受惠於本土意識擡頭,港男港女價格急升

情愛點滴 / 最新文章綜覽
(photo via cc Flickr user LASZLO ILYES)

(photo via cc Flickr user LASZLO ILYES)

 

早前有人話何必花幾百萬娶港女,之後好似俾人屌到開花。但其實回想幾年前,同一句說話可能已經換黎幾千個正評,呢個情況同一d政客、時事評論員一樣,講同一句說話今日隨時俾人屌到匿埋係網臺飲泣。

多年前,港中矛盾未見激烈,曾經有一位巴打打住「反港女」既旗幟,造成一時熱話。當然呢個某某發起既快閃行動最後只有佢自己一個係銅鑼灣街頭上演,最後柒到一個點,但係佢帶起既話題一直縈繞住香港呢個地方,撕裂左唔少男女關係,同時締結左好多「港中婚姻」。

隨後一個女性論壇大肆還擊,又引黎一班巴打加入混戰,沒完沒了。當時流行一套講法:「拎係香港媾女既錢返大陸叫雞,咁做人會快樂好多」、「媾女為乜者?屌西之嘛!過左河唱人仔明買明賣簡單直接!」

由於我無流連果個女性論壇,我唔係太留意當時女性既講法,大致上都係話外國男人比較浪漫云云,總之兩大陣形講既都唔係咩好說話。

 

兩性交戰,處於亂世既我當然留守係男性陣營睇下各巴打偉論。就大概係由當時開始,已經萌生一種思潮,就係返大陸娶個「廠妹」、「村姑」,既聽話又保證係處女之說。隨後更加興起「越南熱」、同「東歐熱」,真係「東京熱」都要行埋一邊。

認真,我唔知當時有幾多巴打中伏「沉船」,但我相信當年有好多港中婚姻係係呢個社會氛圍下發展既,至少我現實生活入面,都有幾個舊同學同呢d大陸妹結婚生仔。

話說回來,今日有人提出同一個論調:「娶大陸妹先係精明消費者」,但此一時彼一時,俾人屌到反艇!證明本土意識擡頭。今時今日兩性關係似乎漸趨平和,可能係雙方都開始厭戰,又可能接大家都接受左買樓上車好難既事實,更可能係好多人開始明白共同回憶、共同文化、共同語言既重要性。

至少,我見到港中足球大戰中好多女性為香港隊打氣,認識到乜野係「共同敵人」,本土思潮似乎越受壓迫越入屋。

其實結婚同買股票一樣,無論男女都好你寧願買一d過去幾十年日日財經報導都聽到既大藍籌多d,定係用「滬港通」買d唔知幾時會支爆既國企多d?哦,如果你話越洋買美股多d我又明播,正如才子話齋你只係「崇優」你相信歐美世界既「監管制度」。但係如果你買大陸國企甚至貪平買二三線股,我勸你都係瞭解下國情睇下「中證監」係點樣運作先為妙喇~~~

 

作者:犁牛

犁牛
80後,著老西呃飯食既9upper FB page:http://www.facebook.com/mudcow2

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 120793
Date: 2015-11-19 04:43:12
Generated at: 2022-07-07 03:16:02
Permalink: https://www.vjmedia.com.hk/articles/2015/11/19/120793/受惠於本土意識擡頭,-港男港女價格急升