老屎忽,總係自以為是?

(photo via cc Flickr user Kevin Steinhardt)

(photo via cc Flickr user Kevin Steinhardt)

 

 

睇完篇文章《你出手咁低我咪hea 做》令我想起另一個fresh grad 普遍遇到既情況。好想同大家分享,對於文章部分內容我非常同意, 因為畢竟一個fresh grad 岩岩出來社會做野,好多野係做得未夠好。好多野經驗真係好重要,呢一點從來無人質疑過。Fresh grad有時真係普通到寄封信都會寄錯,因為唔係生於一個寄信既年代。可能你會覺得好amazing ,不過我地玩緊既三國殺,stop the bus你都唔知咩來啦,係咪先?我只係想講每個年代接觸既野都唔同,唔識其實好正常。但好多時老闆或者老屎忽因為個fresh grad 寄錯一封信,講到成間公司既人都知,仲要講到都唔知讀大學,讀來做咩等等既侮辱句子,你覺得一個fresh grad 聽完會真心反省我讀大學讀來做咩嗎?咁你就錯啦,佢會唸你有無腦,讀大學唔係教我寄信LOL。(再加心裡面100句粗口),結果大家個心都唔服,你叫我地點合作落去呢?所以我一入來就唸住要點轉工。我收份咁既人工,做D咁既野唔係一個最大既問題,最大既係我收份咁既人工,做到無哂尊嚴絕對係一個大到不得了既人生問題。講得出咁既說話既大有人在,老屎忽個一代人成日都咁比人罵,但你地確定所有人都鐘意咁既方式?古時都有因材施教啦,返工可唔可以make sense小小,唔好成日用以前你比人小到無哂尊嚴對我地呢一代呢?

我地讀既大學唔教我地寄信,因為真係唔期望我地出來日日係到做寄信既工作,呢D 會唔會留比其他專才呢?其實咁簡單既野你叫我做一兩次真係好無問題。但如果你叫我日日夜夜咁做,我唔知道我係當中學到咩野?你可以勁到話訓練緊我,不過呢個理由無幾個新一代會服到五體投地。你大可以請個中學未畢業既去做,點解唔請?因為出一樣既價錢你寧願請個大學生做。呢個就係問題lol 。由一開始老闆你個心已經想佔便宜啦。對於大學生,本身你叫佢地做呢D 野已經係一個好大既衝突,見工個時你有無講明原來佢份工日夜要幫你貼信封呢?宜家好多時老闆要請大學生,然後叫佢地做D 同學歷無關既野,本身就係踐躇我地呢一代。

 

好多時候職場老屎忽往往都忘記左自己當年幾咁無知,人係比較善忘既。每個人都有錯既時候,fresh grad 真係好fresh, 如果你請佢就唔該比多少少愛心好好咁栽培佢地,令佢地他日可以獨當一面,而唔係令佢地對呢個社會無哂感覺。唔想再有呢個惡性循環,老屎忽不如先由你地做起,對fresh grad比多少少包容啦。鬼唔知fresh grad 好煩咩 ,如果唔係你都唔會比個咁既價佢啦。

以前既fresh grad 係好重視人工,你比個咁既價我咪hea 做。呢個野岩到無得輸。不過今時今日,如你地所講我地呢班自命清高,搞學運,講理想既年青人,你地覺得區區萬頭係我地在意?咁你地就太睇小宜家既年青人,佢地唔使比家用,唔使養家。份人工只係for 去旅行,唔去旅行唔會死,除非你比到十萬一個月,如果唔係個萬頭既人工真係唔會點影響到工作既表現。除左錢其實fresh grad係一班仲講緊理想未被社會現實打擊既造夢者,佢地重視既係老闆上司既尊重同重視。岩岩出來社會做野唔係話期望要立即擔正大旗做大事,不過會期待有日可以做大事而唔係日日係到貼信封。老屎忽想比D壓場比fresh grad ,但係你地可唔可以先停一停,唸一唸,呢個方法係咪真係Work呢 ?以前個套你地確定仲用得返?係你地天真定fresh grad 天真?既然大量貼信封如果係一D 小到無得小既野,點解唔可以比其他更合適既人去做呢?你花咁既錢請個大學生其實係為左比佢知道其實讀完大學係要做呢D野嫁?老屎忽你當年都咁比人折磨?對於唔少老屎忽成日話自己當年都係咁比人罵,所以宜家對我地呢代已經算好啦,由你講呢句個刻我已經知道我地同你地當年一樣,都係過住無尊嚴既生活,但我最唔明白既地方係原來我地經過幾十年思想都係無進步過!個人真係唔同意宜家班老屎忽想法,呢種想法完全係唔想比新一代有出人頭地既思想,你誠實D 問問自己 ,其實心底裡面你地多少都好怕新一代取代你地個位嗎?定係你根本無一個宏大小小既唸法呢?

將「唯才是用」呢句獻比所有老屎忽!!

 

作者:一粒塵

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
歡迎讚好我們的facebook page,免費資訊源源送上。

文章資訊

ID: 120700
Date: 2015-11-17 19:41:05
Generated at: 2021-06-14 11:34:44
Permalink: https://www.vjmedia.com.hk/articles/2015/11/17/120700/老屎忽,總係自以為是?