鄉議局班廢老,以為反完佔中就會有人保你套丁咩?

政治 / 最新文章綜覽

HK HeungYeeKukNewTerritoriesBuilding.JPG
HK HeungYeeKukNewTerritoriesBuilding” 由 Chong Fat自己的作品
使用來自 维基共享资源創用CC 姓名標示-相同方式分享 3.0 條款授權。

 

前幾日睇新聞,鄉議局班撚人話要人大釋法保套丁,今日就有人JR 丁權,事情發展真係令我聽完真係三隻蝦,蝦蝦蝦。

先利申,原居民子弟,不過我冇丁屋。

外人成日以為做原居民好好啊,有丁屋,但我話俾你知,唔係個個有jer 嘅原居民都會有丁屋「分」咁正。係,每個原居民會有「丁權」,即係佢有權去起(自己出錢)一幢有大小限制嘅丁屋,但前提係佢條村有地。即係話,條村冇地,你就得個權,冇得起,最多你啲濕鳩鄰居賣丁屋著草時你可以免補地價買返佢。理論上,你可以申請政府俾地你去起,但好似我老豆咁,佢當年十八歲入紙,排到佢依家年過半百,我就就grad,都冇批到地過佢起樓,所以你可以當「政府俾地」呢樣野唔存在。

 

鄉議局無能,在於一班鄉紳只顧自己個人好處,出賣一眾鄉民集體利益:大部分荃灣、葵涌同青衣等等已高度發展嘅新市鎮並冇地俾原居民起丁屋。而班鄉紳喺到做乜鳩?有冇幫手爭取過?有冇示過下威佔過下地盤馬路?冇,簡直連左膠都不如。不過佢地好忙,忙住投共,忙著反佔中,仲要係戇鳩到自己仆埋去反,貼出嚟反。你話反佔中對原居民有冇好處?冇架其實,啲原居民村喺曬新界,班廢老走出港島認唔到路,分分鐘有啲一年走出自己條村都唔知有冇十次(認真)。不過,鄉議局中大把人就覺得,走出嚟反佔中,就自己利益大有好處!

鄉議局濫用原居民之名,走出嚟投共反佔中,當中一部分係投機者:為左佢地自己喺大陸同香港嘅生意會有人照,或者表忠誠博有日昇官發財發達,眾鄉愿大多為後者;一部分係冇腦嘅「愛國者」,九七主權移交後盲目親建制,覺得自己係正統中國人要愛國愛黨愛政府(我都唔知有咩關係),我細個時都俾過佢地荼毒。兩者都有共通點,就以為自己玩緊政治權術好把炮,但樣樣都係係一廂情願,根本唔知自己做緊乜,亦唔知道政治就係交易。

鄉議局可以同特區政府交易爭取鄉民更大利益嘅機會好多,好似梁振英上台時民意低要人出聲撐、東北、反佔中等等?但係,班鄉紳就係次次錯失曬所有交易機會,只要以為「只要我貼過嚟,你就會投桃報李」咁天真,又反佔中,又喺諮詢會打人,鄉議局班廢老就顧著自己盤數,結果?鄉民利益被出賣,梁振英要連任時咪搞鳩你班牛屎佬谷民望。

你班新界佬要反擊啊?對唔住喎,反佔中個排你地蠢到貼過嚟反,個個都同黑社會埋曬手,依家人地有曬你班新界佬啲黑材料,個個條jer 都俾人捉住,反咩抗?依家仲白痴到話要人大釋法?你咪玩啦,你估北京要保個有利用價值嘅特區政府,定係保你班條條jer 都喺曬我手嘅牛屎佬?

 

丁屋呢家野我不寄厚望,可能過幾多年丁權都會俾政府收返。丁權,原本係英國佬對新界人嘅安撫政策,喺主權移交後已經失去意義同價值,仲留得到係人地唔搞你住,但亦唔代表你deserve。啊新界佬,人大釋法?普選都俾人大整左個假嘅出嚟啦,你又何以會有咁大自信你玩得起啊?

我預祝長洲郭先生JR 成功,亦希望班白痴廢老快d 人大釋法,等班鄉民乜都冇時如夢初醒,知道自己俾班撚屌鄉議局成員呃左幾十年,憤怒吐血身亡。BTW,政府唔使狂(客家話,解唔洗驚),你已經掌握曬班牛屎佬嘅黑材料,佢地惡唔起,最多留喺元朗打爛幾枝藍妹,仲會有班愛國老人叫啲細嘅唔好搞事,要聽政府的話,做個勇敢中國人。

 

利申:有得套丁會即套去外國讀書。

 

再爆料:應該有人問點解好多原居民村冇煤氣,事實係因為鋪煤氣喉要夾錢,所以好多村民都費事俾。以我條村為例,當年好多村民都藉口「煤氣好易爆炸」嚟逃避,無視煤氣帶來的方便、改善生活質素、燃料選擇同對物業租金的提升,短視程度可見一斑。

 

作者:亂臣賊子

亂臣賊子

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 123480
Date: 2015-12-30 04:11:57
Generated at: 2020-03-30 05:56:25
Permalink: https://www.vjmedia.com.hk/articles/2015/12/30/123480/鄉議局班廢老,以為反完佔中就會有人保你套丁咩