代糖夫人遊記:去蒙古認祖歸宗

 

夫人作為一個有國際視野既小資,去旅行來來去去都係英國法國德國果啲,點顯示到我既distinctive taste呢?於是其中一站就去左蒙古既首都烏蘭巴托。

大草原風光果啲野就梗架喇,不過烏蘭巴托唔係有錢就去到,你最好識得寵寵寵韓文。作為一個黃種人,去到果度,最好就扮韓國人,點解?因為蒙古人好憎中國人架,你地都知蒙古呢啲地方,小國寡民,班中國蝗蟲去到果度,唔使好多已經會搞到烏煙瘴氣,咁咪有極右反中法西斯囉。

香港人去到蒙古,一時三刻又點講得清九七以來有幾多痴心錯付、滄海桑田,一下子又點講得明白夫人都好支持你地打柒啲蝗蟲呢?

所以扮寵寵寵都係安全啲。

住果度呢,就係啲殘舊少少既旅館,係果度算酒店架喇。有次同個蒙古叔叔傾起計黎,咁佢就識講英文既,出過去見識果啲,都係著普通衫——佢唔係成個成吉思汗咁款既,好心你地幾十歲就唔好咁多幻想。

夫人問佢,知唔知邊度係香港,個阿叔話,知道呀,依家俾中國吞左呀嘛。夫人都未答得切,佢就係度恥笑中國,話明明佢地祖先打左入去中國,強姦中國啲女、搶哂中國啲錢,搞到中國啲人係蒙古人既帝國裡面變左三四等人,但係中國人之後反而將蒙古帝國當成左中國既朝代,話蒙古都係中國既一部份,係度話自己打到去意大利,好威。

佢就話,自古以來,中國都係蒙古帝國既一部份,自從明朝之後,中國都係搞緊獨立,但蒙國人係唔會承認中國有咩主權,中國自古以來都係蒙古帝國既領土。

夫人作為一個有歷史常識既高級知識份子,就話,咁你地蒙古個帝國都瓦解左啦,之後中國人咪自己建返國囉,有咩理由俾你屌過一次,就永遠都係你既人?結左婚都有得離婚啦,何況係強姦既?

蒙古阿叔就話:

「阿嬸,妳唔好當我唔識野,我地好留意中國架,唔係邊有得恥笑,香港有好多人心裡面都想獨立,中國佬同香港人都係咁講者,話香港自古以來都係中國一部份。中國咁多個『朝代』,係咪其中一部份統治過香港,就代表其他朝代都係襟兄弟,可以屌?

咁蒙古曾經屌過中國,我地就永久擁有中國既主權架喇。你話秦朝擁有過香港,就係自古以黎?咁都係秦國者,同你依家中華人民共和國有咩關係?既然係咁,咁點解蒙古帝國擁有過中國主權,中國就唔係自古以來屬於蒙古人?拿拿拿,我地係反對中國人搞中獨既,就算搞左幾百年,中國都唔可以否認歷史架。我地咁憎中國人,都係因為佢地反骨,忘宗背祖。」

根據香港班政客同埋官既講法,香港人係中國人,但係中國人原來都係蒙古人。咁呢個思路,原來夫人都係蒙古人,雖然果時大家都係講英文,但原來大家都係蒙古人,「內蒙古」係蒙古既「內地」,中國係蒙古既「內內地」——原來一直以黎中國人叫自己做「內地」,係有原因架﹗原來骨子裡大家都無忘記毛己係蒙古人﹗

誤打誤撞之下,夫人原來係返去「回歸蒙古」,認祖歸宗。果時望住烏蘭巴托果個成吉思汗像,夫人心裡面諗,若果我地唔係蒙古人,咁我地係咩人呢?係我地既基因裡面,每一樣野都係同蒙古血脈相連。我地對眼、我地啲頭髮、我地既生活模式、我們對食物既偏好、對音樂、對文化的情懷……我不能,都唔會,否認我係蒙古人。I love Mongolia﹗

 

作者:盧斯達@無待堂

盧斯達@無待堂

閱讀後覺得好,請多多讚好及分享~:)

其他熱門文章

  • 【PR】開放世界獸人 x 功夫動作 RPG《BIOMUTANT》今月推出多平台對應 by VJGamer
      Epicsoft(Hong Kong)Limited 今日宣佈,由 Experiment 101 […]…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
  • 《無限斜棟有限公司》的政治意味 by Terence Yun
    除了三人家庭背景在暗示著一些政治符號外,其實這個三角戀也是一種暗示,盧慧敏周璇兩人之間,兩位男方常強調要求盧決定選擇其中一個,但盧知道兩人都是她的所愛,不能沒有任何一個,不可以失去其中一個,所以盧非常強調不願意選,不想選擇,她只想唯持現狀,…
  • 梅艷芳與姜濤——看一個時代的轉變 by Terence Yun
    香港娛樂產業一如早前提及是需要投資,不能短視,長線投放資源,才能培養一代藝人…
  • 葉劉請你遠離Mirror by Terence Yun
    政客向來都是嗜血的動物,見到一些市場上有價值的,便會撲過去拿著數,Mirror近期火紅,政客們也不忙關顧一下。有人提議姜B打針以鼓勵年青人打針便是例子,而花姐亦很懂技術推卻,可見她是一個高手。建制政客也不會執輸,葉劉淑儀建議Mirror同E…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 130445
Date: 2016-04-02 13:05:23
Generated at: 2021-05-15 15:44:29
Permalink: https://www.vjmedia.com.hk/articles/2016/04/02/130445/代糖夫人遊記:去蒙古認祖歸宗