李天命好似加藤鷹?

文教 / 最新文章綜覽

李天命

 

曾經有朋友話過李天命個樣好似有三分似加藤鷹,大家都係憑住金手指,包括思方金手指,打出一片天。香港地,唔係讀哲學嘅,都會聽過李天命嘅名。早十幾二十年前,好多人一講起哲學就會提起李天命,李天命就算後來開嘅通識講座等,都係坐無虛席,坐到上台,企到去門口,一票難求都係為咗一睹呢位香港著名哲學家嘅風采。亦曾經聽過有人慕李天命之名入哲學系。

 

李天命代唔代表哲學?梗係唔代表「哲學」作為一門學術嘅意義格!作為一門思想、學術、學科,當然係無一個人可以代表到,因為學術、學科係一種形而上嘅思想黎。

 

每一個哲學家,任何一個業界嘅任何一個人,肯定都只係代表果個業界一個好小嘅片段嫁咋喎。但係喺果個業界出色,當然係比起其他業者更有代表性啦。

 

李天命作為某界別舉足輕足嘅人物,佢當然可以揭示到果個界別嘅人喺今日嘅風貌。正如李輝、李國章、盧寵茂加袁國勇,佢哋都可以大約揭示到今日大學學界某些現象,某些當權者嘅風貌格!但唔影響其他學者有自己嘅取態、立場與風骨嫁喎。

 

推廣哲學時就用李天命做例子去代表哲學,而家就反面唔認人?龍門飛咗去邊?嚴謹思辯?知行合一去咗邊?

 

如果連一個「業界翹楚」都唔可以話有代表性,咁咩人先有?一個仲讀緊嘅學生?一個讀完後已轉埋行嘅畢業生?定一個半途出家之後去山卡拉地方教下書就叫自己教授嘅人呀?

 

作者:林非

離經,不欲縛於經書舊說,欲自成一家自成一經。八十後,以追求人生自由之道為己任。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 117440
Date: 2015-10-05 15:28:22
Generated at: 2020-06-05 17:38:29
Permalink: https://www.vjmedia.com.hk/articles/2015/10/05/117440/李天命好似加藤鷹?