【誰鎅誰的票?】青政三撞區總得票多過白鴿

政治 / 最新文章綜覽

 

比較要全面D,我明白既。今次區選,青年新政同民主黨撞左三個區,泛民就係咁插青政鎅票,由選前插到選後。其實青政一早有反駁過民主黨的說法,以下姑且引述一段今年11月3日《蘋果日報》的報道:

『青年新政指已多次回應「撞區」的問題,但民主黨「儼如寂寞老人絮絮不休」,強調青年新政決定挑戰現時的9個選區,現任議員全部屬保皇黨,「這叫鎅票嗎?」他們指,要斷定誰鎅誰的票,要分清時序,舉例指青年新政周世傑於2015年1月已經在堅摩社區宣傳防流感,民主黨冼卓嵐則於2月才加入民主黨;又如青年新政黃俊傑於2015年5月成為長安社區主任,並開始該區的工作,民主黨何志偉至9月時依然連相片都沒有,「這是誰鎅誰的票?」』

好啦。先後次序呢D就暫且擺埋一邊先。區選大局已定,如果用結果論,邊個得票更多呢﹖好多人話,青政搞到白鴿「冇左兩個議席」,睇返票數又好似有D道理喎﹗響大南區同堅摩區,青政+民主黨的票數真係剛剛好多過建制少少喎,比如堅摩區,兩黨加埋有1910票,比當選的民建聯多51票。大南區呢,就加埋會有1568票,比當選的民建聯多144票。咁係咪代表如果青政唔出選堅摩區同大南區,民主黨就會勝出呢﹖咁又唔一定喎。須知道青政走溫和本土路線,跟民主黨定位唔同,民主黨點可能食得晒青政D票﹖你估真係小一數學題1+1=2咩﹖堅摩區民主黨都只係多青政二百票咋,兩者相距唔算大,雙方根本就係爭持激烈,冇話邊個鎅邊個。

而且最重要既係,如果將兩黨響呢三個撞區的總票數相加,就會發現青政得票係838+606+1467=2911;而民主黨的得票就係1072+962+554=2588。喂﹗青政反勝你民主黨323票喎﹗即係每區平均多你107.66票﹗你民主黨落區又遲過人,呢三區得票平均又少過人,你地做咩走去鎅青政D票呀﹖鎅票真可恥呀﹗

 

作者:Lunyeah

Lunyeah
一個喜歡歷史和抽水的80後網絡憤青。 專做廁所考據、愛寫遊戲文章、亂評影視作品。

閱讀後覺得好,請多多讚好及分享~:)

其他熱門文章

  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 大埔浸信會借 Nick Vujicic 籌款事件補充 by Do Chan
    聚會的定位是「佈道暨擴堂籌款」聚會,這一點是令很多人勃然大怒的。我猜想,其實主辦方並不是想非信徒買票聽福音,他們的目標其實是教會內的富貴會友,他們買票捐錢給教會,教會還以阿 Nick 親身講見證,本意是想雙贏,但結果卻釀成公關大災難。敝教有…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 121242
Date: 2015-11-26 15:57:00
Generated at: 2022-08-09 06:04:09
Permalink: https://www.vjmedia.com.hk/articles/2015/11/26/121242/【誰鎅誰的票?】青政三撞區總得票多過白鴿