交多D家用俾「後父」去家暴自己,傻的嗎?

 

當呢個政府已經爛到可以亂告被打少女「以胸襲警」、濫告遊行人士非法集結、話記者採訪係遊蕩既時候,竟然仲有人支持立一條灰色地帶相當大的網絡廿三條,變相擴大政府的執法權力,令香港市民更加動輒得咎。

另一邊廂,明知呢個賣港政府唔會好好善用市民的公帑,只識得起大白象工程來利益輸送同明益大陸的時候,竟然仲有班自稱「反政府」的人主張大家要交多D錢俾呢個政府去搞一個佢地心目中的理想退休保障計劃,完全無視呢個政府只會利用你地的同情心去進一步剝削市民、配合大陸用人口溝淡香港、繼續輸送利益俾基金佬的殘酷事實……

打個難聽的比喻,即係有個人日日被一個毫無血緣關係的所謂「後父」家暴,轉過頭竟然仲支持要交多D「家用」俾呢個所謂後父去使,自以為可以迫佢好好利用呢筆錢去照顧自己阿公阿婆,其實個後父拎完筆錢就返大陸嫖飲賭吹。你咬佢食呀﹖呢D叫愚孝呀。

到底呢班人係精神分裂定係純粹智力低下呢﹖乜佢地真心以為呢個政府真係會願意按你們的良好願望去搞一個完善的退保計劃咩﹖答案係唔會呀﹗佢只會借退保呢個幌子去補貼大陸老人架咋。你見到政府建議果個乜野「八萬資產限額」就知啦﹗幾十年後我地呢一代有供強積金的人有幾多個會得八萬資產呀﹖咪得D審查唔到既大陸移民最容易符合資格囉﹗整個基金,另一方面咪繼續益D基金經理囉﹗咁你仲唔明佢地打緊咩算盤呀﹖

至於你地有咩良好願望都好,除非你有能力趕走而家呢個賣港政府,上台執政去實踐自己的宏圖大計,否則你無論提出乜野無敵方案都好,都一定會被佢扭曲到體無完膚、搖搖欲墜為止﹗你諗下,革命黨會唔會建議清政府開徵新稅去扶貧扶老呀﹖直接推翻左佢先再講啦多鬼餘﹗杯葛交稅都黎唔切啦,點會支持供多D款俾佢呀﹖係咪痴線架﹖

講到呢度,一定又有人會話,「哇﹗你個極右法西斯,咁講法不如取消晒公屋、綜援、生果金、免費教育丫笨﹗」拿,我都估到你地一定會打稻草人架啦。網上有邊個反對「學者方案」的人建議過呢樣野呀﹖我見唔到喎。乜反對「變相開徵新稅」(唔好再語言偽術啦,將部份強積金轉去退保基金本質上就係開徵新稅)就會自動等如「支持削減福利」﹖老屈人都要有個譜丫﹗我就好簡單既,而家香港政府D錢,就係不義之財,現有福利唔駛減,但小市民的稅就絕不能再加﹗響呢個政府一日未有民主普選之前,不論係執法上定財政上,我地都唔應該支持加大佢的權力,而係應該諗盡方法去削弱佢的權力、減少佢可以用的資源,咁先可以避免佢施行更多為害市民的暴政﹗

所以我地應該點做﹖你有乜野長遠計劃,唔駛向現屆政府建議,多鬼餘既,現階段只應加大壓力,逼政府還富於民,全民回水,位位一萬﹗我寧願拎返D錢自己做「全民建國基金」,都唔要交俾呢個垃圾政府去管理同分配呀﹗明未呀﹖

 

作者:Lunyeah

Lunyeah
一個喜歡歷史和抽水的80後網絡憤青。 專做廁所考據、愛寫遊戲文章、亂評影視作品。

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 123204
Date: 2015-12-25 18:53:08
Generated at: 2022-08-11 19:15:53
Permalink: https://www.vjmedia.com.hk/articles/2015/12/25/123204/交多d家用俾「後父」去家暴自己,傻的嗎?