蕃茄•炒•蛋

 

就憑呢兜蕃茄炒蛋,呢個女仔已經娶得過,儘管這餐飯的成年人每日蛋白質攝取量超標,膽固醇含量偏高,不過攤勻一世嚟講其實對健康冇影響嘅。

她娶得過,因為她滿滿的香港精神。

如此劃時代的創意,蕃茄、蛋、落鑊、炒,貨真價實,如此成品完全符合商品及銷售說明條例,君不見多少幾十年來始終如一般唔得的販賣民主鬥士,要民主冇民主,跟他們談政綱講選票,他們就幫你扣帽子「熱狗」「X建聯B隊」「𠝹票害民主(黨)」,呢間黑店寫乜冇乜,尚且生意興隆永續社混,小姐炒錯蛋,咁又點喎?

選舉為了有能者居之,呢班反民主的人卻炒「民主」概念股經年而面不改容,他們的民主,猶如阿女朋友呢兜蕃茄•炒•蛋,如果你以為有茄有蛋有埋鑊鏟等於蕃茄炒蛋,少年你實在太年輕了。

她犯錯,最少肯俾男友影相,尋求各位花生朋友專業意見,錯要認打要企定,但那些鳩噏民•主幾代的人,卻還在推諉人民尚未視其為主,信民主,黨得永生,阿門。

至於奇女子炒蛋炒出花生,不是她的錯,一定係男友冇教、都市閒情冇教、李錦聯冇教、方太冇教、May姐冇教、家政堂冇教、老師冇教、老母冇教、老豆冇教、社會冇教…… 反正千錯萬錯,一定係別人錯,正如某些名字是民主的黨的神奇頂級超卓見解,反他們是錯、不投他們是錯、蛇齋餅稯是錯、市民唔了解民主黨係市民錯、乜乜物物傘兵撞區𠝹票係挑戰者嘅錯…… 總之民主黨就唔會錯,民主喎,有票投喎,蕃茄喎,炒蛋喎,你班草民想要嘅嘢全部齊哂,佢哋冇做錯到。

那位上高登求助的巴打應該擴闊對「蕃茄炒蛋」嘅想像,烚蛋炒蛋,咪又係蛋,食住先,冇乞衣,香港人精神,有食唔食罪大惡極,古語有云「分手以後冇蛋食」,膽固醇過高?咪通波仔囉,蛋白質偏高?射咗佢咪得囉。

有得食,真係唔食?

正如深耕細作白鴿菁英的聖諭,投他們的一票就是神聖,投給其他人或組織就是邪惡,紅黑紅紅黑就係咁簡單,呢班人以為Good old days 就是Good today,廿幾年前他們揹住隻白鴿去做議員,扯着民主的旗,打橫瞓喺度都贏,四年逢一閏,你有你嘅公民社會幻想以為投票選賢能,我有我嘅議員酬金道德光環民主花瓶,逢場作興嘅嘢,大家將就體位嘅啫。

有票,梗係要,反正食蛋嘅人唔在乎口感,投票的人也不介意做個樣俾街外人覺得「香港」仲係香港,有乜所謂呢?

嗯,原來一碟蕃茄•炒•蛋,足可參透港事玄機,師父明白了。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 118573
Date: 2015-10-20 13:30:18
Generated at: 2022-01-19 07:01:04
Permalink: https://www.vjmedia.com.hk/articles/2015/10/20/118573/蕃茄•炒•蛋