白崇禧（右）與蔣介石（左），攝於國民革命軍北伐期間（公有圖片）
（當然，歷史有被簡化同濃縮過，我無可能係呢度打一本書出黎嘛）
中共係廿幾年間，由幾十人最終取得天下。
畢竟佢地輸左之後，無攪過一周年紀念呀嘛。
反而係殺左幾個膠人領袖，弱肉強食，內鬥輸左就要死，仲大鑊過俾蔣介石活捉。
叢林法則，最終出黎既都係心狠手辣既幹鍊之人。
反觀蔣介石，只要係自己人就盲撐到底，唐生智一個人衰幾多大鑊野？當日南京係佢主動話要死守，點都要撐三個月，但日軍一黎佢就自己一個人拋底支軍隊著草，南京人連逃亡既機會都無，南京大屠殺佢都有責任，其他衰野多到數唔晒。
結果佢仲可以有機會帶住軍隊去投共，一夜之間湖南全省和平解放。
當然，中共背後有蘇聯，但點解美國佬唔信蔣光頭可以帶領未來呢？
畢竟美國佬親眼睇住立左戰功既軍隊有乜野待遇。
打破日軍必勝神話，最早取得勝利令抗戰有機會打八年既，係新桂系既兩廣三十萬健兒，屌那媽頂硬上呢句名言，當然無可能係袁崇煥講啦，根本就無咁詳細既史料，呢句話係出自新桂系兩廣健兒之口。
日軍差少少有一支精英小部隊俾裝備同訓練都差無雷公咁遠既兩廣軍全滅，除左令國軍相信場仗有打贏既希望，亦令日軍如夢初醒，知道場仗無想像中咁易打。
然後呢？李宗仁被派到去後方唔知做乜，白崇禧變成參謀總長，留係重慶，一生都受嚴密監視。
寂寞的十七歲，就係寫呢段有如犯人既日子呀。
其他好似馮玉祥個班都一樣。
而無戰鬥力，逢戰必潰既黃埔軍就領晒所有戰功。
到內戰爆發，國軍又俾同一班出錯過無限次但都被蔣光頭原諒既將領害死。
李宗仁同白崇禧打算退保兩廣，再轉入雲南以圖恢復，雲南個支孤軍，入左緬甸之後，係全無補給下幾次獨力擊退緬甸，仲有餘力反攻雲南，打到桂林旁邊。
後黎國府出賣佢地，佢地離開緬甸轉進泰緬金三角地區做毒販，幾個國家聯手夾擊都打唔贏呢支無補給既軍隊，後黎泰國招安，佢地二話不說就滅左泰南班馬共，轉個頭又滅埋泰北班苗共，取得泰國政府既承認。
如果由兩廣健兒同呢支軍隊聯手，係中國軍神白崇禧既率領下，當時桂系仍然控制住雷州同海南，海上可以同台灣聯手封鎖整個南中國海。
但大台會點做？
旺角個場唔係大台打既，所以要撤！
海南島唔係黃埔軍打既，雖然中共無辦法威脅到海南島，但國府命令海南島立即撤退至台灣。
邊個衝邊個就係鬼，所以大台主動交人俾警賊。
泰緬孤軍咪就係咁俾國府連續出賣幾次囉。
因為一切威脅到大台既雜牌軍都要消滅呀。
因為既然黃埔個大台已經出現左，就要服從大台既領導，唔係國安局班督察會交你出去架！
所以美國放棄光頭，係好合理既判斷。
邊有得贏呀？
【遊戲新聞】Bug 助你速通拿S+ 《生化危機 4 重製版》狙擊槍土遁大法輕鬆越過鎖上的門
當女朋友仲鹹濕過自己
Pokémon朱/紫！發掘古代，超越未來！訓練員進入開放世界！
女神新標準出爐！毒燃唔可以唔識嘅5位隱藏版女神MULCE
我在孤獨中找到了快樂
真正愛對方，唔好晚晚傾電話
2015年10月22日
