嗰日之後,中學同學聚會我都唔敢抬起頭望住入左中大港大既朋友……

 

公有圖片

公有圖片

 

一年一度中學雞聚會,又到那年夏天各散東西嘅朋友各自演嘢嘅時間。

 

這邊廂入咗港大果幾個就當然繼續型棍子,繼續講港大n個風波,有一個做埋學生會嘅仲串,係咁吹自己當日英勇衝入校董會鬧李國X嘅事。那邊廂中大果幾個即刻出聲:「我地今年成功推翻左膠SU!」,我心諗你贏L曬喇!果然,大家聽到都不禁高呼「今天我…」,妖!以為咁就完?CityU果幾個仲串,講緊歷史性倒閣事件,的而且確倒閣嘅震撼性係型到我濕曬…對眼,果種「呀媽我得咗喇!」嘅畫面又浮起。

 

「咦?Peter仔,你果間『教~~~大~~~~~』好似都無學生會喎,唔通又推翻咗?」Shit,真係燒到過黎我度,唉。

 

「佢……佢地唔夠票。」我用前所未有咁細既音量講出黎。「唔夠票?唔夠贊成票啫~~」媽的,我真係想有咁簡單。

 

「其實…係唔夠人投票。」

 

吓?!~~~~~全世界望我嘅眼神即時變曬。「你唔係選舉助理咩?點解會唔夠人投票?你講!」呢一刻,我就好似一個犯人咁,比所有人圍住我追問。

 

「點解無人投票?」「因為無人願意投囉!」

「係唔係投唔落手,支莊太廢呀?」「因為無人願意投囉!」

「咁又唔投反對票?」「我都話因為無人願意投囉!你地仲想問我幾耐呀!」我真心發火。

 

***********************************

 

全場靜L曬。人人都比我嚇親。

 

「我都唔L明教院班人諗緊咩,一係就唔L關我事咁,一係就等人地投就算。平時得閒無事就鬧學生會唔做野,「學生會不代表我」,到你可以投票兼兜口兜口鬧9班學生會果時,就人人變龜縮。最低25%投票率要求好高咩?高得濟又無人投票,低得濟又話我地放水又話不代表我乜乜物物,最叻味又係留係電腦前面上Secrets求其鬧!」我班同學以為我傻咗,係咁叫我收口冷靜。

 

今年聚會,就咁就完。我真係唔敢再同人講我係「教大」學生。呀,Sorry,都係叫返教院喇。咁嘅學生質素,我懷疑連「升格」大學嘅資格都無!

 

***********************************

 

正經post:

第23屆香港教育學院學生會選舉,只餘下最後一日投票期,即2016年2月24日(星期三),投票地點為C-LP 近 Pacific Coffee。學生會基本會員有約6800人,按《學生會幹事會及編輯委員會選舉守則》第十六章當選資格:

  • 第一節:每項選舉的投票人數,必須超過全體基本會員人數四分之一,該項選舉方為有效。

  • 第三節:倘只有一內閣參選時,則投信任或不信任票或棄權票,如信任票為投票人數二分之一或以上,則屬當選論。

即是次選舉最低投票人數必須達1700人或以上方為有效。而直至今日(2月23日)的投票人數為:

約500人

約500人!

約500人!!!

很重要所以要說三次!

這樣的投票率,對得住自己「大專學生」甚至「大學生」的名義嗎?

 

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 127435
Date: 2016-02-24 02:57:55
Generated at: 2021-12-09 05:12:01
Permalink: https://www.vjmedia.com.hk/articles/2016/02/24/127435/嗰日之後,中學同學聚會我都唔敢抬起頭望住入左