綁架李波,絕對唔係小事

政治 / 最新文章綜覽

 

 

呢篇文係直線文,係一巴車埋去嘅一種。

我首先要對銅鑼灣書店五位被失蹤嘅負責人嘅家屬表示慰問,因為呢件事已經係越來越離譜,所以毛定石又要掟石。

 

銅鑼灣書店到今日,已經有五個人,係五個人失蹤。之前一個喺泰國,三個喺深圳,當時已經有人將矛頭指去中共。

Well,入深圳嘅風險(無論政治,人身安全同健康,哪,唔好諗衰嘢,我係講同食物有關嘅健康風險,唔係講風月場所),大家心裡有數。泰國….我唔敢亂講嘢。不過,香港,香港嘅風險係有得計:政治,只要你唔係黃絲,風險有限;人身安全,都叫OK,唔多會聽到有人用愛滋病針或者用槍指著你話打劫;至於健康,你信政府話飲用鉛水同蠟青水,同埋食污染咗嘅中國食品都無事嘅話,就無需要驚。

不過,早兩日呢單綁架李波,就唔係小事。

 

首先,李太話老公無帶回鄉卡都可以被帶入中國,咁即係話,一係就用非法途徑送佢出境(用大飛?放入車尾廂?定係幫佢做多張回鄉卡?),一係就係香港政府隻眼開隻眼閉放行,無論邊種方法,都係好恐怖。

第二,呢種係屬於特工手法。差不多40年前喺香港其實發生過,就喺北韓特工先喺淺水灣捉走當年南韓女明星崔銀姬,之後再綁架稍後到香港調查嘅崔銀姬前夫申相玉。聽講當年駐港嘅MI6,CIA,同埋香港皇家警察政治部一眾伙計,全部被照肺,話點解咁柒,可以被北韓特工喺香港亂嚟。簡單講,呢單嘢反映出中共同北韓喺有得輝,真係難兄難弟;更重要嘅喺香港變咗個無掩雞籠。

當然,你可以話:我無得罪中共呢個方丈,唔使怕。我哋當無事,舞照跳,馬照跑,咁就無事一樣啦!

 

咁講,如果有日班中共特工喺香港一得閒就用呢啲方法,「邀請」啲已經被取消又或者無回鄉卡黃絲,甚至啲反共政客入去協助調查(你有無睇早兩日報紙講話中國有條新反恐法呀,老友!);又或者當啲愛國藍絲喺中國同人有生意爭執時被「邀請」去飲杯茶食個飽時,你唔好同我講後悔啦。

 

總之一句:唇亡齒寒。

重有呀,唔好話我唔提你,到高鐵做一地兩檢時,可能高鐵就會變成「令你消失的密室」!

 

作者:毛定石

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
歡迎讚好我們的facebook page,免費資訊源源送上。

文章資訊

ID: 123763
Date: 2016-01-02 21:38:15
Generated at: 2021-06-14 11:02:40
Permalink: https://www.vjmedia.com.hk/articles/2016/01/02/123763/綁架李波,絕對唔係小事