現代既女仔應該係點？ 香港既女仔應該係點？ 連詩雅其實係一個標準。
尋晚ViuTV真人show節目《跟住矛盾去旅行》，連詩雅同葉蘊儀一齊去意大利，帶黎一個相對於睇MV、睇電影或者大臺既音樂節目更真實既Shiga，係一個大眾口中「無知」、「白痴」港女身上搵到香港女仔既特質同埋可愛之處～
雖然節目係兩個唔同年代既女星去旅行，但我暫且唔講葉蘊儀住，主要講下節目中Shiga既個人特點：
1. 唔扮野做自己
一口外國口音既英文夾雜左係廣東話句子入面，令到你好似聽緊英文但又有廣東話既親切感，就算係一句你似懂非懂既「陽光勃勃」都好，你會聽得好舒服。
2. 短裙x長腿
一頭MK金毛秀髮加上造型斯文既襯衫，再笠一頂大帽。集合年青活力同型格與一身，恰到好處既叛逆，令人毫無高不可攀及既感覺。
3. 愛吃愛玩
「朱古力士多啤梨呀～～」，係佢冷酷既外表上增添一份童真。鍾意攬住Minions訓覺呢種強烈既反差萌令外冷內熱既Shiga帶俾人冰火般既快感。
4. 愛畫畫愛藝術
MK外表既Shiga原來畫畫都幾靚，另外修讀藝術令佢多加一份內涵，堅持每一樣事物都「In the square」同力求完美既態度成就佢平凡裡既不平凡。
係香港呢個中西交流既社會要做一個合格既港女其實個標準比世界其他地方難好多。例如我地會用東方既角度要求女性賢淑又同時用西方既標準要求女性獨立。舉個例好似日本南韓臺灣佢地根本唔會追要求女性點樣點樣獨立自主、思考分析，只會追求女性係咪持家有道、相夫教子；而西方完全調轉唔會理你係咪入得廚房，只求你事事獨立無須依靠。香港地病態到要求上述兩種優點並存而唔係兩者平衡。
香港既女仔過份活係別人既眼光之下，同時又千方百計去想得到別人既認同。連詩雅從來無理會過網絡上既負面新聞，其實某程度上就已經甩開左別人既眼光。
只能夠講今時今日如果一個連詩雅性格既女仔一定比一個葉蘊儀性格既女仔更吸引。 年青既男仔都講求獨立，試問又點會想甩開阿媽之後去追求一個阿媽般既女生做女友？
【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著
【瑜珈教練被殺】香港的法律不足以保障遭受纏擾行為的受害人
【轉工適用】Reference Check 又黎料啦
【憂傷的嫖客】「環保吹」
如何成為護士？（包括登記護士與註冊護士）
《彼岸島》絕對是我人生中看的其中一套最令我無言的漫畫。
2016年4月26日
