窮人含撚,中產含菌

 

(photo via cc Flickr user Kelsea Groves)

(photo via cc Flickr user Kelsea Groves)

 

其實關於養育孩子,我好怕啲人用資本主義下嘅中產基層方式去斷論,然後就單方面感嘆中產真係太過有優勢。呢個「太」意思係隱含咗基層有「唔抵」嘅含意。

香港而家窮人含撚,中產含菌,係大路嘢黎,香港而家你無六位數月入,真係唔好同人講你搵到吓食(佚名(好似係),2013)。以前基層比而家容易上公屋好多,多得大陸人,今日要等耐好多。好多左膠呢個時候會鳩叫,話大陸人不知幾少云云,真係笑話。政權被移交以黎大陸落香港嘅人以百萬計,政策有無做相應配合?無,係將香港人資源分埋畀佢哋,咁想分得到都難啦。我已經唔同你講應唔應該收咁多大陸人,姑且當你係「人口增長」去處理,政府係無新思維去處理呢個問題的。

 

講遠咗,呢個時候我又不免會覺得,香港原來好多人真係未窮過,食米唔知米貴。我成長嘅年代,父母都要返工,返兼職,獨留子女在家,係好普遍嘅事,你落公屋公園行個圈,周圍都係小朋友跑跳追逐,周山跑,大把。我自己父親就係多年來一星期返足七日工嘅,公屋環境裡面父母雙職,甚至父母夾埋有四職嘅,比比皆是。

咁點解而家咁覺得窮人比以前更慘?講真,一方面係因為獨留子女在家變咗罪行,我唔係話條條例唔好,本意簡直係崇高,但實行起來點做先得格?你有無足夠嘅托兒服務先得格?唔係畀幾舊水果種喎,係免~費~果啲喎,有無吖?而家又生得少,無兄弟姊妹「守望相助」,窮人家庭可以點做?而且,以前你做得多真係搵得多,養係唔成問題。有啲嘢大家要搞清楚,窮人都有窮風流的。你唔可以狗衝食海鮮,咪去食時令嘅細魚囉,你買唔起最貴嘅豆苗,你咪買平啲嘅菜芯囉。甚至有好多啲人諗都諗唔到嘅智慧,簡單如買餸行遠啲呀,等收檔買呀,講價呀,點滴涓流,其實窮人都有窮人生活辦法,我好怕啲人用一種好中產嘅眼光去睇窮人,然後就驚呼「嘩乜你咁慘」,其實本身佢可能唔係啲中產眼中睇得咁慘的。

 

我唔係話今日窮人唔辛苦,絕對唔係,窮人一向都好辛苦,而家仲要拉到「中產」都好辛苦,成個香港生活得好折墮,係事實。今時今日好多問題,都係由於政策推出係無任何配套配合,同時大家又夾硬要喺生活上做多好多嘢,例如補習,而家風氣上變咗必須咁。

 

作者:林非

離經,不欲縛於經書舊說,欲自成一家自成一經。八十後,以追求人生自由之道為己任。

閱讀後覺得好,請多多讚好及分享~:)

其他熱門文章

  • 有時真係不得不佩服鄭松泰。 by 白木乩
    他很清楚知道,泛民主派在議會入面做的事,先不論抽空來講有無意義,因為這個不重要,重要的是,可能支持鄭松泰的選民,即是上述投票傾向屬於非建制、非泛民、非左翼社運的選民,會怎樣看待泛民主派的所謂「議會抗爭」,熱血公民的支持者,一定是不齒泛民,泛…
  • Gel 甲嘅女仔唔係人人受得起。 by 毛言地
    會Gel甲嘅通常都會係依幾個類型之一:蒲開、飲開、玩開。當然如果你都係抱住今晚有酒今朝醉嘅心態,或者你自問你能夠食住依幾類型嘅女仔,你要去馬緊係冇問題;不過如果你自問係個情竇初開小男孩,或者夜晚十點就眼瞓或者唔飲得嘅,Gel甲嘅女仔對你嚟講…
  • 結婚太久,激情不再? by 朱利

    JJ與老公拍拖3年,結婚10年,育有一子。兩夫妻每日各自返工放工,生活早已平淡如水。…
  • 【三十零歲大悲咒】友情 by 法印
    友情,點都放唔低,長駐最後一位,變成心入面嘅刺。三十零歲嘅友情,就係無咩時間可以理友情。除非你有返下教堂做下義工,又或者咁睇唔開去搞政治。 如果唔係一個月根本無咩機會見到所謂嘅朋友。友情對於開始踏入半中年嘅一個佬,就好似食西餐果陣俾對筷子你…
  • 做PTGF,做到同事幫襯你 by FAKE 文青
    那天我穿了低胸白色的連身裙,站在 1131 號房前,我同自己講:「加油,做一晚仲好搵過我OT一個月,我OT一個月係無OT paid架。」…
  • 真正既泰妹係點架? by 尼克。泰國。流浪看
    有一種戇鳩,叫泰妹。不是說所有泰國女生都戇鳩,就剛巧尼克認識的好像都蠻戇鳩。泰國妹到底有沒有傳說中的溫柔?那就視乎你們關係有多親密。越親密越溫柔嗎?對不起沒這回事...…
歡迎讚好我們的facebook page,免費資訊源源送上。

文章資訊

ID: 120011
Date: 2015-11-09 17:38:12
Generated at: 2020-06-07 04:31:38
Permalink: https://www.vjmedia.com.hk/articles/2015/11/09/120011/窮人含撚,中產含菌