣港鐵係用高價買次貨,而買貴左既價,最後當然又係攤分返響你同我既頭上。

呀,都仲未計大陸自由行同走私賊的「拖喼の攻擊」、「碌腳の攻擊」、「屎尿の攻擊」添。唔好睇小呢D攻勢呀,日日咁樣精神折磨法,真係人都癲呀。有時入到車廂,咦點解地下一灘水既﹖仲有陣壓味既﹖又或者諗住做下廢青搵個位坐下啦,點知一坐低,頂﹗軟淋淋既﹖原來而家D大陸自由行已經進化到會響座位上大便咁誇張,教你防不勝防。咩食杯麵、講野太大聲呢D相比之下已經係微不足道了。就算俾你搵到個好位坐,都仲要驚附近有明報記者會影你相擺上報紙公審,對你進行「人格の謀殺」添呀。

過完一關之後,仲需要提防遇上無法估計的「無差別の斬人」呢。無錯,我知道今日單斬人事件唔係無差別既,但城門失火都會殃及池魚架嘛。每日港鐵月台上、車廂上有咁多人,張炳良又講咩車廂內要「一平方米企六個人」,萬一出現斬人事件,乜你覺得會有空間俾我地逃走咩﹖台灣自從鄭捷之後,捷運都出現過十幾單斬人事件,萬一香港有冷血暴徒有樣學樣,響港鐵上大開殺戒,車廂內又塞滿乘客同貨物,會唔會出現大規模傷亡,甚至會導致人踩人慘劇呢﹖

 

所以話,而家搭港鐵,真係要過五關斬六將先得。你搭完一日,可以全身而退冇少到一條頭髮已經算係執到,仲想要求有「賓至如歸」的服務﹖請你記住,家陣唔係「港鐵服務緊港人」,而係「港人服務緊港鐵」。若非如此,又點解釋到「港人年年進貢港鐵,但港鐵仲用咁高高在上的姿態來統治你班蟻民」的現象呢﹖

 

作者:Lunyeah

Lunyeah
一個喜歡歷史和抽水的80後網絡憤青。 專做廁所考據、愛寫遊戲文章、亂評影視作品。

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 116449
Date: 2015-09-23 12:53:30
Generated at: 2022-08-11 20:18:12
Permalink: https://www.vjmedia.com.hk/articles/2015/09/23/116449/而家搭港鐵,日日都要過五關斬六將