我在沽空內銀之中找到快樂

股市 股票

 

熱鬧過後,我卻感到失望。

我在報價機開了幾隻內銀去睇,中國銀行(3988)跌了2個%、工商銀行(1398)也跌了1.8%,報價機上見到盤路每秒不停跳動,熱鬧非常,因為有貨的投資者正在不停質低內銀的股價。我預先幫基金沽空贏了幾個億,我升了職,把仇人踢走了,但我很不開心……

我叫Patrick。幾日之前,我同Fredi在會議室商量點樣處理基金中的內銀倉位。我地公司營運的這隻基本是保本性質,因為內銀公關形象好,好多客貪派息好,都暗地要求我地增加內銀倉位。基金客就係咁傻豬豬,內銀派息好,但內銀邊度有錢先得架?咪又供股供回來。我地基金為了please呢班豬頭,明知供有虎,偏向供股行。羊毛出自羊身上,內銀派息的錢咪又係來自我地客戶的錢去跟供。結果,越低越溝貨,越溝貨越低,內銀股何嘗唔係向下炒?!

身為基金分析員,我同我上司Fredi據理力爭,力數內銀股不是。睇淡內銀的壞處多不勝數,表外債務質素差又多,太多奇怪的衍生工具連累業績;內銀盈利倒退,息差收窄、連累派息減少;中國經濟向差,內銀作為百業之母,當然仆硬街。內銀管理僵化,因為傳統往往是創新的包袱。內銀不思進取,只好跟著美帝的爛點子Coco Bond,學人玩股換債。這一著,已經幫內銀埋下爆煲的伏線。

我一直向Fredi痛陳內銀不是,不過昏庸的Fredi每晚只係掛住同我未婚妻Kathy開房,根本無心工作處理基金的轉倉。佢以為我唔知,查實我有次路過佢地步入時鐘酒店,我影了相。如果唔係因為借了Kathy老豆錢,我洗忍呢啖氣?有次Fredi當我水魚,以為我懵然不知,居然叫我陪佢去社會衛生科睇性病。我好嬲但忍氣吞聲,本來我只係想中出Kathy即飛,但都即刻去七仔買了幾打0.01,盒套係用來防佢架!結果,我無視Fredi的無能,私下幫基金做了一個對沖操作——沽空內銀。

2016年4月5日,我的操作得到回報。千億股換債出台,內銀被逼幫垃圾企業包底,做埋四大資產公司的垃圾佬工作,全體內銀仆晒街,連累恆指單日跌過300點。每一口沽盤,都意味我基金賺以萬計。

「我在沽空內銀之中找到快樂。」

因為我及時對沖,基金力保不失。老闆見到我的才幹,也意識到Fredi的無能。

最後,
Fredi left。

Fredi left the market同left the company,因為佢相信內銀會無事,點之股換債之後,佢個私家倉一鋪清了袋,老闆覺得佢差點連累基金輸大錢,亦都炒了佢。佢收了皮,我上了位,也算係報了佢偷食我未婚妻的一箭之仇。我雖然報了仇,我贏了錢,但也失去了家庭,不忠的未婚妻覺得我陷害佢契家佬上位,離我而去。報仇的確令我換來一刻快感,然後?只剩下淡淡的失落和空虛。

 

 

作者:渾水

渾水

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 130675
Date: 2016-04-05 17:32:52
Generated at: 2019-08-18 14:20:45
Permalink: https://www.vjmedia.com.hk/articles/2016/04/05/130675/我在沽空內銀之中找到快樂