喺 Facebook loop 嚟 loop 去幾幅圖，唔係雪櫃就洗衣機 ?
《100毛》的演員，用緊單反相機拍片，車站助理嘅同事誤會咗佢地有許可證，而指示佢地繼續搭升降機。同樣，喺馬鞍山綫月台，負責看管月台門的外判公司員工，亦因為呢個理由，打算協助佢地上車，尤其喺安裝月台門後，排隊方式有唔同。我地亦會同港鐵爭取，為外判公司的員工，訂造新製服，避免乘客在有需要時，揾錯咗求助對象。
身為影子的鐵路公司溝通渠道，我地喺 10 月 2 日（星期五）帶同健吾 、鐵路迷會 MTRiders、聚言時報 Polymer、 輔仁媒體、 北區水貨客關注組等朋友，到上水站參觀「附例特檢隊」的執法情況。幾位與健吾傾談良久之外，我地都在區內進餐，討論《運載行李條件》於過去 10 年一直收緊的原因；以及一但同時修訂《香港鐵路附例》（即香港法例的一部分）後，北區居民對大型物品可合法登車的憂慮。
現將當日部分的討論筆錄下來，希望可以與大家分享這個小型「慎思日」中，我地的回應為何。
詳盡內容於健吾的９０３國民教育
健吾與《輔仁媒體》總編輯容樂棋
：「聽講你地叫港鐵故障 … ，點解要針對故障呢樣野 ? 」
「港鐵故障消息」乃由與港鐵有關的人士、職員、乘客，針對每發生事故，傳訊混亂兼緩慢發起的 Twitter ，官方係無呢類溝通渠道嘅。
團隊成員都是一群追求香港自立的年青人，早前列車出現簡體中文廣告時，都有既定立場，向管方表明必須尊重香港的價值；遮打革命期間，同事雖吸入催淚氣體，仍繼續傳回現場消息，及後更於佔領區設營並建有風力發電機。
：「聽你地講呢，今日陪同我地做訪問嘅同事，好似好有感受」
「港鐵故障消息」一向都係支持香港自立的團體，所以今日受訪的同事，曾自願離開鍵盤，喺中國遊客利用鐵路運貨的高峰期，自願到上水站執行附例，阻止行李體積不合格的乘客入閘。可以話係每日都會失聲，亦要與「賴死」嘅中國遊客車輪戰，都係好辛苦。但身為香港人可以擋住中國化，值得嘅
：「港鐵嘅行李政策係點，你地話大型物件影響好大 ? 」
喺之前《輔仁媒體》的文章都有提及。我地今日特意喺火炭站起程，好容易見到東鐵綫的月台空間狹窄，乘客只要攜帶了大型行李，差不多已完全堵塞通道
：「喂之前古箏件事呢，個女仔好慘慘豬呀，俾人圍住」
我地都解釋過「客務快速應變隊」的編隊方式。而大圍站大堂其實無「暗角」，將乘客帶去光猛的位置，亦有利其他乘客監察，以及讓閉路電視可以全程錄影，日後若案件需呈上裁判法院，乘客的權益可獲保障
當日出現「光復行動」，即水貨高峰期之時，大量的中國遊客利用列車運載貨物，正因為車站職員嚴格執行附例，最終令水貨集團放棄乘搭列車，而改為與的士司機合謀，或改用其他交通工具過境前往中國，
尤其是馬鞍山綫沿綫的水貨活動，正因為大圍站同時有多個部門的職員執法，令水貨客知難而退。因此我們對他們的努力表示贊同，並希望可以起示範作用
正如有人亂過馬路，當捉晒本來的違法者之後，就會到新的違法者遇上執法人園，這是幼稚園學生都會明白的
「港鐵故障消息」同樣為支持香港自立的團體，但我們十分擔心為何香港人會自己先不守法，卻要求對其他人執法，放棄公民社會的素養，而求倒退至「小農 DNA」的標準
：「但我搭機場快綫又點算呢 ? 佢地免費轉港鐵一樣會將過大的行李帶入嚟 ? 」
於《運載行李條件》並不適用城際列車及機場快綫上。果時我地喺上水站做嘅時候，如同車務營運主管-東面及北面網絡李聖基先生所講，係有少量酌情－港鐵乘客如果出示到 Boarding Pass 等證明，而物件並非嚴重影響安全，例如堵塞通道，都容許乘客上車，但要由職員確保佢地到南面駕駛室，原用作行李託運的空間
：「好多人都話監察大型行李入閘係港鐵的責任 ? 」
車站職員同樣屬專業鐵路人員，職責是維持鐵路運作，他們不是保安，私隱專員公署亦曾去信港鐵，關注閉路電視設置問題，密集式監控暫且未能做到。車站職員的人手，自兩鐵合併以來，一直只維持最低的編制，一但有員工請病假，可能已經會令部分客務中心關閉。
同一時間，香港不是中國、菲律賓等第三世界國家，除粉嶺、上水、羅湖、落馬洲站有由前紀律部隊人員組成之「附例特檢隊」外，各車站出入口均不設持槍警衛把守，乘客亦毋須通過安全檢查，便可隨意進出車站，車廂內同樣沒有專責人員，緊盯每個乘客的舉動。
唔需要話西方國家咁遙遠，單講你好熟悉的日本，佢地好多車站甚至係「無人站」，亦有委託車站唯一間 FamilyMart 賣飛嘅「簡易委託管理站」，無理由香港唔係「向優」，而要「向劣」吧 ？
私隱專員建議，監察人流用的低解象度閉路電視
鏡頭、鍵盤不能阻止現實事件發生，如同下圖例子，即使德國漢堡是外國數一數二的先進城市，火車車門遭人自製磚牆封至「沒頂」，但欠缺舉報之下，「犯人」仍然可以安然動手。
香港人由 80 年代「民主回歸」論提出時，已座視不理。所以今日如果可以培養到公民監察，大家都識出聲，最終可以將力量變成反對入境政策，咁係最好嘅。
：「見到熱狗真係 …」
至於早前一些在網絡流傳的事件，大多都有杜撰成份
香港的視障人士均手持紅、白色相間的手仗（Cane），而弱視者的「標記手仗」 的顏色亦是一樣。原本發文的網民已將文章刪除，我們未能向他 / 她索閱更多當時事發時的資料，但從這幅相片可以見到，乘客手持的杖棍是黃色，即可伸縮的行手手仗
而且，視障人士的視力比一般人相差很多，觀看事物時難以對焦，唔會喺車站職員量度其物品時，如常人一般注事物件。不論鄰國遊客抑或香港乘客，蓄意挑戰《香港鐵路附例》者，而主動要求量度行李體積之事亦不為罕見
由此可知，如同較早前有人聲稱於鐵路範圍內飲水，卻即遭罰款的事件一樣，純屬杜撰；圖片攝得乘客的手杖並非紅、白相間，但仍有人稱之為視障人士，更可謂有違常識
由港鐵公司管理的公眾地方
又例如有人在觀塘站表演一事，
當中的範圍屬「由私人管理的公共空間」，港鐵公司亦已設置告示，表明該公眾範圍由《香港鐵路附例》所監管，車站職員或其他執法人員，均可以執行《香港鐵路附例》。鑑於香港係一個法治社會，地權誰屬並非由違例者口講就成事
先不論事主 Hinry 於 9 月 28 日（星期一）接受傳媒訪問時，曾講及自己參與《中國聲音》，事發時（即是在車站出口指示旁表演時）情緒亦不太穩定；法律面前人人平等，不可以話因為 Hinry 並非小販或其他的聚眾行為，就可以爭取特權，與別不同地容許佢地喺抵觸《香港鐵路附例》下演奏
亦不可以一邊使用港鐵公司維護的設施，自己就一邊犯法
現時香港並未有像倫敦地鐵一樣，發牌予演奏者表演，喺未爭取到許可前，先遵從法例要求，先係一個公民社會應該發生嘅事，而非小農 DNA 行為
事件中，觀塘站的職員召喚警察到場，確定鐵路公司可以執行附例的範圍，而 Hinry 最終亦需要離開。若佢認為自己係完全正確的話，可以「公民抗命」等候拘捕或自首，然而佢無咁樣做。事主若有不服亦可以投訴涉案的警察，或提出私人傳票控告港鐵公司及警務處，甚至尋求司法覆核（入稟原因為涉及公眾利益），以澄清問題
否則，車站將毋法豎立方便乘客的指示，寬頻檔可繼續阻路，清潔無人維持，設施損壞亦無人維修
：「喂會唔會話因為水貨客幫港鐵搵錢，所以就放生呢 ? 」
乘客若攜帶大型行李，而由車站職員請佢地離開車站，因違例者未完成車程的關係，一般都唔會收番車費
而我地見到自 2009 年開始，粉嶺、上水、羅湖、落馬洲站的車站設施亦有改動，以便由附例特檢隊（由有紀律部隊經驗人仕出任）執法
車站職員不論成功 / 未成功執行附例，亦沒有 scorecard 去量度他們的表現，所以不會因此決定是否進行檢控
：「果四幅圖我都有澄清有一格唔係香港，咁其他應該係啦掛 ? 」
我地希望大家 loop 嚟 loop 去都係果四幅圖片之餘，可以身體力行去上水站「督軍」，自己了解下是否咁差
喺網絡上見過好多次果四幅圖片，場景部分唔係港鐵車廂，部分甚至車廂內仍未換上港鐵公司的標示，即係昔日購買行李票後，可以付錢了事將巨型物件運入車廂的年代
而下圖則本為針對不滿禁止交收的聲音，喺「古箏風波」前的星期六影的，可以見到：
如非果啲有紀律部隊經驗的「附例特檢隊」隊員，喺閘口執緊法，盡力阻撓緊中國遊客將唔符合規定的行李帶入閘，係唔會塞人塞到要等候接近 10 分鐘先可以搭到車
：「金金對今次事件的立場，真的好尷尬，如支持是自打咀吧，如反對是不近人情…..一日最衰係大陸人 」
喺現場我地見到，中國遊客攜帶大型物品企圖挑戰《香港鐵路附例》時，均表示所携之行李皆為「生活用品」
的確，包裝內多是牛肉、電器、紅酒、龍蝦或日用品如紙巾枕頭等。正好說明若今日由民粹成功爭取修例，將生活用品破天荒詳列於條文之中，他日車廂只會合法地貨滿為患，不能按法例拒絕中國遊客入閘
法律面前人人平等，不可以話經非理性判斷後，特定群體就可以爭取特權，與別不同地容許佢地抵觸《香港鐵路附例》
若好像那位不習慣香港口音，將「there」聽錯「dare」的香港管弦樂團首席大提琴手鮑力卓先生建議，可用附加費了事，只會向水貨集團大開中門，更會犧牲條例保障乘客安全的原意。我們相信，香港不是中國一部分，用錢息事寧人，不是香港所想的
：「但係樂器可以豁免？」
法律面前，人人平等。要人守法，必先自己同樣守法
如上述，攜帶大型行李進入鐵路範圍，乃違法行為，不論針對之物品為何。事實上，條例於過去 10 年均不斷收緊容許之行李體積，目的乃阻止車廂中越來越多的大型物件，減少滋擾並以策安全
現時，港鐵的行車綫大部分皆為都市捷運（Metro），而非近郊火車（Sub-burban railway）。對比世界其他都市捷運系統，香港所面對來自中國的水貨問題，乃獨一無二，因此有嚴格的條文，亦無可厚非
另一邊廂，據香港法律第 230A 章《公共巴士服務規例》所定，巴士乘客的行李不可以超過 0.1 立方米。可見同樣是法定要求，但巴士對行李大小的規定更為嚴格。因此，我們未能理解港鐵為何有義務接受大型物件，亦不認同有人因平日攜帶大型物件難以出行，因此借機爭取港鐵為他們降低標準
當年的單車團體，分別兩次成功向九廣鐵路公司、香港鐵路有限公司爭取乘客可攜帶單車入閘，原因是他們作出讓步：「摺車」必需摺起，唔係「摺車」的就需要乘客自行拆除車輪，確保單車不可以於月台或車廂內移動。但我地唔見得樂器可以折斷一半，以減少其體積。
同時，由於目前規管行李體積，乃法定要求。香港經多年英式制度的洗禮，條文不可倒退回「奴隸時代」，將違例者按民粹、人種劃分其處理方式。又由於法律條文不可將受管制的物品一一列出，若有人想為自己的方便而爭取特權， 並列入豁免，同樣不可能
：「唔少拉喼走私客都博大霧經一樓入閘….. 雖然見到港鐵方面係有做野，但漏網之魚都唔少？」
如果大家同我地可同心協力，爭取港鐵爭加人手，當然係最好。但執行附例的人手增加咗，粉嶺、上水、羅湖、落馬洲的乘客，入閘時可能要等候更長時間。
歸根究底，條例生效的最近十年來，只有不斷收緊容許之行李體積，皆因來自他國的大型物件過多。香港人於 80 年代支持民主回歸，令今日失去入境控制權，小圈子選舉的特首，可代表香港人接受「自由行」等「送大禮」措施。真正治本之策，乃眾人參與公共事務，推動香港重光
加設「行李車廂」亦絕不合理。道理等同香港漸多中國移民，我們應該增設普通話社區，還是將他們於香港重光後，有秩序遣返中國 … 抑或由現在開始就拒絕他們入境？
今年中秋節當晚，亦即是 9 月 28 日（星期一），我們第一次搭地鐵到堅尼地城飲早茶。飲茶前梗係要嚟一嚟我地住過 2 個月嘅金鐘，反正奶黃月餅細細件，方便携帶。
回想成立的初衷，係合眾人之力即時發佈故障消息，亦要肩負教育乘客的責任。昨日為回饋佔領區、鞭策鐵路能源政策，我們憑著勇氣建立風力發電機；呢份勇氣亦都鼓勵我地今後繼續迎難而上。
詳盡內容於健吾的９０３國民教育
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2015年10月4日
