【得罪講句】仆街,呢 D 先叫電視節目黎架嘛!!

 

 

無錯。。。好既電視節目,要有現場感,有緊張感,要一定痴住係電視機前面,尿急都忍住,涼都唔想沖,完全放低晒手頭上既野,睇晒個節目為止!而ViuTV 就係比到我呢一個咁既感覺,有一種戰慄感,睇到自己都出出地汗,真係好鬼死正。你無睇,出左街,或者仲係因為屋企人硬都要睇無線而無得睇,唔好意思,你真係走晒寶。呢D咁高質既節目,簡直係香港電視史近年黎罕有中既罕有。

大家有少少毒性既都知道日本最出名既漫畫連載雜誌,就係週刊少年JUMP,而當中成日所標榜既方程式,就係友情,勝利同努力!無錯,依家既G1格鬥會,正正就係完全地行中晒呢三樣所有元素。漫畫入面依家經常出現既香豔描寫,亦即係所謂既Service/殺必死情節,係G1格鬥會自然變成雪白既長腿,以及拳拳到肉底下既波光澰澰!!

呢個計算,真係極度準確我想講。ViuTV搞綜藝既果種觸覺,真係相當之令人擊節讚賞。

香港社會不論唔同層面都面對緊世代之爭。不論係職場,政治,選票,甚至係電視業,都係。如果睇TVB 既慣性收視就以中年老年師奶為主,ViuTV吸引既必然係渴望求變既新生代。正如少年JUMP漫畫,就係俾少年睇,唔係俾老野睇一樣。所以我亦義無反顧,即刻登記做ViuTV打手。絕望既環境,以弱勝強,意志力堅定,正是依家香港人所必須。

繼續打一場硬仗!打一場硬仗!打一場硬仗!!(洗腦~~~)

 

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 131493
Date: 2016-04-17 19:33:49
Generated at: 2022-09-30 13:24:36
Permalink: https://www.vjmedia.com.hk/articles/2016/04/17/131493/【得罪講句】仆街,呢-d-先叫電視節目黎架嘛!!